Kirsten
“Ma, magpalit na kayo ni Grace ng damit para mamaya ay makapag-swimming na kayo. At ikaw naman, Grace, mamaya ay huwag kang masiyadong magpapagod. Huwag kayong pupunta sa malalim na parte at talagang malilintikan kayo sa akin,” rinig kong pangaral ni Dark sa pamilya niya.
Tumayo na ang dalawa.
“Opo, Kuya,” nakangiting ani Grace at agad na kinalkal ang bag na dala. Tila kanina pa ito naghihintay ng go signal sa kuya niya. Ang ginang naman ay tahimik lamang. Agad din silang nagtungo sa kung saan nang makakuha ng pamalit.
Palihim tuloy akong napangiti habang napapailing.
Ako man ay nais ko na ring magtampisaw sa swimming pool ngunit batid kong sobrang lamig pa niyon dahil hindi pa gaanong sumisikat ang araw.
Ngayon pa lamang ay naiinggit na agad ako sa mga taong naririto na
