عشقت تلميذتي

الفصل ٣٣

قصة فتى المزرعة ١

الفصل الأول

عارفين الأحلام الحلوة اللى بنزعل أوى لما نصحى منها ونكتشف ان كل سعادتنا دى كانت فى مجرد حلم !

أهو ده بالظبط اللى حصل معايا، يوم ماشوفته، بيتمشى وهو مبتسم وبيتكلم فى موبايله.

توقعت ان من حقه يبتسم لإننا فى منظر جمالي رائع، وهو مزرعة جدى مزرعة مساحتها كبيرة جدآ، منسقه بأشجار وزرع من خضار وفاكهه، مجرد ماعينيك تقع عليها تسبح ربنا من الجمال اللى عقلك مش قادر يتصور انه موجود على الأرض، المكان اللى اتقابلنا فيه تحديدآ كان مخصص للورد، جدى مكانش بيزرع اى ورد، كان بيزرع أنواع مش فالعادى بنشوفها، ألوانها آيه فى الجمال وفى تنسيقها تحسها بوكيه ورد كبيييير.

كنت بكتشف الأماكن دى فى المزرعه لأول مرة، لإنى لسه واصله هنا من يومين بس ومكنتش باجى من أيام الطفوله.

لما شوفته بيبتسم ابتسمت زيه وتلقائيآ عينى رجعت تتأمل فى الورد والشجر، بس فجأة خدت بالى انى معرفش الشخص اللى ماشي