المغرور والمشعلالتي

الفصل الخامس

الفصل الخامس المغرور و المشعلالتي

بعد ما مر اكتر من ربع ساعه كانت ميرنا و أمجد في عالم تاني و سيل من القبلات الساخنه فاقت ميرنا للحظات و

بعدت عن امجد و هي مخضوضه و مش فاهمه ازاي حصل بينهم كده و ازاي كانوا مستسلمين لكده و جت تتكلم امجد حط ايده علي بوقها

امجد . بصي يا ميرنا انا عارف ان احمد ده مش خطيبك و لا حاجه و انتي كمان عارفه اني مش مرتبط بحد و عارف انك معجبه بيا زي ما انا معجب بيكي والا مكناش هنستسلم كده لمشاعرنا

انا مش عارف احنا بنكابر ليه انا عايز اقولك انا

( من قبل ما يكمل كلامه دخل احمد )

أحمد . ها يا حبيبتي عامله ايه دلوقتي مش اتأخرت كده علي شغلك يا بشمهندس

( ميرنا كانت بتبص و هي مستغربه جدا )

ميرنا . كويسه يا احمد الحمد لله

امجد . طيب انا هستأذن عشان فعلا عندي شغل مهم و هطمن عليكي لما تروحي ان شاء الله

ميرنا . شكرا يا امجد تعبتك معايا

امجد . متقوليش كده تعبك راحه احنا جيران عن اذنكم

( طلع امجد و ميرنا كانت حاسه ان احمد بركان هينفجر في وشها و مش عارفه ايه السبب )

ميرنا . مالك يا احمد في حاجه حصلت ضايقتك

أحمد . مش مهم انا يا ميرنا المهم ان اللي حصل مدايقكيش

ميرنا . فيه ايه يا احمد و بتكلمني كده ليه

احمد . ازاي تسمحي له يبوسك ايه انتي اتجننتي خلاص

( ات**فت ميرنا جدا و معرفتش تقوله ايه )

ميرنا . بصراحه يا احمد انا

احمد . مش عايز اسمع منك حاجه يلا عشان هنمشي

( روحت ميرنا و كانت م**وفه من نفسها و مستغربه من رد فعل احمد اللي كان باين انه غيران عليها ، اما احمد رجع علي شغله و كان بيحاول يداري غضبه و اتصلت عليه خطيبته امل للمره الرابعه و اخيرا رد عليها )

امل . ايه يا احمد بتصل عليك كتير مش بترد ليه فيه حاجه عندك ولا ايه

أحمد . معلش يا امل كنت مشغول شويه فيه حاجه ولا ايه

امل . امل ؟؟

أحمد . انا اسف يا حبيبتي كان عندي مشكله في الشغل و مدايق جدا

امل . ماشي يا احمد مش هعطلك لما تفضي كلمني

أحمد . ماشي ان شاء الله مع السلامه

( قفلت امل مع احمد خطيبها و كانت مدايقه جدا و حاسه ان فيه حاجه غريبه واتصلت علي ميرنا صاحبتها عشان تحكي لها و تفضفض معاها )

امل . ازيك يا روحي عامله ايه غطسانه فين كده يا ميمو

ميرنا . و لا أي حاجه يا بنتي ده انا حتي واخده اجازه بقالي كام يوم و زهقانه مش لاقيه حاجه عدله اعملها في حياتي

امل . طيب مكلمتنيش ليه يا وحشه بقولك ايه ما تيجي نتقابل انا مدايقه و عايزه اتكلم معاكي ضروري

ميرنا . ماشي يا روحي يا ريت والله انتي وحشاني جدا بس انا مش هقدر انزل دلوقتي كنت عند الدكتور و لسه راجعه تعالي البيت نقعد براحتنا في اوضتي و نتكلم انا كمان عايزه احكي لك علي حاجات كتير جدا واخد رايك فيها

امل . ماشي يا حبيبتي تمام ساعه و اكون عندك ان شاء الله ظبطي القاعده بقا

ميرنا . ماشي يا روحي احلي تظبيط ل احلي امل في الدنيا

( قفلت ميرنا مع امل و فضلت ميرنا سرحانه في اللي حصل بينها و بين امجد و فضلت تفتكر اللحظات الجميله ديه اللي كانت بينهم اللي هي مش عارفه لغايه دلوقتي حصلت اصلا ازاي فضلت سرحانه و مجاش في بالها خالص ان ممكن تكون جايه امل عشان تكلمها بخصوص احمد و فضلت تكلم نفسها )

اللي حصل ده مكنش ينفع يحصل ده لا حبيبي و لا جوزي و لا خطيبي و لا فيه اي علاقه بينا ازاي اسمح لنفسي اعمل كده و فعلا احمد عنده حق يدايق اكيد شكلي زفت ادامه بس برضه اللي حصل ده كان غصب عني . هو انا بحب امجد و لا ايه . قلبي بيدق أول ما بيشوفه و لما بيقرب مني بكون حاسه اني عايزه اترمي في حضنه . ايه اللي بيحصل لي ده بس )

عدي الوقت و ميرنا كانت تايهه و بتكلم نفسها و بعد ساعه رن جرس الباب و راحت راضيه تفتح ل امل

