الثالث

1751 Words

سمعوا الولد ضحكنه واخويه ضرغام صاح هذا ياهووو بت خالتي ضمياء ولجن بسع عاد مو خزيتنه حته الزلم سمعوكم وعود وهيه فاكه حلكهه واذنه معليش منهم كملي ٠٠كملي٠٠هااا ليوين وصلنه نجمه ولج عزه العزاج كصري حسج لاتسمعج امي ضمياء شنو بايكين ناهبين ؟؟؟غير عروس والزوم نعلمهه ملاك هو اني شفتهمت ضمياء حقج اذا حايره بلرايح والجاي ناصبيج برج مراقبه حدري هين انتي العروس وانتي الي لازم تتعلمين ادروس ضمياء حته من ترحين يم زلمتج تترحميلي ملاك لااء دخيل بخت جدج خليني بعيده عن دروسج لو صدك جان فلحتي مو كل حزه تجين لهلج مكتوله وزعاطيطج وراج تبجي ضمياء هيجي خوش اذا هيج انا مبطله وخل حويريث افندم٠٠ يفهمج على طريقته وعود لافدوه تعالي كملي لاتزعلين منه هاي خوثه ماتحب الخير الروحهه ملاك البركه بيج ماخليتي حاسه من حواسج اله وفتحتيه وعود اختي هذا يسموه علم ولازم نتعلم ياله خيه ضمياء انت معلم واحنه منك نتعلم البنات ههههه ملاك انزول عليج اشكد لحوحه وعود خايبه باجر عرسج وحويريث هذا امبين يخوف وراح يذبحلج البزونه من اول ليله ملاك حجايات وعود رجعتني للي اني بي من واقع مؤلم باجر عرسي وحارث راح يكون رجلي حارث الي مااعرف عنه غير ابن عمتي وبس ضمياء شفتن رجاء ؟؟؟ وعود اي بت عمه العريس اشبيهه نظراتهه الملاك ماعجبتني نجمه اني هم ملاك اني مشفتهه ولا لاحظت شي وعود اي مو انتي طول عمرج مطفيه خيتي لتبقين هيجي تراه الطير المايجرح ينوكل لحموا ضمياء اي عفيه عليج وعود التفتت الي وكالت ملاك حبي انتي لا تبقين هيجي ضعيغه خصوصا ابيت عمتج ام حارث ترة ينوكل حقج بينهم وتضيعين الاول والتالي والزلمه ميحب الفاهيه يحب الفطنه التفهمه وهيه طايره ملاك اعرف ضمياء شتقصد هو اني شنو الي مخليني خايفه غير مستقبلي الغامض وعمتي الصارمه الحديه بكل شي الهه قواعد بلبيت ولازم الكل يمشي بشورهه وحته سمر صحيح هيه بت عمتي بس علاقتي وياهه سطحيه والحد اليوم مشفت منهم شي يخليني اخاف منهه نجمه شوفيهه الاختج ظلت تضرب اخماس بسداس ولج كافي تفكرين لترحين بيهه الدور وافضيحتاه وعود اي صح لترحين تموعين بيد حويريث ويكعد يلتهمج مثل المشايف وانتي مدريانه بروحج نجمه الدور اتصيرين ملاك المايعه ٠٠اوععع اشكد اكره هيجي ناس عوذه ضمياء كافي عاد بديتن من هساع تخوفنه التفتت الملاك حبيبتي ولا يهمج ذني مضغوطات ويردن يخوفنج حارث خوش شاب والله يهنيج بحياتج وهيه بس خوفت اول ليله روحي نامي حته تكعدين صاحيه وعيونج واسعه وجهج مفتح اخذت المخده احاول انام وهنه ظلن يحجن فوك راسي الحد صلاة الفجر كعدت مفزوعه مثل كل ليله الكاهن كاعدات ضمياء. اسم الله شبيج وعود تعودنه بكل ليله ۰۰۰ تفز من يوم خطبتهه الحويريث ضمياء جان سويتن شويه حرمل ابويه مايرضه نفسه يضيق منوا حدري هين خل اقره على راسج هاي عيون الي ماصلت على النبي من ف**ت عيونهن