الرابع

1729 Words

حين يأخذك المطاف او٠٠٠٠٠ حين توقفك المحطه في مكان مجهول اول مايبادر الي اذهانك احبائك وحنينك وشوقك اليهم بمجرد تضع قدماك على الارض تحن تشتاق اليهم وعندما تسمع منادي ينادي الى هنا استوقفنا وهذه النهايه تدمع عيناك لانك سوف تشتاق وبقوه هذه المره بسبب تيقنك انه الاعوده ٠٠٠٠٠٠٠ لزمني حاول يتقرب لي ابتعد بنفس السرعه رفعت راسي اباوعله شفته عركان ويفك برباطه دفعني و٠٠٠ صاح مااكدر مااكدر جان اكو كلاص مي قريب مني بسرعه فتحت الغلاف ماله وايدي ترجف هاك اشرب لاااء مااريد يحاول وهو مخنوك احسه مدري متعصب ضايج من شي مفتهمته٠٠٠ حاولت احجي وياه بس عافني وراح للحمام سمعت صوت الدش انفتح كمت على حيلي للكنتور ادورله على دشداشته جانت معلكه كبالي سحبتهه من التعلاكه فتحت المجر طلعت منشفه وملابسه الداخليه بس يصيحني حته انطيهن اله حارث يول وين رحتي اي جيت مديت ايدي وناوشته المنشفه سحبه وبعدهه الملابس الداخليه لبسهن وطلع بسرعه ملاك هاك الشداشه هز راسه مااريد راح للكومدي طلع باكيت الجكاير كعد على كرسي قريب منه وشعل وحده وباوعلي وجه ميتفسر ليش واكفه هااا اخذي راحتج ملاك ردت اعرف شنو الي بدر مني وخلاه ينفر مني ويتصرف هل التصرف كأنما قره افكاري همس لاتخافين انتي مالج علاقه الصوج مني سحك باقي الجكاره بلنفاضه وطفاهه واجه اتقرب مني حاوط وجهي بايديه الاثنين وكعد بصفي وكال مستعده مدري ومااعرف شجاوبه هو اني الي رأي حته بهاي الشغله لازم ارسم الابتسامه واهز راسي بأي احس بصراع بداخله ٠٠مابين القبول والرفض عقله يكوله سوي شغله وگلبه يرفضني رجع صاح ياأمة الاسلام مو بيدي ٠٠مو بيدي صرت مثل اللعبه بيده المره عاد مره ومرتين وثلاثه ماكو فايده بكل مره يفشل وو الجواب دائما ميكدررر المره كرهت روحي لان جاي اطاوعه ومستسلمتله وبكل مره يفشل ٠٠٠٠و يرفضني ويصرخ بوجهي اني شنو ذنبي اذا متريد من الاول ليش دخلتني بحياتك امبين عليك مطايقني بنات الناس مو لعبه بحياتك امبين عليه كلش زين ميكدر ينساهه عفته مرديت ولا علقت على الموضوع كله ميعجبني ولا عاجني من الاصل اخذت دشداشه حي الله من الكنتور ور حت للحمام غسلت بسرعه بدلت ملابسي وطلعت لكيته نفس الصفنه ونفس كعدته والجكاره متفارك حلگه ذبيت روحي على السرير وو طببت راسي بلبطانيه وحاولت انام اسمعه يحجي ملاك٠٠٠٠٠ مااعرف٠٠٠٠ شبيه يجوز ٠٠٠٠٠تعبان٠٠ رديت واني صوتي مخنوك اي يمكن ٠٠٠نام حته ترتاح بعد لا حجه ولا سمعت شي منه مدريت بروحي الا على دكت الباب شمرت الغطه من راسي منووو اني عمتج اي كمزت من السرير وهو فز من يمو فتح عيونه شكووو شصاير عمتي تريد افتحلهه الباب دفع البطانيه من رجليه وكال اي فتحي ليش خايفه ؟؟؟ فتحت الباب عمتي صباح الخير منورين العرسان انشاءالله منك المال ومنه العيال اتقربت مني وشاورتني بشري هااا ولج اشبيج احجي عنكليزي بشريني حمره بيضه امج تنتضر ٠٠ابوج كل شويه مودي عليهه احد من اخوتج يريدهه ترد للبيت دنكت شكوللهه خجلانه وبنفس الوقت خايفه ليذبون الصوج بيه جاوب هو من يمه متروح البيتهه ليش مچلبين بيهه التفتت عليه شلون يحجي على امي هيجي خزرني وصاح دشداشتي بسرعه عمتي حللت الوضع ماكو شي ولا صاير شي نزلت وهي تهز بيدهه ونظراته تتهمني اني السبب جيت اكول اله مو صوجي واحلفلهه بس خفت منه ليتعصب عليه والرجال كله ولا مرته تحسسه وتحسس اهله خاصه بهاي الشغله وجنت متأكده راح يتصرف وياي غير تصرف اذا حجيت كلمه عن الموضوع خليت الامور تمشي مثل مايريد هو مناقصه اني دوخه راس وامي بعد ما قنعته عمتي بكم كلمه والي مااعرفهن شنو نزلت جوه اتريك سلمت على زوج عمتي وعمتي ورحت على امي الي وجه جان مگلوب علیه اشرتلي اكعد يمه حطت استكان الچاي يمي وكالت بسم الله عمتي ٠٠٠ همست امي٠٠٠٠٠ خير شو مگلوبه خلقتچ مو عيب من اول يوم ؟؟؟عروس انتي دنكت اعرف اسوالف امي حافظتهه شيكول علينه رجل عمتج ممتربايه التفتت عليهه وعيوني تريد تبجي ليش يمه اني اسويت اشش ٠٠٠وين نيشانج ؟؟ هااا لتسوين نفسج مفاهمتني ٠٠٠كلش زين تعرفيني شقصد واني نبهت ضمياء اتفهمج بهل الشغلات وأضنهه وفت وكفت شكول اله بله وهيه العيون كلها تراقبني عمتي واكفه ليغاد بصف سمر وعيونه على حلكي وعمي ابو حارث مبتسم بس عيونه علينه والمصيبه حارث طلع و طفر يم جماعته الجايين يهنوا امي ابوج وده عليه اخوج وراح اروح بس ارد ارجع باجر الصبح الكاكم مكملين ونيشانج بيدج شكول شحجي هزيت راسي بس اريد اخلص كامت على حيلهه عدلت عباتهه وكالت ياله اني رايحه عمتي وين ابقي ويانه على الغده بيت العامر ٠٠الزلمه كل شويه مودي عليه تعرفين اطباع اخوج خل اروح احسن ماوصيج بملوكه افه توصيني على بت اخوي وبنيتي صارت حاله حال سمر شمرتني بنظره تهديد وطلعت وعمتي وراهه اني ميصير اطلع وتعتب رجليه باب الحوش هاي اطباعنه العروس ميصير تطلع الا بلسابع بقيت مدنكه وعيني على الاستكان سمر چایچ برد ماتشربينه؟؟؟؟ اي اشرب اخذت الاستكان شربته وبدون مااخلي لكمه بحلكي طبت عمتي والظاهر صاير حجي هيه وامي اباب الحوش صاحتني اجي وراهه الغرفته بس اخلص ريوك كتلهه اي عمه خلصت جيت وراه تربعت على المده وكالت تعالي حدري هين وسولفيلي خل اسمعج ملاك شسولف على البارحه ملاك فكيت عيني شنو شصاير عمه اني بدر مني شي؟؟؟ عمتي عجل يول جاوبيني ٠٠٠ فهميني ليش ماكو شي الحد هساع كلت بروحي شهل المصيبه الي طاحت على راسج ساعه السوده الي تزوجت بيه عمه ماكو شي والله بس جنه شويه تعبانين ميلت راسه تباوعلي واني مدنكه راسي وافرك بيدي ممصدكتني يعني هو هذا السبب اي عمه قابل شكووو يله روحي حضري روحج هساع يجون بيت عم حارث وحرمتو و بناتو يباركون كلت بروحي اهووو هم راح تجي رجاء ونظراته ابد ممريحه لا هي ولا خواته وامه بعد طلعت من الغرفه كبل الغرفتي دورتلي على شي اقهرهم بي اني جسمي مخصر واي شي البسه حلو عليه طولي متوسط لا كصيره ولا طويله اختاريت قفطان ابيض مطعم بسمائي كلش عجبني لاكلي بشكل فتحت شعري ولبست مكيجت وتعطرت نزلت جوه انتضرهم لكيتهم كبالي يسلمون وحارث ماد ايده يسلم على عمو ياهلا وغلا تو نور دارنه باركله عمه وتحاضنو واشوف عينه مانزلته منه جيت اسلم ردوا السلام من وره خشومهن احسهم رجل عمتي رحب بيهم وبعده طبوا الزلم للربعه واحنه النسوان ظلينه ابمكانه صاحت عمتي سمر يول اخذي بنات عمج شوفيهن غرفة حارث سمر هي اليوم البارحه شو حفظن الغرفه اكثر مني التفتت السمر متفاجئه شنو تقصد بكلامهه رجاء غمزتله ليش تجذبين يول حنه وين شايفينو من عمه بعيونج على عيونج الصلفه متستحي اتريد اتشوفه عيني عينك تكوله عمتي اي شكو بيه خذيهن ولا تتاخرن حته تجن نحضر الغده بساع رايح يأذن ملاك اني اجي وياج عمتي اي انتي بدلي هدومج الاول صعدت وياهن واسمعهن يتهامسون وحده تشاور الوخ مافهمت غير بس ضحكهن بصوت عالي من اشرت رجاء للسرير بعيونه وهي تگلب بيهن وتسوي حركات مافاهمته احسهن يستهزئون خليتهن براحتهن ويه سمر بدلت دشداشتي ونزلت العمتي الي تلكتني من صباحيه عرسي سوي هذا وتعالي سوي ذاك ادكول بنكلادش مو عروس وبت اخوهه المهم كضينه تحضير الغده والكل كعد على السفره نسوان وزلم و عيونه ابد منزلت منه وهو كلما يرفع راسه يشوفه تباوعله يرجع يدنك يكمل اكله كلت بروحي اكيد لابسه لو رايده جان اختاره اله مختارني كملوا صبينه الچاي وبدت السوالف وحده تجر الوخ بيت ابو فلان مسوين طلابه ومتكاونين ويه بيت احد من كرابته ورايحين يحلوهه التفتت مرت عمهم العمتي وكالت بصوت مسموع خيه وين نيشان البت اخوج ؟؟ وصار ويه حجايته صمت سكت الكل وهمه منتبهين الرد عمتي الي معرفت بيش تجاوبهم واني عبالك وكعت طابوكه على راسي رجعنه النفس السالفه مصدكت خلصت ومثل كل مره اجه الرد سريع منه وهو يخوزر بيه اسكت واصلا اني جنت ساكته وحته لو اجاوب شكول غير ميته خوف وخجل اباوعلهن وهنه مترقبات جواب عمتي وعيونهن عليه كانما منتضرين يتأكدون من شغله حارث شلج بهل الشغله هيه هاي وكته السالفه مرت عمه عاد شوكت وكته لو مستحي مننن٠٠٠ قاطعه وكف علی حیله وگال مستحي لويش استحي هاي حجايتج عيب تكوليه عيب ٠٠٠٠شلج بهل الحجي بعدين هاي الشغله اني منبه محد يجيب طاريه رجاء ضحكت بصوت مسموع التفت وعيونه تهدد ٠٠٠٠تسكت بس امبين عليه عيونه كويه مدت ايده على حلكه وكملت ضحكته مستهزئه وهي ادكوم للمطبخ وخواته وراهة هو لحكهن واني بقيت ابمكاني وعيون عمهم ومرته عليه وعلى عمتي عمتي ملوكه بنيتي روحي وراه اخاف يريد شي منج اي عمه كمت على حيلي واسمع صوت مرت عمهم وراي