JENNIEL
Paggising ko kinabukasan ay napatulala ako sa kesame nang bigla ko na namang maalala ang mga nangyari kagabi sa bar at sa pagitan namin ni Sir James.
Maging kagabi ay nakatulugan ko na lamang ang pag iisip, at halos ilang oras lamang ang aking itinulog. At ang tagpong iyon sa pagitan naming dalawa ni Sir James ay nag iwan sa aking isip ng maraming katanungan at kalituhan sa aking puso.
Hindi ko alam kung ano ang dapat kong isipin sa ginawang iyon ni Sir James. At sa ginawa nitong iyon ay para bang gusto kong umasa at maniwalang parehas lang ang nararamdaman naming dalawa.
Napahawak ako sa aking labi habang binabalikan sa aking isip ang mga halik na iginawad sa akin ni Sir James, at para sa akin ay hindi lamang iyon basta halik, dahil naramdaman ko sa mga halik na iyon na para b
