المغرور والمشعلالتي

الفصل الثالث

بدأ محمود يشرح للمهندس هيعمل ايه

المهندس محمود . بص يا باشا البنات اللي زي ميرنا ديه تحب اللي يقتحمها و يفاجاها يعرف هي بتحب ايه و يعمله من غير ما تحس . عايزك علي طول و انت بتتكلم تبص في عينها و تقرب منها . تعمل معاها حركات رومانسيه من غير ما تحس انك قاصدها هدايا ورود تفتح باب الاسانسير تعمل حسابها في فطار و تخبط اديها الاكل و امشي كده يعني

( و بدأ محمود في شرح خطه بالتفصيل يمشي عليها المهندس امجد عشان ي**ب قلب ميرنا و المهندس امجد كان مبهور بالكلام اللي بيسمعه )

امجد . يا ابن الجنيه دماغك ديه سم ايه ده يا عم انت شاكلك سحلت بنات كتير اوي معاك ده انت كاسحها و ماسحها

مهندس محمود . انا يا ابني اسامه منير القادم ، سوما العاشق ، احمد عز انا جامد جدا يا ابني تقدر تقول عليا كده خبير العلاقات النسائيه خبره يا ابني من كتر ما خدت علي افايا من البنات قررت اخد كورس و اديهم علي افاهم و اخلص القديم والجديد

أمجد . ايه ده يعني بعد الخبرة الجامده ديه بتاخد لسه علي افاك

محمود . لا يا ابني حاشا و باشا ده انا اللي بعمل معاهم الجلاشه . بس ده مثل كده عادي بيتقال

امجد . والله كلامك عجبني جدا طيب هخلص الشغل وابدأ انفذ الخطه و لو جابت معايا الطريقه ديه ليك عندي عزومة جامده جدا

محمود . ابوه بقا هو ده الشغل التمام اشتغل انا بس صح و هتدعي لي

أمجد . ماشي يا سيدي كله علي الله انشاء الله

( خلص امجد شغله و أول حاجه عملها جاب ورد و راح يطمن علي ميرنا . دخل و قعد هو و ميرنا و راضيه )

امجد . ازيك يا انسه ميرنا حمد لله على السلامة . رجلك عامله ايه دلوقتي

ميرنا . تمام كل اموري تمام يا باشمهندس و بعدين مكنش ليه لازمه الورد مش انت برضه كنت مدايق عشان اتأخرت علي شغلك بسببي

امجد . طب تصدقي ب ايه و لا ليكي عليا حلفان المدير النهارده شلوحني بس قولت مش مشكله الجيران لبعضها . اصل لو كنتي لوحدك مكنتيش هتلاقي راجل جنتل يعبرك و طبعا معروف عني الجدعنه انا تحسيني الملك سليمان في نفسي كده

ميرنا . حبايه البنادول يا ماما الصداع ضرب في دماغي من كتر الكدب و بعدين والله نسيت احمد خطيبي الجنتل اللي حس بيا وجه علي المستشفي من غير ما يعرف مكاني . تلاقي الأرواح بينا حاجه انت متقدرش تفهمها يا باشمهندس ديه للناس بس اللي بتفهم و بتحس و انت ما شاء الله معدوم آلاتنين

امجد . عليكي لسان ما شاء الله عايز يتقطع و اه عم الحسيس اللي كان ماشي بالعربيه ورانا . تصدقي يا طنط راضيه خطيبها شافها واقعه و انا بسندها و اشيلها و مهنش عليه ينزل يسندها الراجل خاف يجي له الغضروف لو رفعها

ميرنا . يا لهوي انت ايه اللي بتقوله ده تصدق انك مش محترم قصدك يعني أن انا تخينه

امجد . اولا مسمحلكيش تغلطي فيا . ثانيا انا مقولتش انك تخينه انا قلت ان خطيبك خايف يشيلك . و ده معناها حاجه من الاتنين انتي اللي تقدري تحدديها يا انسه . يا اما انتي تخينه يا اما خطيبك هفأ و ملهوش في حاجه

