HINDI napigilan ni Karenina ang emosyon. Sunud-sunod ng tumulo ang mga luha niya nang makita niya ang mga anak niya sa screen monitor at naririnig ang malalakas na heartbeats ng kambal.
"Congratulations, they are healthy," nakangiting sabi ni Dra. Velasco, habang inikot-ikot nito ang transducer sa ibabaw ng tiyan niya.
"Thank God," maluha-luhang sambit naman ni Mama Margareth.
Bakas sa mukha nito ang sobrang saya habang nakatutok ang mga mata sa screen monitor.
"By the way, gusto niyo na bang malaman ang gender ng kambal?" tanong ni Dra. Velasco na ikinakurap niya.
Napatingin siya sa kanyang pamilya na nakatingin na pala sa kanya. Bakas sa mga mukha ng mga ito ang sobrang excitement at ang kagustuhan din na malaman ang kasarian ng mga anak niya.
Napatingin siya ulit kay Dra. Velasco
