الفصل ٣١
قصة مجروح أنا الفصل الأول مش عارف انساها، مش هقولكم محاولتش انا حاولت بجنون، انا كنت بطحن نفسي فى الشغل 24 ساعه عشان مفكرش فيها، كنت يوم الاجازه اول مافتح عينى بخرج اروح لأصحابى واقضى معاهم اليوم كله مارجعش غير عالنوم واتعمد ارجع مهدود عشان ادخل فالنوم على طول، او اروح ازور اخواتى والعب طول الوقت مع ولادهم عشان ماسيبش لحظه لقلبى وعقلى انهم يفكروا فيها، اقولكم حاجه؟ مع كل ده وبرضو مكنتش بنساها، هتقولوا طب ازاى مانت بتشغل يومك ووقتك اهو، هقولكم ان الاحداث اللى حكيتهالكم دى كانت بتعرف برضو تسرق فيها لحظات لنفسها، تعالوا نراجع الاحداث من تانى. لما بصحى من النوم وافتح عينى كانت اول حاجه بشوفها صورتها، ابتسامتها ايام ما كنا سوا، لما بقوم اتوضى واصلى كنت بفتكرها لما كانت فى مره بتعرفنى غلطه كنت بعملها فى الوضوء، لما بخلص وبقعد على الفطار كنت بفتكر بتحب تفطر ايه وقد ايه ماكانتش بتحب الجبنه ب
- Writer
