Tinupad ni Grey ang pangako nitong tulungan akong makahanap ng part time job. Sa isang kilalang coffee shop iyon. Nagduda pa nga ako kung may kinalaman pa siya kung bakit ako natanggap agad. Dahil di na ako dumaan pa sa interview. Pagpasa ko ng resume ay sinabihan ako na pwede na agad akong mag-umpisa. Ngunit pinagkibit balikat ko na lamang ang nasa isip.
Nahirapan man ako noong una ay nagamay ko din kung paano ang pagsabayin ang pag-aaral at pagtatrabaho. Nag-aaral sa umaga. Magtatrabaho naman sa gabi. Minsan sumusuko na ako sa sobrang pagod. Lalo na pagsunod-sunod Ang projects at assignment. Umaabot pa sa pinto na naiiyak na lang ako sa sobrang pagod at stress. Mabuti na lamang at nandiyan si Grey. Alam kong busy rin ito sa trabaho pero sinisiguro niya na lagi siyang may oras sa akin. K
