"YOU try to tikim on this Senyorita. It taste so sobrang masarap."
Mahigpit kong pinulupot ang tali ng robe sa katawan ko dahil sa biglaang pagsulpot ni Amos at Perry dito sa may pool. Alas dyes na ng gabi at tahimik na ang buong mansyon nang maisipan kong magpahangin sa labas. Ilang araw na rin kasi akong nagkukulong sa kwarto lang at hindi sila kinakausap.
Naisipan kong maligo pero nang matanaw ang dalawa na parating ay agad akong umahon.
"C'mon Senyorita, you tikim na this. I did luto this for you."
Sinamaan ko ng tingin ang pagkaing inihain ni Amos sa mesa. Naupo ako sa lounger at hindi iyon pinansin. Piniga ko ang buhok ko saka bumuga ng hangin.
Akala ata nila ay biro lang ang lahat ng ito. Akala nila ay natutuwa ako sa ginagawa nilang pagsisilbi sa 'kin. Ilang araw na rin sila
