المغرور والمشعلالتي

أهلي سوحوني في امجد دبسوني ميرنا . صباح الفل يا ماما يا حبيبتي انا عندي شغل ابوس ايدك ارحميني زن زن زن زن يا روح قلبي مش فاضيه للكلام ده انا قولتلك مش عايزه أتجوز دلوقتي هقعد اعيد و ازيد لأمتي الام راضيه . يابت يا هبله ده مهندس بترول شغال في شركه كبيره مالتي ناشونال عارفه يعني ايه يا بت مهندس بترول يعني اعتبري نفسك يا بت عايشه في الخليج خليكي ناصحه و ذكيه انتي لو قدرتي تصطاديه هتاكلي الشهد و ربنا اسمعي انتي بس كلام راضيه امك و هتفضلي تدعي لي عمرك الجاي كله ميرنا . ههههه احيه يا راضيه اصطاده يا راضيه ده انتي كده مش بتتكلمي علي انسان ده انتي عليكي جمل الله يرحمك يا بابا اصطدتيه لغايه ما موتيه و خدتي اللي وراه و اللي ادامه ? راضيه . خدت ايه يا موكوسه ده ابوكي خد زهره شبابي يا اختي و بعدين تصدقي انك معندكيس دم معرفش طالعه لمين كده يا بت ده ابوكي كان بيموت فيا دايب فيا دوب و بيعشق تراب رجليا ميرنا . اولا يا راضيه الله يرحمه و يدخله فسيح جناته يا رب كان بيموت فيكي فعلا و انتي فعلا تتحبي يا قمر و بعدين اسمها بيعشق التراب اللي بمشي عليه يا راضيه مش تراب رجليه و فكك بقا من حوار الخاطبه اللي انتي عايشه لي فيه يلا يا قمر انا نازله راضيه . ماشي يا اختي مع السلامه راضيه عليكي يا قلبي بس بقولك ايه يا بت يا ميرنا عايزه اطلب منك طلب بس اوعي تنطي في كرشي كالعاده ميرنا . انا اقدر يا ست الكل اطلبي اللي انتي عايزاه راضيه . خبطي علي امجد ادي له طبق البصاره يفطر بيه هيجيب معاه من الاخر و يقع فيكي و يدوب في غرامك دوب . ده اللي كان بيجيب مع ابوكي يا بت و متستهريش ميرنا . انتي بتهزري يا ماما بصاره بصاره يا راضيه يعني بابا جبتيه بالبصاره انا ماشيه يا ماما ( طلعت ميرنا من باب البيت لقت المهندس امجد واقف عند الأسانسير و عمال يضحك و كانت في نص هدومها ) ميرنا . صباح الخير يا ا . أمجد امجد . صباح النور يا انسه ميرنا اخباركم ايه و الست راضيه عامله ايه ميرنا . تمام الحمد لله كويسه أمجد . يا رب دايما متنسيش تعدي عليا بطبق البصاره و سابها ومشي ( يا نهاري علي الاحراج والله راجل قليل الذوق الله يسامحك يا راضيه علي الفضايح ديه ) نزلت ميرنا علي شغلها و راحت شركه المحاسبة اللي هي بتشتغل فيها و كانت قاعده مدايقه جدا من الموقف اللي حصل و دخل عليها زميلها احمد و كانت بتكلم نفسها ( ماشي يا باشمهندس امجد والله لاوريك فاكر نفسه ايه عشان يتريق و يلقح بالكلام راجل قليل الذوق فعلا و قال اصطاديه و هتاكلي من وراه الشهد . ده عايز يطخ زي الكلاب البلدي أحمد . صباح الخير يا ميرنا ايه يا بنتي بتكلمي نفسك ليه ع الصبح ميرنا . صباح الخير يا احمد لا مفيش واحد قليل الذوق حرق دمي أحمد . حد ضايقك يعني و انتي جايه و لا ايه ميرنا . لا يا ابني الا قولي يا احمد انت كراجل يعني ايه اللي ممكن يداقك ، يعني انا لو بنت و عايزه احرق دمك اعمل ايه احمد . ? لا حول ولا قوة الا بالله انتي اتجننتي يا ميرنا شكلك واخده خازوق جامد ع الصبح ميرنا . الصبر من عندك يا رب انا مش بهزر يا احمد انا مدايقه و بعدين ما انا لسه قايله لك واحد قليل الذوق دايقني أحمد . طيب انا مش فاهم فيه ايه اللي حصل ميرنا . في واحد مغرور جارنا قليل الذوق عايزه ادايقه و احرق دمه عشان اتريق عليا و انا عايزه احرق له دمه راجل مهندس و معاه فلوس و شايف نفسه و عايزه انا بقا انكد علي اللي خلفوه أحمد . بقا هي الحكايه كده امممم ده مفيش