ميرنا . ملهوش في حاجه طيب شكرا علي زيارتك يا استاذ امجد و اتفضل يلا علي بيتك

راضيه . كده عيب يا ميرنا ما يصحش الكلام ده

ميرنا . لا يصح يا ماما خليه يمشي من قبل ما اتهور

راضيه . لا يا بنتي خلي البشمهندس يتغدا معانا عامله صينيه تورلي والله محصلتش هتاكول صوابعك وراها

امجد . لا شكرا من غير ما تحلفي يا طنط . اكيد محصلتش و مش هتحصل انا طالب بيتزاا يوم تاني ان شاء الله ابقي عامل حسابي

ميرنا . تعمل حسابك علي ايه يا خفيف

( و طي امجد علي ميرنا و قالها )

امجد . ابقي عامل حسابي علي فوار للمعده

( و هنا و قفت ميرنا ميته علي نفسها من الضحك و مامتها زعلانه )

راضيه . ماشي براحتك يا ابني مع السلامه

امجد . ميرنا هو أكونت الفيس بتاعك محطوط عليه صوره روبي

ميرنا . ايوه بتسأل ليه

امجد . طيب اقبلي طلب الصداقه بتاعي هتلاقيني حاطط صورتي و لو عايزه تشاركيني في البيتزا ابقي خبطي و تعالي سلام

( خرج امجد و حاسس انها هنبدا تتشد لاسلوبه الجديد معاها اما ميرنا جريت مسكت التيلفون و دخلت علي الفيس بوك و كانت هتموت وتشوف صفحته اللي كان عاملها تخصيص الأصدقاء بس و هنا الفضول خلاها توافق علي طلب الصداقه )

اول ما وصل امجد اشعار انها وافقت علي طلب الصداقه وقف يرقص و يغني

شيماء ااااه شيماء شيماء ااااه شيماء يا شوشو ?

اما ميرنا فضلت تقلب في الصور اللي علي صفحته و لقت بنات كتير اوي متصور معاهم و خروجات و حفلات غارن جدا و اتحرق دمها

ميرنا . ده انت بقا مقضيها و خاربها يا عم المهندس بنات رايحه و بنات جايه و تيجي عندي و تقول غروري و مكانتي والله لاخليك تتوب يا امجد علي ايدي

( و بعدين سمعت ميرنا خبط علي الباب و راحت فتحت لقت امجد واقف و معاه علبه البيتزا )

امجد . صعبتي عليا الصراحه قسمتها نصين بيني و بينك و شكرا انك قبلتي طلب الصداقه

ميرنا . انا اللي بشكرك علي البيتزا انا كنت هنام جعانه انت مش متخيل صينيه التورلي شكلها عامل ازاي ??

( و هي بتاخد علبه البيتزا منه امجد مسك صوابع ايدها و و هنا و قفت ميرنا سرحانه و تايهه وقلبها بيدق بسرعه جدا فضلت امجد يبص في عينها و بعدين بدأ يمسك اديها كلها و يحسس عليها بالراحه بأطراف صوابعه و لحظات ولقاها امجد بتغمض عينها و كان حاسس ان ممكن يتهور اكتر من كده و حس انه منجذب جدا ليها )

امجد . ميرنا انا لازم ادخل بالف هنا و شفا عن اذنك تصبحي على خير

ميرنا . سحبت ايديها بالراحه و انت من اهل الخير

( دخلت ميرنا و قلبها بيدق بسرعه شديده جدا وجريت علي اوضتها وقعدت تكلم نفسها و عماله تاكول في البيتزا )

الله يخرب بيتك يا ميرنا ده اللي هتوريه ايه اللي انا هببته ده شكلي ايه دلوقتي ادامه يووووه منظري بقا حماده خالص ? انا هحاول اكول و انسي

( قعدت ميرنا تاكول البيتزا ومدايقه وعماله تتكلم

الله يخربيتك يا امجد انت طلعتلي منين بس . لا اجمدي كده يا بت يا ميرنا اوعي تستسلمي المشوار طويل ولازم اطلع عين اللي خلفوه

لازم هو اللي يجي و يقولي بحبك و انا قدها والله ده انا ميرنا منير اللي جمالها خطير نص رجاله مصر بتجري ورايا ??

