PINAGDIKIT ni Valeen ang labi habang nakatingin siya kay Abby na nasa harap niya sa sandaling iyon. Hindi niya inaasahan na nasa likod niya ito habang nag-oorder sila ni Red ng makakain nilang dalawa.
Alam ni Valeen na maganda ito pero mas maganda pala ito sa malapitan. Ang kinis-kinis ng mukha nito. Para itong artista, no wonder, isa ito sa mga campus babe sa Unibersidad nila dahil sa angking ganda nito. Hindi lang iyon, maganda din ang pangangatawan nito.
Napansin din ni Valeen na nakatitig ito kay Red sa sandaling iyon. At nang balingan niya si Red sa kanyang tabi ay nakita niyang nakatingin din ito kay Abby pero wala siyang makitang kahit na anong emosyon sa mukha nito sa sandaling iyon. He is expressionless. At hindi naman niya alam kung ano ang iniisip nito sa sandaling iyon.
K