اسهل من كده طيب بصي يا ستي هقولك اكتر حاجه تخليه مش بش يحترق دمه ده يرقع بالصوت و ضغطه يعلا و كل حاجه بس الاول ظبطيني جعان ميرنا . الله يخرب بيت طفاسه اهلك يا احمد هجيبلك اللي انت عايزه بس اتفضل قول أحمد. بصي يا ستي انا كراجل يعني اكتر حاجه في الدنيا تدايقني ان حد يقرب من عربيتي ديه عموما حركه بتجنن اي راجل في الدنيا العربيه ديه بتكون في مقام مامتي مراتي بنتي يعني ممنوع الاقتراب عليها ميرنا . احييييه و لا كان يجي في دماغي و ربنا مع ان دماغي جامده و شغاله بجد بجد ابهرتني الله عليك يا احمد شكرا جدا هحتاجك تاني يلا بقا علي شغلك احمد . ايه ده ان شاء الله ده انتي بت استغلاليه حتي مش هاين عليكي تعزميني علي فطار و لا فنجان قهوه عموما الاستشاره بعد كده بفلوس ماشي يا سوسه و تجيبي لي اكل علي مكتبي يلا سلام و سابها و راح لمكتبه ميرنا . هههه انا هوريك يا امجد مش عاجبك البصاره انا بقا هاكلك خازوق يطلع من دماغك حقيقي ميفهمش الراجل الا الراجل اللي زيه ماشي يا امجد بيه ( بعد ما خلصت ميرنا الشغل روحت ع البيت و لقت عربيه المهندس امجد واقفه خرمت له كاوتش العربيه و كتبت له علي الازاز انفخها و بخرها ده محدش مقدرها ) و طلعت كانت ميته من الضحك و اول ما دخلت وهي مسخسخه علي نفسها من الضحك ميرنا . تعالي يا ماما احكي لك ع البغل اللي ساكن ادامنا اللي اسمه امجد عملت فيه حته خازوق هيطلع من دماغه و بعدين بتبص لقته في وشها ? ايه ده بيعمل ايه هنا راضيه . هاااا حمد لله على السلامة يا بنتي ده استاذ امجد جارنا ميرنا . ايوه عارفه انه الأستاذ امجد جارنا بيعمل ايه عندنا يا ماما راضيه . ده كان بيدخل لي انبوبه البتوجاز و عزمت عليه يشرب قهوه معايا ميرنا . امممم قهوه و طفحها و لا لسه قصدي شرب و لا لسه راضيه . هااااا بتقولي ايه يا بنتي امجد . حمد لله على السلامة يا انسه ميرنا عموما انا كنت ماشي و شكرا ع القهوه يا طنط راضيه . الشكر لله يا ابني و شكرا علي مساعدتك ليا ( و قف امجد و سلم علي راضيه و طلع عشان يمشي و لما وصل عند ميرنا قرب منها و قالها ) امجد . ماما عزمت عليا اكول قبل القهوه هي البصاره كانت جامده بس مجابتش معايا الصراحه شوفي لك حاجه تانيه توقعي بيها راجل وسيم زيي تصبحي علي خير و سابها و مشي ميرنا . اه يا حيوان والله لاوريك يا امجد الكلب راجل مغرور صحيح . بس العيب مش عليه ماشي راضيه . اهدي يا بنتي فيه ايه حصل لكل ده و بعدين هو صح كان بيقولك ايه يا ميرنا ميرنا . كان بيقولي ايه ابقي اساليه يا ماما اوووف ( سابتها ميرنا و دخلت و رزعت الباب ( اه يا امجد الكلب بقا البصاره مجابتش معاك اما اشوف بقا الخازوق اللي هتشوفه بكره هيجيب معاك و لا لا ) صحيت ميرنا و فرحانه مستنيا تشوف رد فعل المهندس امجد ميرنا . صباح الخير يا ماما صباح الجمال و الروقان راضيه . صباح الخير يا بنتي مش هتفطري و لا ايه عامله له طبق مسقعه بالبيض هيعجبك اوي ميرنا . لا اله الا الله و لا حول و لا قوه الا بالله مسقعه بالبيض اموت و اعرف يا راضيه انتي شغاله ورا اي شيف عشان بجد معدتي اشتكت حرام عليكي بقا انا معدتي لغايه دلوقتي مرتاحتش بعد ما عملتي المكرونه بصوص العدس ? راضيه . اخص عليكي يا ميرنا انتي قصدك تقولي ان اكلي وحش ميرنا . لا يا روح قلبي انتي قمر كفايه وقفتك في المطبخ انا قصدي اقولك ان الشيف اللي بتتف*جي عليه ده يا ماما لو بلغت عنه هيحبسوه في مؤسسه الدواجن يأكل الفراخ ده مش شيف بيطبخ لبني ادمين ده يا امي