المغرور والمشعلالتي

الفصل السادس

طلع امجد و مشي علي طول بدون اي مقدمات و جاله تليفون

امجد . الووو ازيك يا ميرنا عامله ايه تصدقي كنتي علي بالي و انا كنت لسه هتصل بيكي دلوقتي حالا

ميرنا . القلوب عند بعضها يا بشمهندس انا تمام الحمد لله انت اخبارك ايه خير كنت عايز تكلمني ليه

امجد . فكرتي في الكلام اللي دار بينا ضروري اعرف ردك

ميرنا . بصراحه انا مدايقه جدا من اللي حصل بينا يا بشمهندس امجد و مش لاقيه الصراحه اي مبرر حبيت اتصل اعتذر لك و بعتذر من نفسي . اللي حصل ده صدقني مكنش ينفع يحصل مش عارفه انا سمحت لنفسي اعمل كده ازاي انا زعلانه جدا من نفسي

امجد . بس انا مش مدايق اني عملت كده بالع** كنت هبقى مدايق لو معملتش كده كنت محتاج احس منك حاجات كنت محتاج يا ميرنا احس انك بتبادليني نفس المشاعر و الاحاسيس كان لازم يحصل كده عشان اقدر اقولك اني معجب بيكي و عايز ارتبط بيكي و انا مطمن

ميرنا .يعني ايه كلن لازم يحصل و محتاج تحس مني حاجات يعني ايه كنت بتختبرني يا امجد كنت مخطط ان ده يحصل بيني و بينك

امجد . لا طبعا انتي مجنونه مش مخطط لحاجه و لا طبعا مش بختبرك بس علي الاقل اتاكدت ان في مشاعر من ناحيتك ليا و ده حاجه مهمه جدا كان لازم اعرفها مكنش ينفع اسيب روحي بتروح لك كده و انا مش عارف انتي قبلاني و لا لا و لا انتي ايه رايك يا ميرنا

ميرنا . رأيي انك غلطان يا بشمهندس امجد اللي حصل بيني و بينك ممكن تسميه حرمان من الحب لحظه ضعف موقف غلط سميه اللي يعجبك بس مش معناه ان فيه حاجه من ناحيتي ليك و كان وحش منك اوي انك تختبرني

امجد . ممكن اعرف انتي بتعندي معايا و لا مع نفسك و ليه بتتكلمي بالطريقه ديه هو انا ضايقتك في ايه بس هو انا قولت ايه يعني طبيعي أحب واحده مش بتحبني؟

ميرنا . بمنتهي البساطة انت انسان مغرور و متكبر يا بشمهندس و مكنش ينفع تعمل معايا كده لمجرد ان غرورك مانعك تقولي انك معجب بيا عموما انا مفيش اي حاجه من ناحيتي ليك . و اي احساس من ناحيتك ليا ديه حاجه تخصك لوحدك

امجد . بصي يا ميرنا انا مش هعاتبك و لا هحاسبك علي الكلام ده عموما انا كنت عايز اتصل بيكي عشان اقولك اني مسافر من اسبوع ل اسبوعين سفريه تبع الشغل لليابان و لو حابه اني اتصل و نتكلم معنديش اي مانع أول ما أوصل وارتاح انزل البرامج و اجيب خط و اكلمك ان شاء الله و ياريت تفكري في الكلام اللي دار بينا ده و انا مسافر

ميرنا . ربنا معاك يا امجد و متشغلش بالك بيا ركز في اللي انت رايح عشانه

امجد . مش فاهم يعني ايه قصدك ايه . يعني بتقولي لي بطريقه غير مباشره متصلش عليكي . هو انا فهمت صح

ميرنا . افهم اللي يعجبك يا باشمهندس انا مشغوله مع السلامه

( قفلت ميرنا و أمجد طول الطريق عمال يخبط علي كلا** العربيه محروق دمه جدا و بيكلم نفسه ، والله لاوريكي يا ميرنا علي كل كلمه قولتيهالي و لو حابه تعرفي انا مغرور و متكبر ازاي انا هوريكي مين هو المهندس امجد السلطان )