انشاءالله البنات اميين ملاك بعدهه حسيت روحي ارتاحيت كمت على حيلي توضيت وصليت صارت بلسته ۰۰۰۰۰ كامن البنات للمطبخ يحضرون ريوك واني وياهم بايتين زلم اكثر من النسوان وكلهم نايمين بلربعه خالتي ام ضمياء هواي احبه صبحت عليه وعلى حبوبتي الي جانت كاعده بصفهه وسبحته بيديهه تسبح وتفتح عيونه وترد تسدهن خير حبوبه تصيح استغفر الله واتوب اليك ملاك خفت منهه حسستني مسويه شي غلط التفتت بروحي يمنه يسره اباوع الروحي الملابسي يمكن اكو شي غلط٠٠٠٠ واني اعيد خير حبوبه اكو شي صاحت ولج انتي شلون محاطه حنه بيديج هااا وجعااا نجمه جتي تركض حبوبه حنت ايدهه حبوبه هااا يعني تجذبيني ؟؟؟ صاحت امي وهي تدفع بنجمه حشاج عمه اكطع السانهه حبوبه نعومه جوزي من سوالفج ادري بيج تردين تسكتيني ملاك كمت ارجف خفت لا يسمعهه ابوي ويگلب البيت علينه كله ولا جدتي كلامهه محد يرده ولا يعلق غير ينسمط جد جده خفت لا تشتكي البوي على نجمه ويروح جلدهه للدباغ بس ام ضمياء بسرعه اداركت الموقف وحبته من راسهه وخلت نجمه تحبه مع العلم هي ظلت فاكه حلكه شنو الخطأ الي سوته بس هي هاي۰۰۰۰ حبوبتي تحب تبرز عضلاته كدام خالاتي وتبين نفسه بعدهه مسيطره على امي حته لو زوجت بته ۰۰۰۰ ولدهه متصير جبيره عليهم وتبقی هي الكل بلكل ٠٠٠٠٠٠ صارت تقريبا بلعشره اخذني بنات خالاتي للصالون ونجمه بقت بلبيت عقاب من امي بس وعود اجت وياي وهناك اشتغلن عليه تسريح وتلميع وطلعت غير شكل وعود دمعت عينه ضمياء ملاك صدك من سماج ٠٠٠٠٠٠اللهم صلي وسلم على محمد اتفاجئت من كالوا حارث جاي ياخذج اجت ضمياء همست من شافتني مرعوبه وعيوني نزلن مطر وجسمي كله يرجف اسم الله عليج ٠٠٠٠٠اشبيج هو بشر مثلي مثلج مراح ياكلج بس الفرق هو زلمه واحنه نثايه ابتسمت من كلمته اي هيجي ضحكي وخلي وجهج مبتسم هذا احلى يوم بحياتكم لا تخربيهه مثل ماخربت كحلتج من البچي اللبنيه وينه ملاك زوجه منتضرهه بره ردت العروس ملاك وينه وعود اي جايه جايه عدلن البدله وخلن بودره الوجهي جوه عيوني يعدلن المكياج واني گلبي يدك مااعرف شلون راح اباوعله ويباوعلي شراح يحجي وياي واني وياه تقريبا اغراب طلعت بعد مافتحت وعود الباب وغطن على راسي الشال حمدت الله وردت ابوسه الضمياء ۰۰۰۰بحرکته هاي خلصتني من هل اللحظه العصيبه جرتني وعود للسياره كعدتني ليوره ٠٠٠٠٠ بدلتي خاف تخرب حمدت الله مااريد اكعد بصفوا التفت ليوره شلونج ؟؟؟ همست زينه حارث انشاءالله دوم شنو خايفه ؟؟؟؟ صمت اجت وعود كعدت اشلونك حارث الحمد الله انتي شلونج. كلت بروحي هذا راح يكضيهه ويانه سلامات واني راح اتخربط من الخوف يمته نرجع للبيت حته لو بس دقايق گلبي يرجع نبضه **رت الصمت وعود وياريته محاجيه اخ منج كون الزمج وعود هااا شنو رأيك بملوكه ؟؟ الله عليك مو ملاك واسمه عليه اخذ نظره خطف من المرايه ورد رجع باوع ليكدام وكال هو اني اشفت منهه بعدني بسم الله طننننن ياريت مفاكه حلكج وياه هذا من يومه يفشل ممبطل هاي الخصله تجري بدمه وعود رادت اغطي على فشلتهه مرتبكه وتحجي خليلنه اغنيه ولا جنه بعرس يجرالج مو تدللين سحب القرص وخلاه اغنيه قديمه النجاة الصغيره ايظن بدايته ادكول ايظن اني لعبة بيديه انا لا افكر في الرجوع اليه كلت بگلبي خوش بشاره هذا اكيد بعده گلبه یرف السرور وعود الله عليك هيه هاي اغنيه معرس بيوم عرسه خلينه طرب عراقي حارث ماعندي بنتره التفتت الي وعود وعيونه ادكول الله يساعدج عليه طفه القرص وياه الجگاره طلع حشاش مال جگاير وطول الطريق محجه ولا علق وعود نفس الشي وعبالك كاعدين بعزاه مو عرسه وصلنه للبيت وصوت الهلاهل من داخل بيتنه تنذر بقدوم العروسه حارث ساعه ونجي اتهيروا مجاوبته طبينه للبيت اتلكني خواتي وبنات خالاتي وبناتهن بلهلاهل وامي بس شافتني الدمعه طفرت من عينه الخدهه واني وياهه حضنته وابجي ردته من الله وبده نواح اهلي عليه ناس ادكول ميصير موزين عليه لاتفاولون بوجه عروس خطيه وناس ادكول اول فرحته وعزيزه زكحت حبوبتي اواش اواش حسبي الله منكم التفتتلي حدري هين لا تخافين اربي(شوفي) سمعي مني وخليه ترجيه بأذنج كل الي تعرفيهم بهل البيت اعتبريهم من هل الساع غربه وبيت زلمتج هو بيتج ان جان سمعتي كلمه شينه من عمتج كضبي و كطي و انتي ادخلين غرفتج زلمتج معليه ابمشاكلج انتي وياهه حته تعيشين لا تسمعين للقيل والقال خوش حبوبه هزيت راسي بأي بعده جابت امي صينيه بيه تمن وعليه لحم وطاسه لبن ياله بسم الله ملاك مااكدر تلعب روحي اشلون اكل واني معدتي توجعني من الخوف لحت عليه واني رافضه الحد ماسمعنه المزايق والطبول تنذر بقدوم المعرس وياه طبول گلبي اله شويه انجلط صابتني رعشه وتحولت الخوفه الى دموع وصراخ تهسترت ماا مااريد اروح خلوني هنا يمكم حبوبه اسم الله بنيتي هساع جنتي شحلاتج وتسمعين الكلام عين ومصلت على النبي ولجن ملح رشن ملح چلبت بأمي يمه مااريد اروح امي والدموع تفيض شبيدي عليج اباوع الخواتي واني عبالك ماخذيني يعدموني يجرون بيه ورافضه ابجي واصرخ عمري بذاك الوكت جان ١٩ سنه وهو عمره ٢٧سنه بعدني تفكيري على كدي ماريد اتحمل مسؤوليه وعيال وجهال خاصتا من شخص مابينه اي شي مشترك كل الي بينه صله قرابه كوه صعدوني للسيارة وهو صافن عليه عمتي الامي هاي خزتنه امي بعدهه صغيره تحمليهه فدوه العينج يمه ابني حارث دير بالك على ملوكه حارث هز راسه وخله ايده على عيونه عود من عيوني ظليت ابچي ٠٠مااريد اعوف اهلي حارث هساع اصعدين لو شلون واني جنت مغشايه لو شايفته جان احتركت من خنزرته الي جانت باينه من لهجته الحاده امي وعمتي دفعني دفع واني اتوسل صعدت وشغل السياره مابينه غير كم بيت بسرعه وصلنه ولن محضرين الذبيحه اني شفته واني انگلبت معدتي جيت اذب من راسي كمشت روحي كوه حس بيه همس وديه الغرفته عمتي عيب من عماتك شيكلون علينه خافوا من عيونه لتحسدهه ؟؟ وانوب يشتغل الحجي۰۰٠واحنه مناقصين جان لازم ايدي واني محاسه من خوفي ٠٠٠٠ وخره لو خلعهه من مكانه وصاح براحتج اني بلربعه صبوا عشه بساع الزلم جاعت شنو ذنبه عمتي وهي تلزم معصمي بقوه اي اي روح انت الحد مايحضرون العشه صاحت بنات حضرن العشه الزلم جاعت اخذتني العمات حارث وشالت الشال من راسي همست سلمي عليهم السلام عليكم وهنه شافني واشتغل الهمز واللمز اتذكرت كلام ضمياء من شفت بت عمته رجاء وتأكدت كلامه صحيح جنه بزونه وماكلين عشاهه عيونه تخوزر بيه اتريد تاكلني هاي بس لا تحبه واني اخذته منهه يبووو جانت ناقصه والتمت جابوا صينيه هم نفس العشه تمن وعليه لحم وسوب (مرگه لحم) وزلاطه ولبن بارد اخذت بطل اللبن وشربته كله بلكت يبرد گلبي لحت عليه سمر اكل شويه اخذت خاشوكتين تمن واكتفيت بعدهه كالت عمتي اتسلم عليكم العروس من رخصتكم عمتهم نضال جبيرتهم اي اخذي راحتج باوعت الرجاء وهي تعوج حلكهه وتشاور اخته نضراته اتصيح اصبريلي بينه حرب طويله ٠٠٠٠ فأستعدي للمواجهه سمر شافتني هاي رجاء اتشوفيهه امي رادته قبلج الحارث وهي كتلت روحهه بس هو رفض ملاك يعني هو الي اختارني هذا خوش خبر اسمعه لاول مره ٠٠٠٠طمنت واني اصعد وياهه الغرفتي همست طبي للحمام واني اجهزلج ملابسج ياله على كيفج امي اجت وياي بس نجمه وعود ابويه رفض لان بعدهن بنات عود عيب تطلع عيونهم على هل الشغلات عدنه طبع اللبنيه من تعرس امه تبات الحد ماياخذون بياضهه وامي باتت بس مشفتهه ٠٠٠ مكدرت تصعد وياي بلغرفه حدهه الغرفه الاستقبال اخذت الثوب من سمر واني رجعتلي الرجفه ساعدتني بفك تسريحتي وفستان العرس طبيا للحمام جبيت على روحي مي٠٠٠٠ لبست ثوب النوم الابيض الستن وعليه ذبيت الروب الشفاف ٠٠٠بسرعه ٠٠٠٠ وطلعت لكيت سمر ماكو وحارث٠٠٠٠٠ اكبالي دخل وسد الباب باوع عليه عبالك يتفحصني ولاول مره يشوفني شلونج ؟؟؟ انشاءالله بخير دنكت الحمد لله اتعشيتي هزيت راسي بنعم جان لابس قاط كحلي وقميص ابيض نزع سترته وخلاهه على التعلاكه واني كلت بروحي جاك الموت حارث شنو خايفه طبعا هذا الحجي واني جسمي كله يرجف لا على شنوو عبالي اتقرب مني مد ايده يريد يلزمهه الايدي لزمتني رجفه كل جسمي نهز ابتسم يواش يواش٠٠٠ الي يشوفج يكول كدامهه وحش وراح يفترسهه رديت لا عليمن بسس عجل يول ليش خايفه سحب الحلقه من اصبعي وبدلهه واني اراقبه ومستسلمه حارث امج منتضره افتهمت شيقصد هلمره اشاهدت لان مبقى دمي صفر الخوف والرعب الي بيه خله گلبي يدك الحد ماستسلمت هي براسي براسي على كوله بت حالتي ضمياء ازمه وتعدي بس وين هذا الحجي و جيت اتخربط لزمني حاول يتقرب لي ابتعد بنفس السرعه رفعت راسي اباوعله شفته عركان ويفك برباطه دفعني و٠٠٠ صاح مااكدر مااكدر يتبع

Free reading for new users

Scan code to download app

App Store Google Play

Facebookexpand_more