بيعلف بهايم ? و انا مش بهيمه يا ماما انا نازله سلام طلعت ميرنا جري و كان لسه المهندس امجد هيركب الأسانسير جريت و ركبت معاه عشان كانت حابه تشوف اللقطه ادامها امجد . صباح الخير يا انسه ميرنا ميرنا . صباح الابتسامه يا باشمهندس حسن قصدي يا باشمهندس امجد ( بص لها امجد باستغراب و كان بيتكلم مع نفسه . هي البت ديه مجنونه و لا ايه ) و نزل أول ما شاف عربيته وقف مصدوم و عمال يضرب كف علي كف و مش عارف يعمل ايه و كانت جوه عربيتها بتضحك و تغني انا مسيطره و طلع يجري عليها ( انسه ميرنا انسه ميرنا معلش ممكن توصليني معاكي عندي اجتماع ضروري و لو اتأخرت هيحصل لي مشكله كبيره في الشغل ) ميرنا . نعم يا روح ماما لا انت بتستهبل بقا فاكرني اوبر يا حبيبي يلا اتوكل علي الله و اطلع علي أول الشارع و نادي علي تا** كده و طريقك زراعي انا مش فاضي المشكله ديه أمجد . مش هينفع مفيش وقت و احتمال يحصل لي خصم كبير لو اتأخرت و هيحصل مشاكل ميرنا . و انا مالي فاكر يعني لما تقولي كده هتصعب عليا ( مره واحده لقت امجد دخل العربيه و بيبص لها بمسكنه ) ميرنا . و ده ايه ده ان شاء الله امجد . بعتذر لاني دخلت بس ارجوكي يا ميرنا انا عندي مناقشه مشروع و مفيش وقت ارجوكي اطلعي و هقولك عنوان الشغل في الطريق ميرنا . ماشي يا باشمهندس انا بس هعمل ب اصلي و هوصلك بس عد الجمايل و اعرف اني احسن منك ( محدش يلوم عليا ? اصل انا بصراحه صعب عليا ما انا اصلي بنوته كيوت ?? هشتغل له في الازرق بعيد عن الشغل و اكل العيش ) وصلته و اول ما نزل من العربيه وقف ادامي ميرنا . لا لا مش عايزه منك شكر الجيران لبعضها و انا بحب اعمل الخير و ارميه في البحر عشان يرجع لي تاني و عادي يعني بنعمل للغريب هنيجي عند الجار و نقول لا امجد . كفايه رغي و هري يا انسه ميرنا و اسمعي الكلمتين دول قبل ما امشي والله لو اكتشفت ان ليكي دخل للي حصل ل عربيتي ما هعدي لك الموقف ده و سابها ومشي ( وقفت تزعق في الشارع بصوت عالي و كانت غضبانه جدا ) ميرنا . تصدق بالله انا غلطانه كان زمانك متلقح يا باشمهندس في الشارع مش لاقي حد يعبرك و كان اتشبشب لك في الشغل انا دايما بسمع ان المهندسين دول مجانين بس مكنتش بصدق غير لما شوفتك يا بيه ماشي كله بحسابه ، حقيقي رجاله عندها انفصام في الشخصيه (و كان واقف واحد عمال يضحك و بصت له ميرنا من فوق لتحت و قرب عليها و بدأ يتكلم ) معاكي المهندس حسن الرداد صاحب امجد ميرنا . يا ربي علي كميه البيض و التلزيق اه طبعا صاحبه مش محتاج تقول كله واضح مش واقف زي الاهبل تضحك من غير من تفهم حاجه يبقي اكيد صاحبه ( سابته و ركبت عربيتها و مشيت و هي عماله تسب و تلعن فيه وصلت مكتبها و كانت متأخره علي شغلها ) اول ما وصلت جري عليها احمد احمد . الله يخربيتك يا بنتي هو انتي مش عارفه ان المدير مركز معاكي بتتاخري ليه ميرنا . العربيه عطلت و بعدين ايه اللي حصل يعني احمد . بقولك ايه ادخلي ل استاذ حسام شكلك هتتنفخي ع التاخير ميرنا . لا حول ولا قوة الا بالله انا علي اخري مش طايقه حد بقولكم ايه انتم هتتسلوا عليا خليك قاعد هنا متتحركش عايزاك هدخل اشوفه وارجعلك ( دخلت ميرنا للمدير اللي كان عامل نفسه غضبان ) ميرنا . ازيك يا استاذ حسام بعتذر عن التاخير المدير . محصلش حاجه يا ميرنا .