أما ميرنا كانت قاعده في الاوضه مدايقه جدا و دخلت لها امها

راضيه . مالك يا بنتي فيكي ايه بس حالك بقا مشقلب و علي طول زعلانه ليه بعد ما كانت ضحكتك بترج البيت يا ميرنا ايه اللي جري يا بنتي

ميرنا . مخنوقه اوي يا ماما و مش عارفه اعمل ايه حاسه اني تايهه و بخبط في كل حاجه ماما عايزه اسالك سؤال

راضيه . اسألي يا بنتي

ميرنا . هو انتي ليه مقولتليش ان المهندس أمجد اتقدم لي

راضيه . اصل يا بنتي الصراحه هو طلب مني كده مكنش عايز يطرد منك بس هو معجب بيكي

ميرنا . مش عارفه اقولك ايه يا ماما انتي ازاي تتفقي مع واحد غريب عليا يا ماما كل ده عشان الجواز هو انتي مدايقه مني اوي كده

راضيه . لا حول ولا قوة الا بالله ليه بتقولي كده يا بنتي و يا ريت تتكلمي معايا ب أدب انا متفقتش عليكي انا احترمت قرار الراجل اللي دخل من الباب عشان لو شوفتك اي وقت بتكلميه ابقا مطمنه ان نيته خير

ميرنا . ماشي يا ماما انا اسفه ان صوتي علي شويه عليكي و كلمتك بطريقه وحشه انا نازله يا ماما رايحه اي كافيه عشان مخنوقه و ياريت متتصليش عليا و اطمني انا كويسه يا ماما

راضيه . طيب يا ميرنا ربنا يهدي بالك يا بنتي بس خليكي عارفه اني اكتر واحده في الدنيا بتحبك و بتحب لك الخير و اليوم اللي بشوفك فيه مهمومه يا بنتي بشيل الهم زيك و اكتر يا رب متنسيش اني مليش غيرك في الدنيا ديه كلها

( مردتش عليها ميرنا و خدت بعضها و نزلت راحت كافيه اما عند احمد ، امل كلمته و راحت تقابله في كافيه )

امل . ازيك يا احمد عامل ايه يا حبيبي مالك انت تعبان و لا ايه

أحمد . لا مش تعبان انا كويس يا حبيبتي الحمد لله انتي عامله ايه

امل . مش كويسه يا احمد انا مشتته و مش فاهمه حاجه فرحنا قرب و بدل ما احس انك بتقرب مني بحس انك بتبعد عني مالك فيك ايه بس

أحمد . مفيش اي حاجه يا بنتي انا مش عارف انتي علي طول كده قلقانه انتي دايما حساسه يا امل و كل حاجه بتفسريها علي مزاجك

امل . انت بتتكلم معايا كده ليه يا احمد مش شايف نفسك متغير معايا ازاي

أحمد . لا حول ولا قوة الا بالله لا مش شايف يا امل مالك بس فيه ايه

امل . انا هأجل الجواز يا احمد مش هقدر اعمل الخطوه ديه و انت بعيد عني انا حاسه ان في حد في حياتك غيري

( ارتبك احمد و سكت معرفش يقولها ايه )

امل . يا ريتك كنت رديت عليا و كدبتني انا ماشيه يا احمد خلاص مش هقدر اقعد اكتر من كده مش مصدقه بجد

احمد . مش مصدقه ايه هو انا اتكلمت

امل . يا ريتك كنت اتكلمت انت كده أكدت لي ان احساسي صح و ان فيه واحده تانيه عيد حساباتك و انا كمان هعيد حساباتي عن اذنك يا احمد

