PAGKATAPOS mag-half bath ni Yssabelle at pagkatapos niyang magbihis ay lumabas na siya ng banyo.
Napatingin naman siya sa bakanteng kama ni Trent. Saglit siya doon na nakatingin hanggang sa ilipat niya ang tingin sa alarm clock na nakapatong sa ibabaw ng bedside table. It's nine pm in the evening. Hindi pa ito pumapasok ng kwarto, mukhang busy ito sa library. Nakita kasi niya ang lalaki na pumasok sa library nito ng umakyat siya patungo sa kwartong pansamantalang tinutuluyan niya. Pansamantala dahil alam naman niyang kapag wala na doon ang Lola Mary nito ay babalik na siya sa quarter. Babalik na din siya sa trabaho niya bilang katulong nito. Medyo mabait lang sa kanya si Trent dahil sa Lola Mary nito at alam din niyang babalik na ito sa dati once na bumalik na sa ibang bansa ang Lola nito