بس اصلي قلقت عليكي الصراحه ( سرحت و كانت بتكلم نفسها لا حول ولا قوة الا بالله حقيقي في رجاله عايزه الحرق بس انا لازم استفاد من الموقف ده و قعدت تعيط ) حسام . ايه ايه اللي حصل بتعيطي ليه يا نيمو قصدي يا ميرنا ( ميرنا كانت بتكلم نفسها نيمو يا ابن الع**طه يعني راجل كبير و كمان ملزق ) ميرنا . متعرفش ايه اللي حصل لي يا استاذ حسام ، انا امبارح كنت تعبانه و الدكتور قالي إجهاد و محتاجه اسبوع راحه قولت لا الشغل اهم و نزلت النهارده اغمي عليا في الشارع و قعدوا يفوقوني و اول ما فوقت جريت علي الشغل علي طول قولت اه كله الا شغلي انت عارف بقدر الشغل اد ايه حسام . معقول كل ده يحصل لك ازاي متقوليش ، خدي اجازه اسبوع مدفوعه و لو حابه تغيري جو في اي مكان انا اقدر اود*كي ( كانت بتكلم نفسها اه يا راجل يا خرفان عايز تفسحني و تسوحني ) ميرنا . لالا الدكتور قالي ارتاح بالبيت انا متشكره جدا عن اذنك حسام . لو اي وقت احتاجتي حاجه كلميني حياه . ماشي شكرا يا استاذ حسام خرجت ميرنا و فضل يكلم نفسه ( اااه يا قلبي يا اللي مش ساكت كل اما تشوف ميرنا تقلبها تكاتك ، البت ديه سحرالي ولا ايه بس هتيجي يعني هتيجي ) خرجت ميرنا و كانت مدايقه و احمد كان مستنيها أحمد . ايه يا بنتي اللي حصل عمل لك خصم طبعا ميرنا . انت اهبل يا ابني خصم ايه انا خدت اجازه و مرتبي شغال احمد . اه يا بنت الجنيه عملتي كده ازاي ميرنا . مش مهم المهم دلوقتي اني عايزه احرق دم امجد الكلب جارنا . أحمد . بقولك ايه انا مش فاضي لك بلا امجد بلا بطيخ ميرنا . حلو جدا انا هروح ل خطيبتك امل اللي هي صاحبتي اللي انا كنت السبب في خطوبتكم و اقولها انك بتتحرش بالسكرتيره و انا شوفتك و طبعا هتصدقني و تحضر نفسك بقا يا حبيبي للي هيجري لك غير طبعا الفضيحه اللي بجلاجل أحمد . اه يا بنت المجنونه عارفك تعمليها عايزه مني ايه حرام عليكي ميرنا . هروح امخمخ كده واكلمك سلام نزلت ميرنا و وصلت بيتها و سمعت صوت امجد جوه و اتحرق دمها امجد . يرضيكي كده يا طنط بنتك مجنونه علي فكره وانا مش هستحمل كتير ديه خرمت لي كاوتش العربيه مش عارف عملت كده ليه كل ده عشان نكشتها راضيه . لا حول ولا قوة الا بالله مش عارفه اقولك ايه طب يا ابني متيجي لها دوغري و قولها انك معجب بيها و عايز تتجوزها بدل ما عمالين تارفوا في بعض و فيا كده و في الاخر بتنكدوا عليا انتم الاتنين امجد . لا يا طنط انا مقدرش احنا كمهندسين مينفعش نروح و نترفض لازم اكون واثق انها معجبه بيا و بعدها نشوف راضيه . بس هي مش طايقاك يا ابني انا اللي بزقها عليك امجد . لا لو مش طيقاني مكنتش قبلت توصلني عشان خايفه علي شغلي و بعدين انا مهندس و قمر واعجب اي بنت ( وقفت بره تكلم نفسها اه يا ولاد المجانين متفقين عليا و غرورك بقا يا باشمهندس مانعك تيجي لي دوغري خايف تترفض ماشي قابل يا معلم ) نزلت ميرنا و اتصلت علي احمد ميرنا . بقولك ايه يا احمد تعالي نتقابل في كافيه عايزه اتكلم معاك ضروري أحمد . نعم يا أختي انتي بتستهبلي انا لسه مخلصتش الشغل يا ميرنا و انتي عارفه ميرنا . مش شغلي يا احمد يلا مستنياك متتاخرش أحمد . ماشي يا بنت المجنونه ( قفل احمد مع ميرنا و هو مش عارف يزوغ ازاي من الشغل و نزلت ميرنا ركبت تا**ي و راحت قعدت في كافيه في انتظار احمد ساعه و دخل عليها ) احمد . السلام عليكم ورحمة الله وبركاته أهلا يا مجنونه تصدقي انا بدأت اكره خطيبتي بسببك ، معرفتكم مهببه تجيب الواحد لورا و لو يا ميرنا حصل لشغلي حاجه انتي المسئوله و هفسخ خطوبتي من صاحبتك عشان ترتاحي يا اختي و ميرنا . يووووه لوك لوك لوك لوك من ساعه ما وصلت اخرس بقا عشان اعرف احكي لك هتعمل ايه أحمد . خرست يا هانم عايزه ايه