Natataranta na ako pero hindi ko naman alam kung ano ang gagawin ko ngayon. Ni hindi ko nga alam kung saan nakatira itong si Ethan. Ayaw naman niya na magpadala sa ospital. Kaya ano naman ang gagawin ko sa kaniya?
“Ang bigat mo. Hindi kita kayang buhatin papunta sa sasakyan mo. Tsaka hindi rin ako marunong pa masiyado na magmaneho. Baka mas lalo lang madagdagan ang sakit mo,” sagot ko naman sa kaniya.
Namumutla na siya ng sobra ngayon. Mas lalo rin na umiinit siya. Inalalayan ko naman siyang tumayo nang subukan niya. Ang pungay ng mga mata niya.
“I c-can walk… Let’s g-go… t-to your house,” sagot pa niya sa akin.
Ano naman ang gusto niyang gawin ko sa kaniya sa condo unit ko? Ni hindi ko nga alam kung paano alagaan ang sarili ko, siya pa kaya? Hindi ko alam kung paano mag-alaga ng tao
