PAGPASOK ni Valeen sa kanyang kwarto ay agad niyang ibinagsak ang katawan sa kanyang kama. Pagkatapos niyon ay tumitig siya sa puting kisame. Ilang segundo din siyang nanatili sa ganoong posisyon hanggang sa mapapikit siya ng mga mata.
Wala namang masyadong ginawa si Valeen sa Unibersidad nila pero pakiramdam niya ay nauubusan siya ng lakas. Nagpakawala naman siya ng malalim na buntong-hininga. Mayamaya ay nagmulat siya ng mga mata ng makarinig siya ng mahinang katok mula sa labas ng pinto ng kwarto niya. Bumangon naman siya mula sa pagkakahiga niya sa kama. At saktong pagbangon niya ay ang pagbukas ng pinto ng kwarto niya at iniluwa niyon ang Lola Susana niya.
"Bakit po, Lola?" magalang na tanong niya ng magtama ang mga mata nila.
"May problema ba ulit sa cellphone mo?" tanong ng Lo
