"O, sige! Pagkatapos mo r'yan, pumasok kana rito at may nilaga akong saging!" pabalik na wika naman ng ina nito.
Hindi na nag-abala si Celine na sumagot dahil binilisan niya na ang ginawa niyang paglilinis ng mga kagamitan. Nang matapos niya na itong linisan ay agad niya itong pinatuyo sa gilid at pumasok sa loob ng bahay.
Nagpunas siya ng pawis nang lapitan ang ina na siyang sinawsaw ang nilagang saging sa ginamos. Biglang natakam si Celine habang nakikita ang ginagawa ng kaniyang ina.
"Saan ka po nakabili ng saging, 'Nay? Akala ko ba wala pang paninda si Mang Jioko," pagtatanong ni Celine sabay sawsaw ng saging sa ginamos at sinubo ito sa kaniyang bibig.
"Binili ko lang 'to kanina sa naglalakong babae. Mabuti nga at mura lang ang bentw niya kaya binili ko na lang lahat," tugon ng