و اتصلت ميرنا ب احمد

ميرنا . ازيك يا احمد عامل ايه

أحمد . تصدقي يا بت يا ميرنا انا بقا قلبي بيتقبض لما بشوف رقمك خير عايزه ايه يا وش المصايب

ميرنا . انا وش المصايب يا احمد ماشي و بعدين قلبك بيتقبض ليه يا اخويا بتكلم عفريت . عموما قلبك هيتقبض اكتر يا اخويا لما تعرف انا متصله بيك ليه

احمد . لا حول ولا قوة الا بالله ليه يا اختي قولي سترك يا رب خير

ميرنا . اهدي يا واد و اجمد كده فاكر يا احمد صورنا في خطوبتك مع امل الصور الجماعيه ديه فيه واحده بقا كانت صورتي انا و امل و انت

أحمد . اه كانت خطوبه مهببه و معرفه منيله مالها الصور يا هانم

ميرنا . انا عايزاك تفصل صورتي و صورتك وتعمل صوره حلوه و تبعتهالي دلوقتي ضروري الله يكرمك يا احمد

أحمد . والله انتي مجنونه ديه هربت منك خالص بقولك ايه انا هفسخ خطوبتي من امل و مش عايز اعرفك و لا أعرفها خلصت خلاص سلام يا ميرنا

ميرنا . يا ابني اهدي بس فيه ايه عشان خاطري يا احمد خليك جدع بقا اقف جمبي انا هحطها علي الفيس و هخصصها بس امجد يشوفها عشان عايزه اوصل له اننا مرتبطين اصله مش مصدق

احمد . يا بنتي انتي مجنونه عايزه تلبسي نفسك مصيبه انتي اللي بتعمليه ده غلط يا ميرنا فكري كويس

ميرنا . امممم انا عارفه ايه اللي هيجيب معاك يا واطي الصوره ديه بوجبه كنتاكي ٤ قطع و معاها بطاطس و شيبسي

أحمد . لا يا اختي الصوره ديه مصيبه و ممكن تأثر علي مستقبلي الصوره ديه ب وجبه ٦ قطع سبايسي و معاها بطاطس وشيبسي و تبعتي فلوسها دلوقتي

ميرنا . كنت عارفه ان ديه سكتك يا احمد واطي اقسم بالله موافقه ابعت لي لينك بالفلوس و احولك دلوقتي

احمد . ماشي اول ما توصلني الفلوس نص ساعه بعدها و تلاقي الصوره عندك

( فضلت ميرنا رايحه جايه رايحه جايه مستنيا الصوره توصل لها و بعدين سمعت صوت الواتس فتحت و لقت صوره حلوه جدا و كإنها طبيعيه مش متركبه )

ميرنا . برافو عليكي يا ميرنا هو ده الشغل و لا بلاش حقيقي انا معلمه

و فضلت تغني انت معلم منك نتعلم يا ميرنا يا ميمو ? و نزلتها جري علي الفيس و كتبت تحتها )

الصوره ديه ذكري من اجمل ايام حياتي كانت فعلا اجمد سهره يا حمودي ربنا يخليك ليا يا مودي مودي ?