راضيه . ازيك يا اموله عامله ايه روحي مش بتيجي يعني

امل . والله يا طنط مسحوله في الدنيا و اديني بحضر للجواز اهوه

راضيه . ربنا يتمم لك علي خير يا بنتي و يهدي الهانم ميرنا

امل . ليه يا طنط هي لسه مجنناكي

راضيه . اه والله يا بنتي عقليها ديه جاي لها عريسين واحد مهندس وواحد زميلها في الشغل و هي ماشيه بدماغها و منشفاها علي الاخر و انا عايزه افرح بيها

أمل . تصدقي يا طنط البت السوسه ديه محكتش علي اي حاجه

( سمعت ميرنا الكلام و اتصدمت من قبل ما راضيه تنطق اسم احمد جريت عليها )

ميرنا . اموله حبيبتي وصلتي امتي

امل . يا ستي قولي حمد لله على السلامة و خديني بالحضن

ميرنا . يا روحي احلي حضن ليكي و منوره يا اموله والله

امل . حبيبتي يا ميرنا انا وصلت من خمس دقايق بس

ميرنا . طيب تعالي يا روحي نقعد جوه . النسكافيه بقا يا ماما و ظبطي السكر معلقه واحده

راضيه . حاضر يا حبيبتي عيوني ليكم احلي نسكافيه ل احلي بنات في الدنيا

( دخلت ميرنا مع امل الاوضه و قفلوا الباب )

أمل . بقا أول ما ادخل من باب البيت كده اتفاجا ب أسرارك يا ميمو ماشي

ميرنا . يا بنتي ولا أسرار و لا حاجه و بعدين مش قولتك اني عايزه احكي لك علي حاجات

امل . ماشي ايه يا ستي عريس مهندس و عريس في الشغل و انا معنديش خبر

ميرنا . لا ده حوار كبير يا امل واحد زميلي في الشغل متقدم في و مهندس جارنا راجل مغرور و واخد مقلب في نفسه متقدم لي بس عامل ع**ط مستني يا اختي لما ادلق عليه انا الاول

امل . ايه التخلف ده الظاهر ان الرجاله كلهم زي بعض

ميرنا . سيبك انتي مني المهم طمنيني عليكي مستعده للجواز ولا لسه

امل . ما هو ده اللي جتلك عشانه . احمد متغير معايا اوي حاسه انه يعرف واحده عليا مشاعره و طريقته و اسلوبه متغيرين معايا يا ميرنا و مش عارفه فيه ايه بجد

( سمعت الكلام و نزل عليها زي الميه السخنه و ارتبكت و سكتت شويه سرحت يا تري هو فعلا بيغير عليها ولا فيه ايه بالظبط )

امل . ايه يا بنتي هو انا جيالك عشان تسرحي

ميرنا . معلش سرحت فعلا . انتي اكيد بيتهيأ لك عشان الفرح قرب و انتي متوتره انتي عارفه احمد بيحبك ازاي

امل . مبقتش واثقه من حاجه المهم مين العريس اللي جاي لك من الشغل

ميرنا . ده عميل عندنا بس دمه تقيل شويه

امل . امممم يبقي اكيد عاجبك المهندس ماشي يا ستي اي حاجه المهم تتجوزي

ميرنا . انا بغلط و مش عارفه اعمل ايه حاسه اني بسبب العند و الكبر عماله اخبط يمين و شمال

امل . انا مش فاهمه حاجه يا بنتي بتتكلمي عن ايه

ميرنا . بعدين يا حبيبتي هحكي لك اعرف بس اخره المواضيع ديه ايه

امل . طيب خلاص و انا هروح علي البيت اكيد ماما مدايقه عشان سبتها و نزلت

ميرنا . خلاص يا روحي سلمي عليها و طلعي الأفكار الوحشه من دماغك و لو جواكي حاجه قلقاكي اساليه علي طول

امل . ماشي يا روحي مع السلامه

اما عند امجد كان قاعد بيكلم نفسه

( ايه يا امجد انت وقعت ولا ايه و بعدين ايه الجراه اللي انت فيها ديه ازاي تعمل كده مهما كان برضه لسه مفيش حاجه تربطكم ببعض . انا مستغرب اوي انها كانت مستسلمه معايا كده ، طيب يا تري ده حب و لا احتياج طيب و احمد اللي بتقول خطيبها و رايح و جاي معاها . باين من عينه انه بيحبها طيب انا هحاول ابعد شويه لغايه ما توضح الأمور )

و دخل عليه صاحبه مهندس محمود

مهندس محمود . ايه يا ابني المدير عايزك شكلها باضت لك في القفص يا باشا

امجد . هي مين اللي باضت بتتكلم علي ايه يا ابني

محمود . المدير شكله هيرشحك لسفريه اليابان عشان تروح تشوف قطع الغيار و المكن اللي الشركه محتاجاه يا ابن المحظوظه

امجد . انت بتتكلم بجد طيب انا رايح له بسرعه

( دخل امجد للمدير و بدأ يتكلم معاه علي تفاصيل الرحله و الاسعار و المكن المطلوب كان فرحان جدا امجد بس اتصدم لما لقي المدير بيقوله التذاكر جاهزه و السفر الساعه ٥ الفجر )

امجد . حاضر يا باشا يا دوب اروح اجهز الشنط عن اذنك

( طلع امجد و مشي علي طول بدون اي مقدمات و جاله تليفون يا تري مين اللي اتصل ده اللي هنعرفه الجزء الجديد استنوني )