الخامس

1447 Words

٠٠٠٠٠٠٠٠ حارث اشش تردين تفضحينه بهل الليل ملاك عجل عوفني ولا تگربلي ملاك راح ورجع جايب حبايه وجع راس وكلاص مي هاج شربي اخذت المي وشربته بسرعه وايديه وجسمي يرجفون غصيت وظليت اكح وين امي تهون عليه٠٠٠٠٠ دك على جتفي حته يساعدني اتنفس الهوه احسه كوه اخذه يول على كيفج عقجت وجهي من وجع بطني واني ارجعله الكلاص اخذه مني وخلاه على الميز وراح للسرير اتمدد على ظهره وغطه عيونه بأيده اعرف بي جاي يتهرب من نظراتي رجع كامز من مكانه كأنوا نسه شغله راح للبلك مال الشمعه طفى الضوء ورجع نام ابمكانه ولا يمه اني ٠٠٠٠٠٠٠٠ حاولت ارجع انام ظليت اتگلب مگدرت احس چسمي كل مكان بي يوجعني و الغرفه احسهه تخنكني حسيت اكو غيرنه بلغرفه واحد ثالث يراقبنه ضليت افتر براسي اشوفه منو جان اكو ضوه خفيف يطلع من الشباك ضارب على مرايه ميز تواليت مدري شنو الي خلاني اباوع بي شفت منظر رعبني عطت من خوفي ورعبتي شنوو هذا ياربي هو هم فز واجه يمي يركض شبيج شصارلج هلمره ؟؟؟يول منرتاح بهل الليله ياليله الكشره همست واني ااشر على المرايه و الكلام گوه يطلع شششفت ررروحي مشوووهه وشششعري منفوش رده صعقني وكال برود وهو يهمس هسه ياله حسيتي ؟؟ بعدهه كال بصوت مسموع يول نامي ماكو شي خلنه نرتاح ماصارت ليله هاذي اشرت على الشمعه شغلهه حارث مااعرف انام والضوء مشعول ملاك بس اني اخاف من الظلمه تأمريني بس كون تنامين ماكلساع تفززينه من نومتنه هزيت راسي بأي واني التفت يمنه يسرى برجاء الغرفه حارث يولي نامي مو عيوني ماحس بيهن من التعب كلت بروحي هو انت شمسوي وتعبان شغله عمله ميجي كبال الي اشتغله كراب البيت كله عليه اي مو اني كاروبة البيت البنكلادش٠٠٠٠ اجر شغل من الصبح الحد مايصيح الله واكبر اذان العشاء والخطار الي ميخلص يوميه رايحين جايين وخصوصا بيت العم ٠٠٠٠اوووف ياربي شي ينيمني هالليله بعد الي شفته ظليت اتگلب يمنه يسرى ٠٠٠٠٠ الدور ضربته وجعتهه المعدتي وين بي حيل للشغل الصبح من تستلمني عمتي شكو اله؟؟ احس جسمي كله نار ٠٠وم**ر اخخ يمه وينج حنيت الاهلي ٠٠حته ابوي الي جنت اخاف من عصبيته وصياحه الليله احس صوته أمان الي ياريتني ارجع الاهلي ولو يوم حته اشعر بالراحه والامان انام براحتي وامي اطبطبلي بيديه الحنينه واتهون عليه عود ٠٠٠ كاعده بوسط اهلي الي همه عمتي وابنهه بس احس نفسي بغربه غربه خنكتني مستحيل اتحمله بعد اي ملاك احلمي جنج بحضن امج وبيت اهلج حته تنامين كلمات اقشمر بيه روحي مثل المخبله صرت اهون نفسي بنفسي الحد ماكدرت اغفه ٠٠٠ثاني يوم رجعت الروتيني اليومي لازم اكوم قبلهم ٠٠٠ احضر الريوك قبل ميكعدون رجل عمتي وحارث احس روحي بعدني بس لازم اجبر روحي واكوم على حيلي طبيت للحمام ٠٠٠٠ درت مي على روحي حته اتنشط وتروح مني الحراره بدلت دشداشتي ونزلت لكيت عمتي كاعده قبلي صباح الخير عمه دارت وجه ادري بيه ضايجه جي اتأخرت وادري مراح اتصدكني اذا تحججت بمرضي ردت صباح النور اخذت الاستكاين وقوري الجاي الي محضرتهن وخليتهن بلصينيه رحت للثلاجه جبت كلاصات الجبن والگیمر عمه وین المربه لتخلينه عمج ميحبه ٠٠هاج هذا البيض خلي يمج اي طب حارث صباح الخير دارت عنه وجهه مجاوبته هو بسرعه خنزر عليه واني شنوو هذا بس لا عباله اني مشتكيه عليه يم عمتي اهووو شيخلصني اليوم الام نفس ابنهه اثنينهم فد طبع حارث ابويه كاعد نايم؟؟؟ هم مردت رجع خنزر بي وهمس بين سنونه شبيه امي شحجتي اله ٠٠٠بدت رحمة الله راحت الغرفته واني كتله والله معليه هيه عمتي حته بوجهي معبسه همس عجل ليش متحاجيني ممسويته قبل ٠٠٠الا انتي شوفي شمخربطه كتلك والله معليه محاجيه شي هو اني حته كعدت متأخره لكيته مكمله الريوك طبت عمتي ورجله حارث صباح الخير اني هم صبحت رد من وره خشمه رد حارث نفخ خشمه عليه واتن*د وهو يخوزر اهووو شيخلصني اني اليوم ياسالفه المتنتهي صارلي شهر متزوجه ويوميه ياهمه زعلانين ياهو زعلان اشطلعت عاد خلصوا ريوك٠٠٠٠٠٠وهمه طلعوا منا ٠٠٠٠٠ وعمتي استلمتني منا تعالي كليلي هاا عمه شكول انتوا الى متى تظلون هيجي شكو عمه شصاير ٠٠اذا على كعده الصبح متأخره جنت مصخنه وكوه نمت مخلتني اكمل هاي سالفه التأخير وحد لا تعيدنه هلمره سماح بس٠٠٠ كوليلي انتم شنو ناويين الى متى تكضوه هيجي ملاك شقصدج عمه مفتهمت لتسووين روحج مفاهمه تعرفين على شنو جاي احجي والله مدافتهم بت خلف ٠٠٠٠حاجيني عدل وفهميني ليش بعدكم ليهساع دنكت راسي فهمت شتقصد مووو شنو الي موو فهميني انتي بيج شي لا عمه شنو بيه عجل ليش الحد هساع شمتانين ماادري سألي حارث شمرت الخاشوكه من ايده بلصينيه صار صوت چفلني كمزت من مكاني كانت ردت فعلي الدموع ماعندي غيرهن استنجد بيهن ٠٠٠ عسى ولعل اخلص من ملحته بس عمتي المره ناويه وبشده تنهي الموضوع شوفي بت خلف اليوم ان ماخليتي زلمتج يواصلج لا اروح الاخوي الي هو ابوج واخبره بكل الي تسويه صحت واني شنووو عجل ابوي الي بلگبر ۰۰۰انتي كلشي بيدج ٠٠تخلي ينساه السرور رفعت راسي ودمعتي بعيني واني اكول عمه اذا تعرفينه كلش يحبه وميكدر ينساهه ليش زوجتيني اله ؟؟؟ شنو ذنبي اني حقل التجارب الابنج صحيح كلت خلي احجي الي ابطني بعد ماتحمل اسكت صاحت بيه اشلون اراددهة اني انهزمت منه طلعت الغرفتي ابجي لاكتني سمر شكو شصاير واني ابجي سألي امج٠٠٠٠٠ اني بعد طكت روحي بهل البيت مااتحمل٠٠٠ ظليت بلغرفه شويه وصاحتني سمر تعالي نزلي يول امي وحدهه واني رايحه للمدرسه وهيه تعبانه لاطوليه السالفه واهي كصيره وتوصل البوچ وخصوصا هيه متحلفه الا تحجيلو اهووو شيخلصنه اذا سمع ابويه تنلاص عليه ويصير الصوج بيه نزلت وياهه٠٠٠ وحبيت على راسه وكلت عمه عذريني ٠٠اني اسفه عليت صوتي عليج بس والله مو بيدي انتي تلحين عليه ٠٠٠ اني شبيدي هو حارث بس يدخل الغرفه يظل يحوس يريد يطلع منه اهنا صفنت عمتي كالت اي كملي شكمل عمه شلون يريد يطلع منه ريحته مطيبه مونظيفه لو انتي تضوجينه وتزهكينه بسوالفج امك كالت امك حجت فكيت عيني بوسعهن بالله هاي شحجي وياهه رديت هواني وين الحك احاجي كبل لو يكلي تعبان ويلف راسه وينام ويخليني وحدي افر براسي بلغرفه والبارحه ٠٠٠ سكتتت اي شبي البارحه عمه ضربني ٠٠رفسني ابطني وظليت اتوجع للصبح كعدت مت**ره ردت شوف شكلتيله وضربج مايمد ايده حارث ابني اعرفه كلش زين اني امو ومربيتوا عمه والله مكلتله شي ٠٠ليش متصدكين عجل على