الفصل الثاني

2307 Words

طلعت ميرنا و أمجد و كان عم مازن بواب العماره مستنيهم أول ما شافهم مع بعض استغرب و حاول يفهم فيه ايه بس سكت مازن . حمد لله على السلامة يا باشا حمد لله على السلامة يا ميرنا هانم ده انا بقالي ساعه مستنيكم لو تعرفوا ايه اللي حصل مش هتصدقوا امجد . الله يسلمك يا مازن مالك خير واقف متنح علي الأبواب كده ليه فيه ايه اللي حصل مازن . ايون يا امجد باشا ايوه يا ميرنا هانم بقالي كتير بخبط عليكم بس محدش كان بيفتح هو ايه ده هو انتم كنتم مع بعض ? امجد . انت مالك فيه ايه يا مازن و واقف كده ليه و ايه اللي حصل مازن . يا باشا كان فيه واحده ست زي القمر شبه نانسي عجرم كده يا باشا و واحد شكله يسد النفس واقفين تحت البيت و جم يسألوا عليكم و كان شكلهم جايين يتخانقوا و مستحلفين لكم ميرنا . طيب يا مازن متعرفش الراجل اسمه ايه و لا كان عايزني في ايه مازن . مش فاكر يا انسه ميرنا هحاول افتكر اهوه كان اسمه ايه يا واد يا مازن كان اسمه ايه كان اسمه ايه ميرنا . ايه جالك زهايمر ما تخلص يا مازن فيه ايه مازن . بحاول افتكر يا انسه ميرنا اه خلاص افتكرت اسمه احمد باشا ميرنا . يا نهار ابيض انت بتتكلم بجد راجل اموره كده و شيك و ريحه البرفان بتاعته أول ما دخل سمعتك في المكان كله ؟ مازن . مش عارف يا هانم ديه تفاصيل تركز فيها الستات اللي زيك اما انا راجل لا مركزش بس هو شكله ابن ناس في لبسه لكن الشكل متلاقيش ميرنا . اعمل ايه دلوقتي يا لهوي حمودي ده خطيبي بيغير عليا موت انت مش فاهم يا امجد دلوقتي تلاقيه متعصب علي اخره لو عرف اني كنت معاك ده ممكن يدبحني و يدبحك فيها ربنا يستر يا رب امجد . يدبحك انتي ديه حاجه تخصك لكن يدبحني انا ليه و بعدين عود القصب اللي سابك و جري المره اللي فاتت ديه يدبحني و بعدين يا انسه ميرنا الظاهر انتي متعرفنيش كويس انتي مش عارفه مين هو امجد السلطان و بالمناسبه بيحط برفانات تسد النفس و لبسه مشقلب و مش منسق ميرنا . ايه ده ان شاء الله انا مسمحلكش ابدا تقول علي خطيبي عود قصب و بعدين شكلك غيران منه ع الاخر حقك طبعا حمودي ده بطل في الملاكمه علي مستوي البلاد العربيه ٣ مرات و معاه الحزام الأ**د و لو اتهور ممكن يأذيكي علي فكره حاول متقفش في طريقه امجد . ههههه ضحكتيني يا حلوه غيران هههه ده انتي غلبانه والله و بعدين اكيد معاه طبعا الحزام الأ**د و جايبه من التوحيد و النور عموما كلنا معانا احزمه سوده بس كلنا جايبينها من التوحيد و النور و اهدي بقا انتي بتتكلمي عن خطيبك عود القصب مش علي بيج رامي مازن . اما انت يا باشا بقا كان فيه ست زي القمر مستنياك بإلحاح شديد جدا يا باشا و ناعمه كده في كلامها مش زي الست ميرنا خالص ميرنا . نعم يا اخويا قصدك ايه يا حيوان انت يعني ايه مش زيي ده انت ليلتك سوده علي دماغك يا مازن الكلب مازن . لا لا مقصدش انا اقصد شكلها مختلف و كانت عايزه تتخانق معاك و اسمها روان و كانت عماله تقولي امجد حبيبي ماي بيبي راح فين و كلام كتير يا باشا دوبني دوب خلاني مش قادر امجد . ايه يا عم مازن اظبط كده انا عارف انها لذيذه و اه هي ناعمه و كيوت حتي في خناقها بس برضه اوعي تفكر عينك تروح كده و لا كده علي حد يخصني مازن . انت تؤمر