Gisselle
Marahan akong pumihit parahap sa kabuuan ng kuwarto nito. Napansin kong sarado ang bintana nito at mainit sa loob.
Mukhang nakalimutan nitong buksan iyon dahil sa pagmamadali na makausap ang pamilya. Nilapitan ko iyon at saka marahang binuksan, nang sa gayon ay pumasok naman ang hangin.
Pansin kong kulay asul halos ang gamit niya rito, pati nga ang pintura ng kuwarto niya ay kulay asul na tila pang-pulis talaga. Nang dumapo ang tingin ko sa kama nito ay maliit lamang iyon at iisang tao lamang ang kasya.
Doon ay naupo ako at saka inilibot pa ang tingin sa kabuuan ng kuwarto niya.
Tamang-tama lamang ang laki niyon. Nakaka-aliw ang kuwarto ni Dark dahil may mga naka-display pa rito na maliit na sundalong may baril. Mayroon pa akong nakitang laruan na pulis na medyo may kalak
