"Anong oras na? Hindi pa rin ba nalabas sina Max at Xendy?" bungad ni Pier kay Jarred. Kanina pa nakaabang ang mga ito sa dalawa. Imposible naman na hanggang ngayon ay tulog pa ang mga ito.
"Hindi pa nga eh." pa-iling na sagot ni Jarred. Kumunot ang noo ni Pier sa sagot nito sa kanya.
"Nangyari na. Hindi ko alam kung paano nangyari pero sa nakita ko na wala na sila sa bahay na iyan. Tara." bakas ang pag-aalala sa mukha ni Pier. Inaya niya ang mga ito na puntahan ang bahay ni Max.
Agad naman silang nagsipuntahan sa bahay nito. At nang makalapit dito ay kumpirmadong wala na ngang tao sa loob ng bahay. Halos magdamag na nga silang nagbantay at walang nalingat sa kanilang lahat. Hindi na sila natulog para bantayan si Xendy at Max.
At kung may inaantok man ay nagsasalitan sila nang pagbaban