يا امجد باشا ميرنا . لا حول ولا قوة الا بالله مسمهاش ناعمه و كيوت يا باشا اسمها مايصه و مايعه و قليله الربايه عشان تقف تتمرقع كده اوووف حاجه تأرف ( دخلت ميرنا و رزعت الباب في وش امجد اللي كان علي اخره و فضل واقف بيتكلم مع نفسه ، والله لاربيكي انتي و احمد الزفت ده ) مازن . يا باشا يا باشا خلاص انسه ميرنا دخلت أمجد . ايوه يا سيدي شوفتها دخلت عموما شكرا يا مازن خد حسابك اهوه عملت الدور مظبوط و الحمد لله ان مكنش فيه ست فعلا كنت اتحرشت بيها مازن . العفو يا امجد باشا احنا تحت الطلب و تحت خدمه معاليك يا باشا امجد . بقولك ايه يا مازن هو فيه فعلا راجل جه يسأل عليها مازن . لا طبعا يا باشا الست ميرنا ديه شرسه و محدش يعبرها هي دفعت لي زيك بالظبط و قالت لي اعمل حركه كده عشان تغيظك و معرفش حد و انت عارفني كاتم للسر امجد . ده انت واطي اوي و رخيص اوي حسك عينك حد يعرف الحوار ده و حسك عينك تعرف اني عرفت انها متفقه معاك مازن . لا باشا عيب عليك سرك في بير ده انا صندوق ترمي فيه أسرارك و تقفل عليه و محدش يعرف عنه حاجه عن اذنك يا باشا امجد . اتفضل يا سيدي ( دخل امجد الشقه و عمال يكلم نفسه و مدايق و رايح جاي في الاوضه ) و بعدين بقا انا معايا يا ست ميرنا ما هو انا مش هستحمل كتير الغباء ده . البت موزه و زي القمر اه بس كمان انا مش قليل انا المهندس امجد السلطان لو روحت اتقدم لأي بنت من كتر فرحتها هتقولي الفرح تاني يوم ده انا البنات هتموت عليا عشان اقولها بس صباح الخير و الله لأربيكي يا ميرنا و اعرفك مين هو امجد و في الجانب التاني ميرنا كانت قاعده مع راضيه مامتها راضيه . ها يا بنتي ايه الاخبار اتبسطتي في الخروج مع امجد ميرنا . الاخبار زي الفل يا راضيه الخروج معاه كان جامد الصراحه اتبسطت يا راضيه اوي اوي يا ماما انتي مش متخيله امجد لطيف ازاي بصراحه عريس لقطه زي ما انتي قولتي مش حابه أضيعه من ايدي بس لازم اعرفه كويس عشان ميحصلش خلافات كتير بعد الجواز راضيه . الله عليكي يا ميرنا انتي بتتكلمي في جواز كلامك يفرح يا بنتي بس والنبي انتي بتتكلمي بجد اوعي تكوني بتلعبي بيا و بمشاعري يا ميرنا هزعل منك اوي والله ميرنا . طبعا يا امي بتكلم بجد انتي مستغربه كده ليه المهم يا مامي انا عايزاكي تعزميه بكره علي الغدا انا فاضل لي ٥ ايام من اجازتي و ارجع شغلي تاني حابه احسن علاقتي ب أمجد يمكن يحصل حاجه بينا في الأيام ديه راضيه . ماشي يا اختي نعزمه مفيش مشكله عندي خالص بس عندي سؤال انتي مش واخده بالك منه ميرنا . خير يا امي فيه ايه قولي راضيه . زميلك احمد يا بنتي مش قولتي هيجي يتقدم لك و لا ايه الموضوع مش فاهمه ميرنا . اه ده حقيقي بس ما هو يا ماما مش هخسر حاجه اهو الاتنين موجودين و اللي يقنعني اكتر هو ده اللي اتجوزه راضيه . اه يا بنت المجانين انتي بتتكلمي بجد انتي فاكره نفسك ياسمين عبد العزيز فوقي يا ميرنا اللي بتعمليه ده غلط يا بنتي ميرنا . خلاص يا ماما اعتبري امجد صديق و احمد خطيبي انا كنت حابه اراضيكي و اعمل لك اللي نفسك فيه بس مش عاجبك عموما تصبحي على خير راضيه . و انتي من اهل الخير يا بنتي ( دخلت ميرنا و هي مدايقه و عارفه ان كل الكلام هيوصل ل امجد و فضلت تكلم نفسها . ماشي يا امجد قال انا بقا مش كيوت ولا ناعمه انا هف*جك يا امجد ) و راضيه كانت بتتكلم نفسها ( و بعدهالك يا ميرنا في اللي انتي بتعمليه ربنا يهد*كي يا بنتي و يصلح حالك ) تاني يوم صحيت ميرنا لبست و خبطت علي امجد و صحي امجد علي صوت الخبط و فتح لقي ميرنا اللي كانت زي القمر و لابسه ترينج رياضي لونه احمر في ابيض و كوتشي احمر و حاطه توكه في شعرها و مكياج خفيف و روج نبيتي رووووعه امجد . ايه الصباح الحلو ده القمر نفسه بيخبط عليا مش مصدق نفسي ميرنا . هههههه صباح الخير يا امجد قولت بما اني واخده اجازه انزل اجري شويه الجو روووعه الصراحه تحب تنزل تجري معايا امجد . لينا الشرف يا باشا مصر طبعا بس انا المفروض ساعه و اكون في شغلي ممكن اجري معاكي نص ساعه بس مش عايز اتأخر عندي اجتماع مهم جدا النهارده ميرنا . اوكيه هنزل استناك تحت امجد . ماشي بقولك صح يا ميرنا ميرنا . ها يا امجد فيه ايه امجد . البرفيوم اللي انتي حاجه تحفه بس متحطيهوش غير في السهرات ميرنا . سهرات زي ايه و ماله البرفيوم امجد . هااااا انا رايي تنزلي تستنيني تحت ميرنا . هههه اوكيه انا تحت ( دخل امجد لبس طقم رياضي و نزل لقي ميرنا واقفه تحت ) امجد . انا فرحان جدا انك طلبتي مني الطلب ده من زمان مجرتش تصدقي بش مواظب علي الجيم طبعا مش شايفه جسمي رياضي ازاي ميرنا . ههههه انا كمان مبسوطه انك هتشاركني و تجرؤ معايا و يلا نجري شد حيلك عشان متتأخرش ( طلعت ميرنا تجري هي و أمجد و كانوا عمالين يتكلموا و بعد ما عدي نص ساعه ) امجد . يلا نرجع بقا عشان يا دوب اطلع اغير لبسي و اروح شغلي ميرنا . اوكيه ماشي ٥ دقايق متخافش و بعدين و هي بتجري وقعت علي الارض وعملت نفسها رجلها اتعورت امجد . ايه ايه اللي حصل مالك ميرنا . اه رجلي مش قادره رجلي اتولت مش عارفه فيها ايه اأه يا رجلي امجد . طيب تحبي نروح للدكتور ميرنا . مش عارفه مش قادره امشي عليها امشي انتي عاش شغلك عشان متتاخرش امجد . ازاي يعني لا طبعا مينفعش اسيبك ( وقف امجد تا**ي و خدها علي الدكتور اللي قعد يكشف عليها ) الدكتور . الف سلامه عليكي يا انسه . كدمه بسيطه خالص يا انسه متقلقيش امجد . طيب الحمد لله يعني تقدر تمشي عليها عادي يا دكتور الدكتور . اه تقدر تمشي عادي متقلقش و تاخد الكريم ده تدهن منه لو فيه اي وجع بس ان شاء الله مش هيكون فيه اي ألم امجد . الحمد لله شكرا يا دكتور ميرنا . متشكره جدا يا دكتور ( و فجأه الباب خبط و دخل احمد عليها ) أحمد . ميرنا يا روحي ايه اللي حصل لك الف سلامه عليكي يا قلبي امجد . و ده ايه ان شاء الله أنت عرفت اننا هنا ازاي ميرنا . تلاقي ارواح يا امجد انت مش متخيل اي وقت بتعب فيه احمد بيحس بيا و بيجي لي علي طول ازاي امجد . و محسش بيكي ليه لما وقعتي كان زمانه جه و داكي المستشفي و مكنتش اتاخرت علي شغلي أحمد . حقيقي ده حصل يا استاذ امجد و كنت وراكم بالعربيه بتاعتي حتي بالاماره كانت واقعه و مش قادره تحرك رجلها و حضرتك كتر خيرك شلتها عشان رجلها بتوجعها امجد . انا همشي يا انسه ميرنا اطمنت عليكي مع قرينك اللي بيحس بيكي في أي مكان ان شاء الله هطمن عليكي بالليل مع السلامه ( خرج امجد و كانت ميرنا ميته علي نفسها من الضحك و الدكتور عمال يبص