Parang de ja vu lang. Sa pangalawang pagkakataon, nawalan siya ng malay tao at nagising na sa isang hindi pamilyar na lugar. May naririnig siyang mga ingay at kaluskos sa paligid. Sa pagbukas niya ng mga mata, sumalubong sa kanya ang tila tumatakbong paligid. Mas lalong lumiyo ang pakiramdam niya kaya napapikit siyang muli.
“Hey.”
Nanghihina ang pakiramdam na ipiniling niya ang mga mata at sinundan ang pamilyar na boses. Si Sir Leandro ang katabi niya at kasalukuyang nagmamaneho ng sinasakyan nila. ‘Kasama ko siya? Totoong siya ang nakita ko kanina bago ako nawalan ng malay?’
Totoo nga na nasa tabi niya ito ngayon. Katunayan ay ramdam niya ang palad nito na pansamantalang lumapat sa likod ng kamay niya na nakapatong sa kanyang hita. Parang bumalik ang lahat sa kanya. Sa mga bisig siy