ميرنا. بص يا احمد الصراحه كده انت عايزاك تروح معايا البيت احمد . يا بنت المجنونه نهار ابوكي اسود ايه اللي بتقوليه ده انتي خلاص هربت منك علي الاخر صح ميرنا . فيه ايه يا متخلف انت فهمت ايه أحمد . والله حاليا انا مش فاهم وربنا اشرحي و فهميني يا اختي ميرنا . بص يا احمد انا عايزاك تيجي البيت و اعرفك علي ماما علي اساس انك عريس زميلي في الشغل و انا معجبه بيك و بعدين نطلع بره الشقه و نقف ادام شقتي و نضحك و نهزر مع بعض أحمد . لا حول ولا قوة الا بالله انتي سخنه يا ميرنا انا خاطب يا حبيبتي لو كنت فاضي احتمال كنت افكر فيكي بس انا بحب امل خطيبتي و مقدرش اخونها ميرنا . يا ربي علي التخلف الله يعينك يا امل علي التخلف اللي هتعيشي فيه ، من الاخر يا ابني انا عايزاك من الاخر تشتغل مشعلالتي أحمد . نعم يا أختي ايه مشعلالتي ديه مش فاهم ميرنا . يا ربي ع الغباء شوفت فيلم اشاعه حب لما سعاد حسني كانت بتستخدم لوسي في انها تشعلل قلب عمر الشريف احمد . و انا هبقي عمر الشريف و لا هبقي لوسي ميرنا . يا ربي ع الغباء بالذمه ديه تنفع خلقه تكون شبه عمر الشريف . يا ابني عايزه امجد يغير منك و يعرف ان في حد في حياتي عشان يقدر يجي يعترف لي انه بيحبني و كتير غروره ده أحمد . اه فهمتك يا ميرنا و بعدين و انا مالي بالحورات ديه انا و اه و افرضي اتضربت ميرنا . ههههه انضربت ليه يا واد شغال ما بربي انت نسيت انا مين يا اخويا انا ميرنا ميرنا اوعي تنسي و يلا سلام انت معزوم ع العشا النهارده ظبط حالك و تعالي مشيت ميرنا واحمد فضل قاعد ( الله يخربيتك يا ميرنا علي بيت امل علي بيت اليوم اللي عرفتكم فيه هتضيعي مستقبلي يا بنت المجنونه ) وصلت ميرنا البيت و دخلت كانت مامتها قاعده لوحدها ميرنا . مساء الفل يا راضيه راضيه . مساء السعاده يا قلبي شكلك مبسوط ميرنا . اه يا راضيه الحمد و الشكر لله بقولك يا ماما فيه واحد زميلي في الشغل عزمته علي العشا النهارده راضيه. نعم يا روح امك زميل مين اللي جاي و ايه المناسبه ميرنا. من غير مناسبه يا ماما و بعدين متشيليش هم الاكل انا طلبته في الطريق راضيه . لا يا بنتي ده انا اقوم احضر احلي اكل ميرنا . اممممم انتي هتقولي لي هتقومي تعملي جبنه بالبيض و بطاطس بالعجوه و لانشون بالمربي و يطلع من عندنا يعمل لي فضيحه في الشركه و بسبب الاكل الجامد ده اسيب شغلي راضيه . اخص عليكي يا ميرنا قفلتيني تصدقي انك معندكيش دم بدل ما تقولي لي تسلم ايدك يا شيف ميرن . هههه تسلم ايدك يا احلي ماما في الدنيا انا بهزر يا ست راضيه انا داخله انام شويه تصبحي على خير ( دخلت ميرنا و قفلت الباب وراها و كانت بتكلم احمد و مامتها كانت بتسمعها من ورا الباب ) ميرنا . ايوه يا احمد عايزه الضحك و الهزار يوصل له جوه عايزاك تزود العيار ع الاخر عايزاه امجد اشوف النار طالعه من ودانه و دماغه ماشي يا باشا علي اتفاقنا و متقولش لحد يلا سلام ( راضيه بتكلم نفسها اه يا بنت المجنونه بتعملي حوار علي الراجل ماشي يا ميرنا انا مش عارفه هتعقلي امتي و تريحي قلبي اما الحق بقا اقول لامجد بدل ما العريس يطفش و يطير ) و دخلت المطبخ جري و حكت ل امجد اللي كان ميت علي نفسه من الضحك راضيه . انت مجنون يا ابني انت بتضحك يا امجد امجد . طبعا يا طنط راضيه بضحك كده عرفت اني شاغلها يا طنط راضيه و مش بس كده ديه بتحبني و بتموت فيا كمان و اقفلي بقا دلوقتي عشان اشوف هعمل ايه قفلت راضيه وهي بتكلم نفسها ( يا رب عدي اليوم المقندل ده علي خير ، رزقتني