شنو هيج منو لله هو ٠٠٠هو٠٠ خجلت ورجعت اصخن احجي ليش تضمين عليه خل افهم سالفتكم حته بلكت احله هو عمه كلما يگربلي يختنك ويصيح مااكدر مو بيدي ٠٠عذريني مو يمج الشغله صفنت عمتي وكالت ليش ماكلتيلي من الاول ميقبل احجي محذرني اي شي يصير بينه ميطلع خارج الغرفه وبعد غيره محجالج شي يحتر يذب هدومه بليل ٠٠٠يحلم اي عمه حجيتلهه كل الي صار حته على حلمي والي صار بلغرفه واني احجيلهه عيونه تگلب وتتوسع مصدومه من الي تسمعه ضربت على وجهه و٠٠٠ كالت بسرعه واني احجي ماتت امك حويريث ابني مسحور ٠٠٠راح يكضنه بسحورتهن امهات السحوره يردن يموتنه اسم الله عليه انشاءالله هنه وامهاتهن ضربتني على فخذي وصاحت وهيه تهز براسه تأكد حدسهه يالله كومي حضري نفسج حته نطلع بلعجل قبل مايجون وين عمه ؟؟؟ والغده اخاف يجون ميلكون غده ياغده يامهجوم بيتي اني ابني راح يروح من بين ايدي بحال موا چيل هساع حطيت شالي ولبست عباتي وعمتي لكيته محضره روحه قبلي ياله بساعج اخذنه ت**ي وصلنه البيت صغير دكت الباب ٠٠٠٠ فتحت الباب بنيه بيضه وجه نوراني الشيخ فلان موجود اي خاله اتفضلي هساع اصيحوا انتضرنه ٠٠اجه هو حرمتوا سلم وعمتي كالتله كل كلمه حجيته اله هز راسه وكلي اتگربي حط ايدو على راسي وكعد يقره ايات جثيره اتثاوبت وبعده التفت العمتي وكال حجايتج صدك راح انطيج بطله للبيت كله وللغرفه قبلها نظيفه وحاولي ادورين بكل مكان ٠٠٠ ومن اتلاكينه ٠٠٠٠ جيبي الي انشاءالله رجعنه للبيت وظلينه اندور اجت سمر ذبي جنطتهه وكالت خير ماكو شي شمضيعين هلمره عمتي مردت ولا اني حجيت سمر اتقربت مني وهمست يول شمضيعه ؟؟؟ذهب رديت ياريت سمر هاااا الهل الدرجه شصاير مدكوليلي حته غده ممسوين الخاطر ربج متعوفيني ياغده ياصخام اهااا عمتي صاحت وهيه تصعد الدرج طبعا اني وراهه اشمالج انتي صغيرونه طلعي لحم من المجمده وموعينو وخلي بجدريه وديري بي مي وعلى النار الحد مااجي اطبخو سمر وين موليه وياج ملاك خل تجي هيه تسويه اني كضيانه من الدوام اليوم ست ادروس مردت واشرتلي اجي وراهه فتحت الباب وكالت بلعجل كلبيلي الكنتور مالج وماله اريدج ادورينو زين للعمل النجس هذا اليوم ماينام ابني ابغرفتوا اله الگيه ابصراحه اني صابتني خوفه من كلام الشيخ ظلينه اندور ماكو ملكيناه الحد ماتبهتني سمر وهي تصيح يماه هذا تليفونج يدك صاحت شوفي منو ردت حرمت عمي ٠٠ام رجاء لا تردين مالي خلكهه هاي بس تريد تعرف اخبارنه شكد فضوليه هل الحرمه ماتبطل طبعه تذكرت رجاء واخته من اشرن للسرير وهنه يضحكن رحت ركض نبشت اتنبش من مخدات ودوشك حسيت اكو شي قوي جوه المخده مالته اتقربت عمه هاي شنو عمتي وهيه تتلمس شو جيبي المگص هذا خياطج لا عمه منين شو هذا خياط جديد مدت ايده تاخذ مني المگص وهي تكطع الخيوط عيوني وعيونه على المخده تترقب مااحجيلكم علي شفناه الله لايوفقهن اشكال شعر على وصل خرك اسماءنه اني وياه وحجي يخوف صابتني رعشه جمدت ابمكاني حسيت الدنيا ادور بيه وكعت من طولي ٠٠٠٠ مااسمع بس صوت عمتي تصيح انهجم بيتي ماتت البت ٠٠٠٠٠٠٠ يتبع

Free reading for new users

Scan code to download app

App Store Google Play

Facebookexpand_more