تصيح انعيش وانشوف ٠٠٠ تقربت من المطبخ ادور عليه ماكو طالع ورجاء كاعده منتجيه على المجمده وصايره نار من عيونه تبث سم عفتهن واداطلع للغرفه سمعته تصيح حته تسمعني بس اني اله اطيح حظه واخلي يحاجي روحه حته يتندم ويرجع يتوسل الا اخلي يجي بيوس ايدي حته اوافق عليه اعرف عليمن والمن تقصد هسه بله لو أجاوبه مراح تصير هي المسكينه براسي وبس هي وبس اول وحده امي تردني لان رديت عليه واصير ممتربايه طبيت للغرفه ٠٠ملكيته اكيد طلع بره ضايج من حجي مرت عمه وبناته اووف من اول يوم مشاكل وين جانتلي هل الرجاء خابرتني وعود وسألتني شلونج محجيت شي ٠٠٠شكول اله حته اصير اني الملامه ادور زيدت خوفي من كالت حبوبتي ام ابوي ناويه تجيني متت خوف بس لا توكع براسي وعمتي ادكللهم اني الي مانعته ورافضه٠٠٠ بجيت الحد ماعيوني صارت حمره للمغرب زادت عندي الحسره اشكد ماسمر تحجي وتسولف وياي وين اني اشتاقيت الهلي صحيح همه بيت عمتي بس اختلاطي بيهم مجان اكو بس سلام ويجونه كم ساعه خطار لا ابات ولا هو اصلا يبات يمنه مرت الايام واحنه على نفس الحال هو يحاول وكلشي ماكو ويصير عصبي ويذب الصوج بيه اقترحت عليه اروح للدكتوره بلكت تنطيني دوه فد شي يساعده بدون مااهلي واهله يدرون وفعلا رحت اخذني هو بنفسه العصر حجيتله وهيه كتبتله ادويه يستعمله لكن ٠٠٠ نفس الشي اهنا اعصابي انهارت ٠٠لان كلما يحاول ويفشل يتعصب عليه ويبده يغلط ويسب اعصابي تنهار احس بالاهانه كانما حيوانه مو بشر دم ولحم صحت اذا انت مريض اني شنو ذنبي ؟؟؟ محسيت غير بضربه قويه ابطني رفسني برجله طفرت بلكاع وجسمي كله مااحس بي احسه ات**ر وزاد ضربه اهانته هاي كله بغرفتنه لازم اكتم حسي لا تسمع عمتي ورجله لتصير مصيبتي اكبر وكأنما اني الي غلطانه قررت اعوفه ٠٠٠ لميت جسمي ونمت ليلته ابمكاني مابي اكوم مت**ره وكل عضمه بجسمي توجعني بليل حلمت بكابوس رجعلي هو نفسه اختنكت احس واحد نايم على ركبتي ويخنك بيه صحت بصوت عوفني عاااا كعدت لكيته واكف على راسي دفعته واني اضرب بص*ره عوفني اذا انت مرايدني وتكرهني عجل ليش تزوجتني هو مد ايده يقيس حراره جسمي يول صايره نار چمره تهيري طبي للحمام ونزعي الي عليج تنكعن واني اصرخ مااريدك مااريد يول عوفني الخاطر محمد اي يجرالج الي تريدي اتهدي ابوي وامي يسمعونج مناقصين حنه طلايب تالي الليل احجي واحس جسمي نار مصخنه اهذي بحجي اني نفسي مااعرف منين جتني هل الجرأه طبيت للحمام فتحت المي البارد عليه الحد ماحسيت كمت ارجف نشفت روحي وشفايفي تتحرك من حالهن لكيته محضرلي دشداشتي جريته من ايده ولبستهه طلعت من الحمام وجسمي كله نار كتله خابر امي اني راح اموت جيت اشاهد وهو يفتر بلغرفه يدور على الموبايل يتبع

Free reading for new users

Scan code to download app

App Store Google Play

Facebookexpand_more