Titig na titig si Dwien sa pictures na nagkalat online. Mata sa mata kasi ang tinginan nina Simon at Ze. Kita kung gaano nila kamahal ang isa't isa habang yakap ng dating mayor ng Ildefonso ang babaeng pinakamamahal niya. Halos mabasag ang hawak n'yang celphone sa higpit ng hawak n'ya rito at maging sa diin ng pagpindot n'ya sa screen nito.
Nakita ni Mamang Jessa ang reaksyon ni Dwien. Nilapitan niya ang anak-anakan at kinumusta ito. Marahas na tumayo ang binata at hindi nagkuwento. Humingi lamang ito ng paumanhin sa mamang niya bago umakyat sa silid n'ya.
Ilang beses niyang ibinagsak ang mouse ng computer. Hindi siya makapag-isip habang tumitipa siya para sa script ng pelikulang gagawin ng dalawang sikat na loveteam ng bansa. Muli siyang tumayo at saka kinuha ang kaniyang cellphone. N
