الفصل ٣٥
" اهتمام واعتراف" ٣ قصة " فتى المزرعه" فضلنا ماشيين جنب بعض ب**ت حوالى 5 دقايق، كالعاده انا اللى بيقطع السكوت ده بأى كلام بقى يجي على بالى. " معندكش فضول تعرف عنى حاجه زى مانا عرفت عنك كل حاجه تقريبآ؟" " لا بصراحه انا مش فضولى زيك، بس مش هكدب عليكى، انا فعلآ عايز اعرف عنك حاجات كتير، اسمع منك حكايات، يعنى اتسلى عليكى، هه" طبعآ كان بيلمح على كلامى لما قولتله انى لاقيت حد اتسلى عليه وكنت اقصده ضحكت وقولتله " انا هقولك سر" " خير؟" " بصراحه انا مش فضوليه ولا حاجه، انا زيك كده، مش عارفه ليه حسيت انى عايزه اعرف حكايتك ايه، وده جديد عليا انى اهتم لحاجه تخص حد معرفوش" " يمكن شفقه مثلآ وعايزه تعرفى من باب يااااه قد ايه هو صعبان عليا" قال كلامه وهو متأثر بكل حرف، بس كان بيحاول يبين انه بيضحك ومش فارق معاه اللى بيقوله " انت غلطان تمامآ، لإنى حتى دى محسيتهاش ناحيتك، انت شخص قوى، وحالك كويس
- Writer
