الفصل ٣٤
"من أول نظرة" قصة #فتى_المزرعه ٢ هو بيشدنى ليه؟؟ بجد معنديش اجابه على السؤال ده، مش قادرة احدد هو ده تعاطف ولا عشان هو حاله غامضه بالنسبالى وعايزه اكتشف خباياها، ولا قصته لمستنى لانه يتيم الاب والام زيي وكان عايش فالمدينه وفجأة لقى نفسه بينتقل لعيشة الفلاحه والزراعه، بس اللى يفرق مابينا انى معملتش حادثه وليا جد ربنا يخليهولى. افكارى فضلت تدور وتدور، وعينى تايهه جوه عينيه، أنا أول مرة اركز فى حد كده !! فوقت على صوت جدى وهو بيقول. "تعالى ياحنين، سلمي على نبيل اللى بعتبره حفيدى التانى" " احمممم، ازيك يا استاذ نبيل" "ازيك يا انسه حنين" جدى " قوليله ياباش مهندس بقى بدل استاذ دى" ابتسمت وسألته " هو حضرتك مهندس" كان باصص للا شئ وهو بيرد على سؤالى " ايوا بس متاخديش مقلب فيا، يادوب دراسه بس وممارستش المهنه" " ليه، مش بتحب دراستك ولا ايه؟" ملامح وشه اتبدلت من الابتسامه للانزعاج، كإنه
- Writer
