JAKE MARTIN O'HARA
Pupuntahan ko sana si Gino sa bahay niya para patikimin ng upper cut sa sikmura dahil sa huli niyang sinabi sa 'kin. Tawagin ba naman akong unggoy?
Pero naisip ko mas kailangan kong pumunta sa company para ituloy ang trabahong iniwan ko kanina dahil sa pagpunta ko sa event na sinasabi ni Angel. Mamayang gabi ko na lang siya pupuntahan sa bar niya para tanungin din kung saan niya nakita si Phoenix.
Naglalakad na 'ko papasok sa entrance ng malaki at matayog naming company building na may malaking pangalan sa itaas—O'Hara International Company—pero napahinto ako nang matanaw ang katabing coffee shop nito na dalawang palapag.
May malaking truck sa harap no'n at may ilang taong naghahakot ng mga gamit palabas. Pansin na pansin 'yon dahil halos katabi lang ng building nam
