السادس

1665 Words

اعذروني ان توقفت عن الكتابه فأنا كلطير المذبوح على وطني الحبيب وانا اراه يوميا يعذب وليس بيدي شيء غير قلمي دموعي تقطر دما على الشهداء قلبي يتوقف عن الخفقان كلما يشاهد القنابل الدخانيه وهي تتخلل رؤوسهم بكل بشاعه وهم يحضنونها باسمين مستبشرين نعم انهم ابناء العراق ولد الملحه ولد الفاله والمكوار فتحيه والف تحيه لكم يامن تفرشون بأجسادكم ساحه التحرير بهذا البرد القارس بعد ان تركتم احضان امهاتكم وزوجاتكم وبيوتكم الدافئه وبعتم الغالي والنفيس ورخصتموها لاجل الوطن ولاجل ان تطالبوا بحقوقكم قلوبنا معكم وكلنا معكم و نهتف بصوت واحد نريد وطن ٠٠٠٠٠٠٠٠٠٠٠٠ متابعه قصه قدري انت للكاتبه ذكرى المندلاوي ملاك كعدت واني اشوف الكل فوك راسي عمتي الحمد لله فكت عيونها ملاك لزمت راسي واني اسأل ليش اشصاير سمر يمااه هاي بس لا فقدت الذاكره ؟؟؟شو چنه نستنه عمتي صاحت بيهه التفتت الحارث اني نازله احضر غده ابوك على جيتوا هساع يبهذلنه وانت ديربالك عليهه حارث٠٠٠٠ ام حارث ياله سمر تعالي ساعديني سمر. عرفت وكعت براسي امشي لا اكص السانج ماريد ولا كلمه ملاك اباوع لعيون عمتي وهيه حمر دم اكيد صايره اعصاب من وره الي شافته اكيد هسه بنفسها تأكدت من بنات عمته٠٠٠ رجاء وامهه هنه الي الهن يد ضايجه شلون امنت الهم طول هل المده وهي كلش زين تعرف بأمهم سحاره من يومهه كم مره كضت امهن وهي تحشي فراش رجله حته سوته طلي ٠٠٠ بس مجانت تتصور يوصل بيهن المواصيل ويزرعن فراش ابنها الوحيد حارث حتى ياخذنه هيه جانت تعرف برجاء تحبه الحارث وكم مره امه نبهت وهي طالبت بلسانها بس حارث كان بكل مره يصد امه من اتوصله الحجي عضت اصبعها وهي تلوم بروحه شلون امنت ودخلتهم الغرفته اكيد هنه٠٠٠ محد خاش غيرهن وهي من طيبة گلبها متصورتهم راح يسوون الي سووه هليوم اخذت العوذ ورجعتهن للمله ثاني يوم الصبح وهو اكدله ضنونه وهيه دكت على ص*رهه وسألت شلون هسه دبرني ملة الحل شنو ابني ومريتوا راح يبقون هيجي واحد يصفن بوجه الاخ المله هينه لاتخافين مازال عرفنه العله الدوه موجود والعافيه بلتداريج ٠٠٠٠٠٠ ملاك طب حارث للغرفه مثل كل ليله بعد ماتعشينه واني مبدله ومعطره ومحضره روحي عروس ومثل مانبهت عمتي ماعوف الكحل من عيوني ولا العطر واظل دومي مجهزتله روحي واني أهز براسي ولازم انفذ بدون ترادد حتى لو كارهه هل الشي بس بداخلي صار ت شغله عناد اشو هذا اول مادخل كلي فرشيلي بلكاع كلت بگلبي خيررر هذا بس لا سامع حجي من اهله وهل طاك روحه خل انفذله الي يريده واعدي الليله على خير مرت الايام واني زياه نفس الحاله ماكو اي تقدم لا بل صار كلش ميشوفني ولا كانه وياه بلغرفه حالتنه صارت ميؤس منها وهو٠٠٠ اخاف قبل جان يباوع بوجهي هساع ابد بس يدخل الغرفتوا كبل يحط راسوا وينام تأكدت زواجنه اصلا من البدايه غلط الله يسامحك يابه٠٠٠ شريد اكول واني المجروحه ابكرامتي كل ليله شنو ذنبي ٠٠٠٠ صارت حياتنه رتيبه الصبح كله شغل الحد الليل دك ادكول عماله وحته اهلي ممنوع اروحلهم اخاف احجي الي ديصير ومن أعترض يكون جوابه حارث اششش اسكتي امي شدكول انتي لا تراددينه مفهوم ؟؟؟ طبعا٠٠٠٠٠ مصدكت تحصللهة بنكلادش بليه اجره ممنوع ا اعترض عمتي يوميه تبخر الغرفه وترش مي من المله جايبتوا واهي فرحانه مصدكه حالنه راح ينصلح واخاف اكلله الحقيقه من تسأني حقيقته وهو بوادي واني بوادي مابينه اي شي يدل على انوا احنه متزوجين او عرسان جدد الي ان فد يوم اجه عمي هاشم وعمتي سولفتله الي صار بينه من وره رجاء وامها عمي هاشم ليش ماحجيتي عمتي هو اني اكدر افك حلكي؟؟؟ شلون تريدني اكول على حارث مايكدر يگرب مریتوا الهساع اكيد مايصدكون رجاء وامها وره هل السالفه و يكلون تذبين بلاج علينه الدوره يفضحونه اول حجايتهم هو ابنج منوا يكول رجال ايغير اموتهن وحق الحق واني هذا الحجي بس انت تدري بي مايعرف بي مخلوق بره البيت غيرك عمي هاشم صفن ٠٠٠ بعدهة كال حضري اوليدج وحرمتوا يباتون ابيتي اليوم عمتي شنو قصدك هذا احسن حل خل نبعدهم مادام حرمتوا الهل حزه تحلم نفس الحلم وتفز هي مرعوبه معناه بعده العمل بلغرفه دكت ص*رهه عمتي والحل ؟؟؟ ابني يظل متعلعل طول عمروا عضت اصبعها اخخ كون الزمنهن رجيوه وامها جان كطعتهن بسنوني وذر ٠٠وذر واشمر لحمهن للچلاب على هل العمله هاشم اششش اسكتي احسنلج على كولتج يدبرلهن سالفه ويطشن سالفه لابنج ويصير قصه على كل السان كتمي الخبر واني اعرف شلون اعاقبهن انتي بس اصبري خلي حارث يطيب بعدهه الكل حادث حديث عمتي سكتت٠٠٠٠٠٠ واقنعت اهم شي عدهه ابنها يطيب واني محد بحالي شنو شعوري شنو احساسي لملمت جراحي وكتمت نفسي حته لا ابجي كدامهم لياخذوها بغير نظره والعصر طلعنه البيت عمي هاشم وهناك رحبوا بينه وبيبيتي سليمه تلكتنه بذاك الغلاط والفشار چي مانمر عليها احنه بيا حال وبيبي سليمه بيا حال انتي بت خلف ماكلتي بيبي ماذكرتيني اي العتب مو عليج على امج الي ربتج على الحقد اوي امي شجابه بلطاري هي يمي كرباي انچبي٠٠٠٠ لا تراددين من اكلج امج كولي اي عمي هز راسه الي وحارث يخوزر بي هزيت راسي اي بيبي كلامج صح واني مهضومه كوه تطلع الكلمه من حلكي يالله روحي حضري العشه ويا مرت عمج وبناتهه طبيت وياهن اساعدهن وجان تسألني مرت عمي مصار عندج شي ؟؟؟ شنو قصدج عمه محبلتي ؟؟؟ هزيت راسي لا بعدني الله كريم بعدكم شباب والايام كدامكم كلت بروحي مصار شهر وتريد حمل العالم مني لو اطول اكثر سنه شلون اكيد اطول اذا هو الحد هسه مماخذني ومصايره زوجته من شنو احبل ؟؟؟؟ من الهوى والله هاي الناس مصيبه بكلشي يدخلون خشمهم هساع٠٠٠٠٠ لو يخلونه بحالنه جا زين بعد ماتعشينه عمي كال اليوم تباتون عندي حارث رفض ميدري عمي نتر بي شلون تريد ازعل منك بس اني عرفت من عمتي وخفنه نخبره ليرفض وميقبل العزومه عمي هاشم كدر يقنعه وهناك كال صبولنه چاي وجيبوا للربعه وماريد جنس مخلوق يدخل بيبي سليمه هي شني السالفه جتماع مغلق كلنه ضحكنه عمي رد اي يمه جتماع اني وابن اختي شلكم غرض بيبي سليمه بس لا ناوي تثني يهويشم مرد هز ايده واخذ حارث وطبوا بلساعه وبعدهة كال الحرمتوا حضرتي افراش الابن اختي وحرمتوا ؟؟؟ واهو يطبطب على ظهروا وكمل وهو مبتسم اليوم حويرث عدنه انماشالته الگاع انشيلوا على روسنه حارث واهو مدنك راسوا رد يسلم راسك ربت على ظهروا وكال يالله اخذ حرمتك٠٠٠ وبعدهه همس بأذنوا وهو مبتسم مدري شكالوا وحارث وجهوا ميتفسر دخلنه للغرفه بارده نظيفه والفراش بلكاع مفروش معطر والجو جان حار بره واني تعبانه مصدكت لزمت الفراش اريد انام جان احس ايد جرتني حارث وهو يهمس قريب من ركبتي جاهزه ؟؟ كلت بروحي صحيح اني شلون نسيت المن جينه وهي براسي ٠٠٠ براسي ومهمه لازم اأديهه وابرهن للكل مو اني السبب واثبت عذريتي واقدم نيشاني نيشاني الي صار مثل العقده بلنسبه الي العقده الي صعب تنحل والي بمرور الايام شفت نفسي اني اطالب بيها ٠٠٠٠٠ اتقدم بكل برود ومثل كل محاولاته السابقه واني راضخه وبنفس درجه البروده الي عنده الى ان كملنا واخيرا ٠٠ نزلت دمعه جانت تعاند الا تنزل مدري دمعتةفرح لو دمعه نشوه الانتصار وتحقيق الي جان مستحيل باس راسي مبروك هه يمكن هو هم مثلي ونفس شعوري ٠٠٠٠ صار الي جانت عمتي منتضرته وامي واهلي وثبتت عذريتي رغم اسلوبه الجاف الخالي من اي مشاعر حلوه منه٠٠٠ تجاهي٠٠٠٠٠ وكته رجعت العمتي مدري افرح مدري احزن علي وصلتله من نتيجه بذيج الليله باركولي واني عبالك حمل وانشال مني عيوني تضحك ادكول فرحانه بس گلبي غير٠٠٠ لان شفت نظراته تحجي الي السانه عاجز عنه وهو مستحيل يحبني بعد هاي الليله رجعت حياتنه نفس الشي هو يروح للشغل واني گبل استلم شغل البيت الي ي**ر الظهر ومن يجي الليل يذب روحه بفراشه ويلف راسه وينام لا من كلمه تواسيني لا ابتسامه تزرع بگلبي الامل حاولت وياه كل الطرق مفاد كلت حقه هو الحب مو بكيف البشر يجي من الله وعسى ولعل فد يوم يلتفتلي ويحن گلبه ويكول اكو انسانه من لحم ودم عايشه وياه بنفس الغرفه ومرتبطه بي جنت اشوف بنات خالي وبنات عماتي المتزوجين شلون يعاملوهم ازواجهم اسمعهم من يجتمعن ويسولفن وهنه متباهيات ويضحكن وحده تحشش على الثانيه احسدهن بداخلي ليش اني مو مثلهن ؟؟؟ ليش هو ميحبني ؟؟ مناقصني شي بشهاده الكل ٠٠٠وكلمن يشوفني يسأل والجواب نفسه ماعندي حظ وياه وعدت الايام والاشهر وبد الكل يسأل ليش ماكو طفل ؟؟؟ ليش محبلتي عمتي بدت تتشكى اني شلي غرض ياربي اخلص من معضله تطلعلي الثانيه ملاك حارث اليوم عمتي عادت نفس الحجي حارث ياحجي دنكت خجلانه موضوع الجهال والحمل حارث هااا وانتي شرديتي شكول قابل بكيفي كلشي بيد الله صفن انتي مستعجله على الجهال ودوخه الراس هااا ٠٠٠٠رفعت راسي اباوعله اني هم مثل كل حرمه اريد طفل يملي حضني واتونس بي حارث باجر اسأل على دكتوره زينه ترحيلها وانشوف شنو سبب التأخير هزيت راسي مبتسمه بعد يومين اجاني كلي جبت عنوان دكتوره ترحيلها ويه امي فرحت بگلبي واخيرا بلكت٠٠٠السبب بسيط اخذ علاج واحبل دعيت ربي من كل گلبي لكن انت تشاء والله يفعل مايشاء القدر ميريدلي اصير ام رغم الصوج مو من عندي سويت كامل التحاليل والسونارات طلعت نظيفه وماعندي اي مانع للحمل خبرته بلي كالته الي الدكتوره حبيبتي انتي مابيج شي نظيفه خل يجي زوجج هم يسوي كم تحليل شنوف شنو العائق او المانع اتعصب وبذاك اليوم البيت انگلب گلاب وحتى اكل مقبل ياكل وظل ايام معاند بعدها سمعت الخبر الي صعقني الصبح واني نازله مثل كل يوم احضر ريوك سمعت عمتي ورجله وياهم حارث هو صوت جان اعلى من اصواتهم عمتي يمه ليش متاخذ علاج حارث مو كتلج ميفيد التحاليل ادكول اني عقيم ميصير عندي خلفه ٠٠٠ عمتي وهي تملخ وجها ولك اسكت لا تصدكك الوادم وانت الي اسمه ابوه متحجيلك سالفه تهدي ويسمع الكلام حارث شنو كالولج مخبل ؟؟ الدكتور جان صريح ويايه كلي ماكو داعي اتعب روحك ملاك صعدت اركض الغرفتي وايدي على حلكي اريد ابجي يارب حتى هاي الفرحه الي جنت منتضرتها هم مستحيله بجيت الحد ماعيوني ورمن بيومها منزلت سويت روحي مريضه الى ان صار الظهر اذن نزلت جوه تلكتني عمتي وهيه تباوعلي وادقق بوجهي اشبيج ؟؟؟مريضه وين يوجعج رديت راسي اشويه يوجعني هاي چي مماكله تعاي تريكي واكضي هل كم شغله عمج وحارث على جيه يردون غده طبت سمر هلووو٠٠٠٠ هاي شنو بعدهن المواعين للريوك على السنك شصاير اليوم تباوع عليه رديت اي هسه اغسلهن عمتي وانتي بسرعه تعاي ساعدينه اوويي اني تعبانه وجوعانه مال شغل ؟؟؟ صعدت الغرفتهه اتبدل واني استلمت البيت مثل كل مره من فوك ليجوه وعمتي بس تطبخ دورات العشه عليه مرت الايام واني الموضوع مفتحته شكوله ؟؟؟ وعمتي هم عرفت مفتحت الموضوع ابد لكن ميأست بدت تحاول بس عن طريق المله والادعيه والنذوره الى ان فد يوم دخل عليه طاكه روحه يتبع

Free reading for new users

Scan code to download app

App Store Google Play

Facebookexpand_more