( سابته و مشيت و فضل يجري وراها و مردتش عليه و بعدها لمح ميرنا نازله من تا**ي و هنا وقف و بطل يجري وراه خطيبته اللي ركبت تا**ي و مشيت و هو دخل بسرعه الكافيه و رجع علي تربيزته من قبل ما تلمحه و دقايق و دخلت ميرنا اللي أول ما شافته اتفاجئت و استغربت جدا )

ميرنا . احمد ازيك عامل ايه ايه المفاجأة ديه يا ابني ده انا لو مرتبه لمقابله مش هيبقي التوقيت كده

أحمد . شوفتي يا ستي الصدف انا تمام الحمد لله

ميرنا . طيب الحمد لله بس غريبه اوي قاعد لوحدك بتعمل ايه

احمد . لا مش غريبه و لا حاجه انا اصلا مكنتش لوحدي كان معايا امل و سابتني و مشيت

ميرنا . ليه يا احمد كده اتخانقتوا ولا ايه اكيد زعلتها من عرفاك مجنون

أحمد . لا معملتش حاجه بس انا مبقتش عارف حاجه يا ميرنا هي حاسه ان في في حياتي حد و عايزه تأجل معاد الجواز و انا مش فاهم فيه ايه

ميرنا . غريبه انها قالت كده لان اكيد شافت حاجه او حست بحاجه ديه صاحبتي و انا عرفاها هي مش مجنونه ابدا و دايما في مبرر ل أي تصرف بتعمله طيب و انت قولت لها ايه

أحمد . انا تعبت من الحوارات ديه و مقولتش حاجه يا ميرنا سكت و هي خدت بعضها و مشيت حاولت اخليها تقعد نتكلم بس مرضيتش و انا تعبت

ميرنا . يعني ايه سكت . انت مجنون يا احمد

انت مش عارف امل بتحبك ازاي و بعدين هو انت فيه واحده تانيه في حياتي

أحمد . الحقيقه مش عارف يا ميرنا

ميرنا . يعني ايه مش عارف

أحمد . يعني بدات احس بإنجذاب لواحده تانيه معرفش ليه مع ان امل مفهاش اي حاجه وحشه و بتحبني و بحبها بس يمكن قرب التانيه مني في وقت قياسي خلاني اتعلق بيها و بقيت بشتاق اشوفها

( ميرنا وشها احمر و حست انه بيتكلم عليها خصوصا انه كان قاعد بيبص في عينها و شفايفها . عيونها الزارقه الوسعه اللي زي البحر بيغرق فيه اي حد يبص لها و شفايفها الجذابه اللي بتسحر اي حد يشوفها )

ميرنا . انت بتغلط يا احمد في حق نفسك و في حق خطيبتك اللي بتحبك و عايزه اقولك حاجه احنا مش كل يوم هنلاقي حد يحبنا و يتمني وجودنا جمبه . فوق عشان الحب من طرف واحد مش بيدوم و ساعتها هتخسر الاتنين

أحمد . مش عارف يا ميرنا عايز احاول اقرب منها عايز اقولها ان قلبي بيبقي سعيد لما بيشوفها

ميرنا . عادي يا احمد قلبك كان بيرقص لما بتشوف امل برضه و واضح كده ان قلبك مقضيها اغاني شعبي اهدي علي نفسك يا حلو بدل ما البت تقرر تسيبك اعدل دماغك و اعمل الصح و روح لها ببوكيه ورد واعتذر منها و ربنا يهد*ك

أحمد . ده ايه العقل ده كله المهم احكي لي علي المهندس امجد الرومانسي الحساس شوفتيه تاني و لا لا

( و هنا ميرنا افتكرت المكالمة اللي دارت بينهم و افتكرت كمان انهم مش هيتكملوا و ردت علي احمد و كانت زعلانه جدا )

ميرنا . للاسف جاله سفرية شغل لليابان ، سافر يا احمد اسبوعين معرفش هيكمل ولا هيعمل ايه

( و هنا احمد ابتسم ابتسامه شيطانية يا تري احمد هيخطط ل ايه ده اللي هنعرفه استنوني الجزء الجديد )