TINANGGAL ni Yssabelle ang suot na apron nang matapos siyang maghugas ng pingan. Kakatapos lang kasing kumain ni Trent ng breakfast at hinugasan niya ang mga pinagkainan nito. Mamaya naman siya kakain ng breakfast kapag nakaalis na ito papasok sa trabaho. Hindi kasi siya sumasabay kapag kakain ito. At saka hindi naman siya nito niyayaya na sabayan ito.
Pagkatapos niyon ay lumabas si Yssabelle ng kusina na kinaroroonan at nagpatuloy siya sa paghakbang patungo sa kwarto ni Trent. Bumuntong-hininga muna siya bago kumatok ng tatlong beses para ipaalam ang presensiya dito. Pinihit naman na niya ang seradura ng pinto at saka niya iyon binuksan. Sumilip muna siya sa loob para tingnan ito pero no'ng hindi niya ito makita sa loob ay tuluyan na siyang pumasok sa kwarto nito.
Napatuon naman ang t