ببنت مجنونه و عريس متخلف ) وصل احمد علي العشا و كانت الساعه ٩ م راضيه . منور يا ابني عملالك اكل يا رب يعجبك أحمد . ده انا واقع من الجوع يا طنط احسن من الاكل اللي يسد النفس اللي بتجيبه بنتك ميرنا ( سمعت ميرنا الكلام و شرقت و فضلت مسخسخه علي نفسها من الضحك ) ميرنا . احكي لها يا احمد ايه الاكل اللي معجبكش اللي خدت بعده فوار ده أحمد . و الله يا طنط تحسي ان اللي بيطبخ حمار ملهوش علاقه بالأكل يعني فعلا لازم يترفد من الشغل يروح بقا يشتغل سباك و لا اي مهنه غير أنه يبقي شيف ميرنا . احترم نفسك يا احمد مش كده الراجل عمل اللي عليه و طبخ يعمل ايه تاني يعني أحمد . انتي بتحامي له ليه هو قريبك ميرنا . لا طبعا و لا أعرفه كمل أحمد . والله يا طنط راضيه كانت عزمانا علي مكرونه بالبشاميل و بانيه لو اقولك يا طنط البشاميل تحسي انه قالب علي قرنبيط اما البانيه مدي علي لحم حمير والبقسماط بيوقع منه يعني لو واحده متجوزه و مش بتفهم حاجه في الاكل هتعمله احسن من كده ( فضلت ميرنا تضحك و مسخسخه علي نفسها و احمد مش فاهم فيه ايه ) ( اما راضيه كانت متنحه عشان عارفه ان ميرنا واخده الاكل ده من البيت ) راضيه . قولت لها يا ابني مليون مره بلاش اكل الشارع اللي كله وجع بطن بس هي طفسه ميرنا . لا والله يا راضيه انتي مش فاكره المكرونة ديه جبتها منين راضيه . هاااااا من عند مطعم كباب بالصدفه يلا ادخلي يا ميرنا حضري الاكل ل احمد ميرنا . حاضر يا ماما يا حلوه انتي ( دخلت ميرنا حضرت الاكل و قعدوا ياكلوا كلهم مع بعض ) أحمد . تسلم ايدك يا طنط ايه العظمه ديه الاكل حكايه ميرنا . طبعا يا احمد ده راضيه عليها نفس في الاكل مقولكش . لو جربت بقا المسقعه انا متاكده انك هتبقي زيي و مش هتاكولها تاني أحمد . نعم يعني ايه مش فاهم ميرنا .قصدي مش هتاكولها من ايد حد تاني يا احمد أحمد . اه تمام تسلم ايدها فعلا راضيه . بالهنا والشفا يا ابني . قولي صح هتيجي تتقدم رسمي امتي ل ميرنا احمد . ايه يا طنط ده انا زميلها عادي هو كل اللي بيجي ياكول عندكم تبقوا عايزين تلبسوه في ميرنا ميرنا . ما تظبط يا احمد ايه يا لبسوه ديه بصي يا ماما خلال شهر ان شاء الله يبقي كل حاجه جاهزه و نقدر نتخطب أحمد . ميرنا انتي اتجننتي راضيه . ايه يا ابني هو انت فاكر هتبقي داخل خارج طالع نازل واكل شارب علي حس الزماله معنديش الكلام ده ادامك اسبوع تيجي تتقدم مع اهلك أحمد . اه اكيد انا قصدي ان شهر مش هلحق اخلص حاجتي بس هتصرف ماشي ميرنا . ماما ممكن تقومي تعملي لنا الشاي. راضيه . طيب يا بنتي انا قايمه ( قامت راضيه دخلت المطبخ ) احمد . انا اكتشفت ان التخلف وراثي في عيلتكم ده أمك مجنونه اكتر منك ديه مصدقت شافت راجل ميرنا . انت هتصدق نفسك انت كمان هو فين الراجل ده احمد . نعم يا أختي ميرنا . اسمع يا احمد ، المهندس امجد معجب بيا و بيني و بينك الواد طول ب عرض و مالي الارض موز صاروخ يطلع من النافوخ بس انا مش قليله برضه انا ميرنا منير و جمالي خطير و لو حد عايز يتجوزني لازم يكون قادر يشيل احمد . من ناحيه هيشيل هيشيل اه يا عيله مجانين ميرنا . اظبط يا واد بدل ما اكلم امل خطيبتك و اصور لها انك في بيتي و اخليها تيجي تعملك ترنشاط و ترميك للكلاب أحمد . اه يا شويه حيوانات ميرنا . بتقول ايه يا واد يا احمد احمد . بقول يلا نقف بره و نعمل النمره اللي اتفقنا عليها خليني اروح ورايا شغل كتير ميرنا . طيب يلا بينا ماما احنا نازلين هجيب حاجه من العربيه و اطلع راضيه . طيب يا بنتي ربنا معاكي يا رب ( طلعت ميرنا و قفلت الباب وراها و راضيه كانت مرعوبه من اللي هيحصل ) راضيه . اه يا متخلفين يا ولاد المجانين ربنا يسترها يارب ( و كان واقف احمد و ميرنا بره ادام الشقه ) ميرنا . ها يا واد عا**ني وقولي نكت خليني اضحك احمد . اعا**ك بالايد يعني و لا بالكلام ميرنا . بقولك عا**ني مش تتحرش بيا احمد . هحاول مع ان الشكل مش سامح ميرنا . قعدت تضحك أحمد . بتضحكي علي ايه يا متخلفه انتي ده انا بشتمك ميرنا . بضحك عشان عارفه انك راجل اتم و مش هيطلع منك كلام يضحك أحمد . يا ساتر يا رب كانت معرفه هباب فضلت تضحك ميرنا مع احمد لغايه ما اتصدمت لقت البشمهندس امجد طالع من الشقه و معاه واحده أحمد . مسا مسا يا ميرنا ميرنا . مسا زفت علي دماغك يا امجد بيه ده انت قالبها مراجيح ستات طالعه و ستات داخله أمجد . الزمي حدودك يا انسه ميرنا و بعدين ديه زميلتي في الشغل و مين الأستاذ يا انسه مراجيح أحمد . انا خطيبها يا استاذ امجد و مسمحش حد يكلم خطيبيتي كده روان . بيبي انا نازله يا روحي و متنساش اطغطا كويس لاحسن اوضه النوم بحري أمجد . حاضر يا نوني أول ما توصلي كلميني و سوقي بالراحه ميرنا . و متنساش تلبس البامبرز قبل ما تنام يا بشمهندس و متنسيش تبعتي له رساله تطمنيه انك مغرقتيش و انتي داخله تنامي محن بلا ارف و دخلت و رزعت الباب و احمد نزل جري من قبل ما يضرب و امجد وقف يضحك ( طب و ربنا بتحبني و بتغير عليا ) تاني يوم نزل البشمهندس احمد و لقي العربيه بتاعته مخروم الكاوتش تاني مره بعد ما كان صلحه ولقي مكتوب علي العربيه ( البس يا عريس خازوق الخميس ) أمجد كان بيكلم نفسه اه يا بنت المجانين . كله الا عربيتي . فاكره يعني لما تعملي كده مش هعرف اخرج ماشي يا ميرنا ركب امجد تا**ي و راح شغله و كان قاعد في مكتبه و دخل عليه زميله المهندس عصام أمجد . صباح الخير يا عصام .اخبار الشغل في المشروع بتاعك ايه عصام . تمام يا باشا كله تمام انت اخبارك ايه شكلك حد معصبك ع الصبح امجد . بنت المجانين اللي ادامي خرمت لي كاوتش العربيه لتاني مره عصام . مين ديه يا عم أمجد . واحده جارتي بس ايه قطه مخربشه انا اتقدمت لها بس هي متعرفش . عصام . مش فاهم متعرفش ازاي امجد . يعني يا سيدي مش عايز اعرفها غير لما اتاكد انها بتحبني عصام . لا واضح يا عم انها بتحبك ? أمجد . طب قولي ايه اكتر حاجه تخليها تشعلل غيره كده . غير انها تشوف واحده معايا عصام .وامممم اعزمها علي العشا يا عم و اتفق مع بنت تيجي تسلم عليك و شوف رد فعلها أمجد . هي فكره بس خايف تتقلب علي دماغي بس هجرب اشوف رد فعلها بيني وبينك عايز اتجوزها في اقرب وقت عصام . ربنا يسعدك يا امجد ،،،،،، بعد ما خلص امجد الشغل روح علي البيت و خبط عليهم و فتحت راضيه راضيه . اتفضل يا استاد امجد دخل امجد وقعد ازيك يا طنط راضيه هي ميرنا موجوده في سوء تفاهم حصل بينا و لازم اعتذر لها راضيه . هنادي عليها يا ابني لحظه وارجعلك ( دخلت راضيه ل ميرنا ) راضيه . عشان خاطري يا بنتي احنا جيران اطلعي و شوفي عايز ايه ميرنا . حاضر اما اشوف اخرتها ايه ( طلعت ميرنا من الاوضه لوحدها و راضيه فضلت جوه عشان تديهم مساحه يصفوا اللي بينهم ) ميرنا . خير يا استاذ امجد فيه حاجه ( قام امجد و وقف جمبها و لاول مره حست بضربات قلبها بتزيد بسرعه و مش عارفه السبب ايه ) أمجد . انا اسف يا ميرنا مش قصدي اللي حصل امبارح انا عايز اعوضك واعتذرلك بطريقه مختلفه شويه تقبلي نتعشا بره مع بعض ( مش