“Great job, Rome!”
Nakangiti si Mrs. Melendrez nang iabot ni Romina ang ilang pahina ng documents na pinagawa nito kanina. Updated work profile ng lahat ng empleyado ng DC. Old school si Mrs. Melendrez. Kahit may naka-save ng files sa system, humihingi pa rin ito hard copy na personal nitong itinatago sa drawer bukod pa sa kopya na nakalaan para sa mismong opisina ng HR.
“I couldn’t thank you enough, Rome.”
Nakiki-Rome na rin ang ginang sa kanya katulad ng mga officemates niya. Nagaya ng mga ito ang tawag ni Angie. Halos araw-araw din kasi siyang pinupuntahan ng kaibigan sa HR. Dito siya nalipat. Masasabi niyang mas naging makabuluhan ang buhay niya rito. Mabait ang majority ng mga kasama at mas lalong kagiliw-giliw ang direct boss.
“Walang anuman po, Ma’am.”
Kuntentong pinasadahan ni
