Kahit na hindi sabihin at ipahalata ni Mama na apektado siya sa biglaang pagpunta dito ni Tita Salve ay alam kong inisip niya ‘yon buong magdamag dahil kinabukasan ay mukhang kulang na kulang siya sa tulog.
Imbes tuloy na bumalik ako sa hotel noong Linggo ay ipinagpaliban ko ang pagbalik dahil nag-aalala ako kay Mama. Mabigat sa pakiramdam ang maliitin ng ibang tao pero higit na mas mabigat sa pakiramdam ay iyong mismong kadugo mo ang mangmamaliit sa’yo.
Madaling araw ng Lunes ako bumalik sa hotel para magbihis lang at pumasok na sa trabaho. Wala pa si Architect Sven nang makarating ako sa opisina. Sobrang aga pa kasi pero kahit na maaga akong pumasok ay parang naubos lang ang oras ko sa pagtulala dahil sa sobrang daming pumapasok sa isip ko.
Isa na nga doon ay si Jace. Hindi ako nag te