عارفه ايه اللي جري لي بدون تفكير وبفرحه كبيره من جوايا رديت ) ميرنا . اوكيه انا موافقه امجد . خلاص اجهزي و انا نص ساعه و اعدي عليكي ( دخلت ميرنا الاوضه و طلعت راضيه ) راضيه . ها يا ابني سبع ولا ضبع أمجد . النهارده هعرف يا طنط ( و هو بيتكلم كانت ميرنا لسه هتطلع تسال مامتها علي حاجه و افتكرت انه مشي و سمعت كل الكلام ) أمجد . اتفقت مع واحده زميلتي تيجي و تسلم عليا و تقعد تضحك و تهزر عشان اشوف رد فعلها راضيه . يا ربي علي دماغك يا ابني اعقل و لزمتها ايه بس امجد . انا المهندس امجد السلطان لا يمكن اترفض ابدا و انا مقدرش اتحمل اني اعجب بواحده و احبها و ترفضني راضيه . قلبي مش مطمن يا ابني كنت عارفه ان المهندسين مجانين بس انت الفولت عالي عندك يا ابني ربنا يشفيك أمجد . انا ماشي شويه و هرجعلكم ( ميرنا دخلت و قفلت علي نفسها الباب و بصوت واطي كلمت واحد زميلها اسمه محمد و اتفقت معاها علي مسرحيه يعملها ولبست فستان قصير احمر وكانت في منتهي الجمال عشان تخليه يستسلم و يعترف بحبه و اعجابه ليها ) بعد نص ساعه خبط امجد و أول ما شافها تنح من جمالها ميرنا . انا جاهزه هنروح فين أمجد . هااااا المكان اللي تحبيه ميرنا . اممممم في مطعم علي النيل حلو جدا اسمه جزيره العشاق هيعجبك جدا و فيه مكان كمان للرقص امجد . اوكيه نروحه نزلوا و ركبوا العربيه و امجد كان متلغبط من جمالها و مسكت التيلفون و بعتت رساله ل محمد بالمكان اللي هيروحوه و بعد ما وصلوا قعدوا مستينين الاكل و وصلت بنت علي التربيزه نانسي . هاي يا امجد ازيك يا روحي وحشتيني فينك امجد . نانسي ايه يا بنتي الجمال ده انتي كل شويه تصغري كده نانسي . دمك زي العسل مش تعرفنا ميرنا . انا ميرنا جارت امجد اتفضلي يا قمر معانا لسه الاكل موصلش ( امجد كان مصدوم و مش مصدق و ساكت معقول اللي بيحصل ده ديه اكيد معندهاش دم ) ميرنا . يا ا امجد يا امجد فينك يا ابني خلي نانسي تقعد معانا بتحايل عليها مش راضيه امجد . هااا تعالي يا نانسي اقعدي . نانسي . لا ميرسي انا كنت مروحه مبسوطه اني شوفتك يا بشمهندس يا مدوخ البنات ( مشيت نانسي وهي مصدومه و وصل الاكل وفضلوا ياكلوا و بعد ما خلصوا الاكل وصل محمد ) ميرنا . محمد ازيك فينك يا ابني محمد . معلش بقالي كتير غايب عنك بس اوعدك الايام الجايه هنشوف بعض كتير ميرنا . اكيد طبعا الحق يا محمد اغنيتنا المفضله اللي كنا دايما بنرقص عليها تيجي نرقص محمد . طبعا يا نوني يلا نرقص ( قامت ميرنا و فضلت ترقص مع محمد و امجد كان هيموت من الغضب ) فضلوا يرقصوا كتير و بعدين جه امجد و كان بيحاول يداري غضبه امجد . معلش يا ميرنا انا عندي شغل بدري و لازم امشي اتشرفت بيك يا استاذ محمد ميرنا اه طبعا اكيد محمد . انا اسعد عن اذنكم لما تروحي طمنيني عليكي انك وصلتي و بجد مش قادر اقولك فرحتي اني شوفتك النهارده ده انا لو مرتب لمفاجاه حلوه مش هتبقي بالجمال ده و بالمناسبه فستانك روووعه بجد ميرنا . ميرسي يا محمد علي الكلام الحلو ده حاضر خلي بالك من نفسك يا محمد و هستنا تليفونك أول ما تروح في حاجات كتير عايزه احكي لك عليها ضروري ( ركبت ميرنا العربيه و كانت حاسه بالانتصار حاسه بنار طالعه من جوه قلب امجد حاسه بالغيره اللي بتاكول قلبه و كانت بتكلم نفسها قال غروره بيمنعه يقولي انه معجب بيا انا هوريك و هسويك يا امجد الكلب ) وصلت ميرنا و امجد للبيت و أول ما طلعت اتفاجات بشخص واقف مستنيهم يا تري مين الشخص ده ده اللي هنعرفه الجزء الجديد استنوني