( فضلت قاعده مستنيا تشوف امجد هيحط لها كومنت ولا لا )

ميرنا . ايه ده بقا هو نام و لا ايه شوف بقا الصوره يا امجد يووووه ده نام ولا ايه

( و بعد شويه شافت الكومنت و اتصدمت و فضلت متنحه تقرا في الكومنت كذا مره )

يعني يا ميمي ذوقك في الرجاله مش حلو كمان في الفساتين مش حلو . انتي جايبه الفستان من سوق الجمعه و لا ايه الفستان شعبي علي الاخر يا ريت تاخدي ذوق حد بيفهم بعد كده او خدي رايي معنديش مشكله انصحك بدل ما الناس تضحك عليكي

ميرنا . اه يا قليل الادب انا يا حيوان بلبس من سوق الجمعه و الله لأعرفك يا امجد مين اللي بيلبس من سوق الجمعه

( و كتبت له كومنت لو كنت فاكر نفسك احمد عز يبقي تلف و تهز يا وز ) ده انت يا امجد بيه اللي زيك يتعمل بانيه ?

شاف امجد الكومنت وفضل يضحك

( طيب و ربنا البت ديه بتموت فيا بس متكبره و انا هربيها ? ) و رد عليها

و كتب لها كومنت

( يا ساتر يا رب علي الذوق الهباب مش بس الفستان اللي من سوق الجمعه واضح انك كمان من سوق الجمعه بس حظي انك عزلتي جمبي خدي من ادائي و ارتقي يا استاذه و الاستشاره مجاني متقلقيش )

.....

( ادايقت جدا ميرنا و مسحت الصوره و راحت جري خبطت عليه و فضلت ترزع علي الباب و هي مدايقه جدا و هو واقف ورا الباب مسخسخ علي نفسه من الضحك و خايف يفتح من رد فعلها و أول ما فتح الباب اتفاجات ميرنا ب امجد واقف و معاه بوكيه ورد )

امجد . مكنتش عارف اديهولك ازاي ملقتش طريقه غير اني استفزك بعتذر منك جدا يا ميرنا الفستان فعلا تحفه و زي القمر عليكي

ميرنا . و الله و ايه مناسبه الورد ان شاء الله

امجد . من غير مناسبه والله انا مش عارف كنت معدي بالعربيه و لاقيته حلو قولت الحلو للحلو اتفضلي يا قمر

ميرنا . ماشي يا حلو بعد كده بلاش تستظرف لاني المره الجايه ممكن انفجر في وشك وخلي لك الورد

( دخلت ميرنا و رزعت الباب في وشه )

امجد . اه يا بنت المجانين بس وربنا هتيجي انا بدأت احس بالأمل يا حركاتك يا محمود استاذ وربنا

و اتصلت ميرنا علي احمد

أحمد . خير يا ميرنا هانم فيه ايه تاني تحبي نتصور في البيسين و لا نهبب ايه تاني

ميرنا . ما تظبط يا احمد معايا فيه ايه مالك بكره ان شاء الله تيجي لي من الصبح الساعه ٧ تكون ادام بيتي

أحمد . بقولك ايه خطيبتي بدأت تشك فيا و فكراني بعرف واحده عليها و انتي متعرفيهاش ديه مجنونه زيك بالظبط انا مليش دعوه بمشاكلك مع المهندس المجنون ده حليها بعيد عني فكك مني يا ميرنا انا جبت اخري

ميرنا . اوكيه تمام هقفل معاك واعمل تعديلات علي الصوره اللي انت بعتها و احطلها خلفيه وابعتها لصحبتي واقولها اني خدت الصوره ديه عشان اثبت لها انك بتخونها مع واحده تانيه وانا شوفتها بعيني و استني خبرك في صفحه الحوادث أو علي القناه الأولي ايهما اقرب يعني

أحمد . حسبي الله ونعم الوكيل فيكي يا شيخه كانت معرفه سوده و مهببه خلاص بكره الساعه ٧ الصبح هكون عندك ان شاء الله سلام يا اختي

ميرنا . ايوه كده ناس متجيش غير بالعين الحمرا . تمام اتفقنا في انتظارك يا احمد

( قفلت ميرنا مع احمد و هي بتستحلف ل امجد يا تري هتعمل فيه ايه ده اللي هنعرفه الجزء الجديد )