Ilang putok ng baril ang gumulantang sa buong Barangay San Diego. Ang mga tao ay kaniya-kaniyang tago sa loob ng bahay nila sa pag-aakala na may mga rebeldeng nakarating sa kanilang lugar.
Sina Nanang Joan at Nanang Clara ay napaantada dahil batid nilang nanggaling sa bahay ni Mamang Jessa ang putok. Nag-alala sila para sa kalagayan ni Ze na naroon.
"Kasalanan mo ito!" paninisi ni Nanang Joan kay Nanang Clara. "Kung sana hindi mo ako inakit-akit na sumugod doon ay baka hindi tayo iniwan ni Zeikera."
"Ang sabihin mo, sadyang malandi ang pamangkin natin na iyon. Sa dami ba naman ng matitinong lalaki sa buong bayan natin ay sa bakla pa siya nakipagrelasyon."
"Gano'n ka rin naman. Sa dami ng mga lalaki sa lugar natin, sa bakla ka rin nakipagrelasyon," sagot ni Nanang Joan.
"Hindi ko gi