علي الموقف الغريب ده و ساكت اما امجد جري علي الشركه بتاعته و كان مدير الشركه مدايق منه جدا و أول ما دخل جري عليه صاحبه المهندس محمود مهندس محمود . نموسيتك كحلي و لا ايه يا باشا الله يخربيتك يا امجد انت جاي تتأخر النهارده و انت عارف ان فيه اجتماع مع شركه مهمه وفيه عقود هتتمضي امجد . استغفر الله العظيم يا رب بس بقا يا باشمهندس محمود انا اتعمل عليا حته نمره و لبستها بس و ديني ما هعديها و هاخد حقي تالت و متلت محمود . طيب يلا نخلص بس اللي ورانا و بعدين نتكلم ) دخل امجد الاجتماع و كان المدير مدايق جدا منه و بداؤ يشرحوا تفاصيل المشروع و مضوا العقود و سلم عليهم المدير و خرجوا و قبل ما يطلع امجد نده عليه المدير امجد . ايوه يا استاذ طارق طارق . انت ازاي تتأخر يا بشمهندس في يوم زي ده . انت مش عارف ان عندنا اجتماع مهم امجد . عارف طبعا و حقيقي انا بعتذر جدا يا طارق بيه اصل حصل موقف صعب أوي و غير متوقع و انا جاي لاقيت بنت مغمي عليها تقريبا حد خابطها بعربيه و جري وخدتها و جريت بيها علي المستشفي مكنتش اقدر اسيبها دين بنت يعني مينفعش و انت عارفني انا ابو الرجوله و الجدعنه طارق . طبعا يا انتي انت معروف بالشهامه لا حول ولا قوة الا بالله الناس مبقاش عندها ضمير طيب البنت الدكتور قالك ايه عليها امجد . ربنا سترها و رجلها ات**رت بس طارق . طيب الحمد لله بعد كده لما تلاقي حادثه علي الطريق تعمل نفسك مش شايف و تمشي فاهم يا باشمهندس امجد امجد . صح يا باشا و ربنا انت عندك حق يا طارق باشا الخير مش بينفع الايام ديه محدش بيطمر فيه عن اذنك ( طلع امجد قعد علي مكتبه و هو متغاظ من ميرنا جدا و جاله المهندس محمود ) مهندس محمود . ايه يا بني المهندس طارق ظبطك طبعا و بعدين هو فيه ايه بقا حصل لك الصبح حوار ايه اللي لبست فيه امجد . بس متفكرنيش بنت اللذينا جارتنا جرجرتني معاها و في الاخر عامله عليا حوار عشان تاخرني علي شغلي و اخد الطريحه ديه عشان قولت لها ان عندي شغل مهم النهارده محمود . الله الله بنت تعمل فيك كده طيب و هي تعمل كده ليه امجد . ديه يا سيدي بنت جارتنا بس فاكره نفسها ادي يعني و حياه ربنا لاطلع عين امها محمود . اهدي يا عم فيه ايه بس انت شكلك ملكش في البنات . لو عايز تجيبها سكه اقولك انا و لو عايزه تجيبها علي وشها برضه اقولك ازاي أمجد . ايه يا باشمهندس محمود ده انت شكلك بهدلت بنات كتير محمود . وربنا يا عم يستاهلوا لغايه بقا ما الاقي بنت الحلال اللي تلمني و اتهدي علي اديها امجد . اه ديه ساعتها اللي هتخلص كل اللي عملته و هتطلع عينك و تخلص حق كل البنات ديه محمود . مش مهم المهم اني الاقي اللي تاخدني لبعيد و تاخد قلبي معاها ، قولي بس معاك صوره لجارتك ديه امجد . اه معايا ، صورتها كتير من غير ما تاخد بالها اصلها موزه بنت اللذينا ) طلع امجد التيلفون و أول ما شاف محمود صورتها تنح محمود . ايه يا عم الجمال ده هي القمر ديه مرتبطه امجد . اهدي يا عم الامور انا متقدم لها و بحبها بس لسه متعرفش محمود . اممم طول عمرك مرزق و محظوظ طاب هقولك تعمل ايه ( استنوني الجزء الثالث )

Free reading for new users

Scan code to download app

App Store Google Play

Facebookexpand_more