"DO you know her?"
Kinagat ni Valeen ang ibabang labi ng marinig niya ang bulungan na iyon habang naglalakad siya paalis sa Gym.
"No. I don't know her," sagot naman ng isa.
"Bakit siya kinakawayan ni Red?"
Hindi na narinig ni Valeen ang naging sagot sa huling tanong na iyon ng babae dahil binilisan na niya ang paglalakad. Halos hindi na din nga niya tinitingnan ang dinadaanan niya dahil nakayuko lang siya habang naglalakad kaya hindi niya napansin na pader na pala ang makakasalubong niya. Nauntog tuloy siya do'n.
"Ouch!"
"Valeen!" mayamaya ay narinig iyang sigaw ng pamilyar na boses.
Hawak ang nasaktan na noo ng lumingon siya sa kanyang likod. At nakita niya si Red na humahangos palapit sa kanya.
"A-ano ang ginagawa mo dito?" tanong niya kay Red ng tuluyan itong nakalapit,
