Unang araw na pumasok si Romina sa trabaho simula nang mangyari ang sunog. Unang araw din na bagong rota ang tinatahak niya. Papasikat pa lang ang araw nang umalis siya sa pamamahay ni Sir Leandro. Napakisuyuan niya si Aling Judith na ikuha siya ng taxi. Tulog pa rin kasi si Sir Leandro. Ayon kay Aling Judith, ilang bote ng beer ang inubos nito kagabi. Malamang, may hang-over pa ito. Isa pa, hindi niya kabisado ang pasikot-sikot ng daan, safe na rin ang mag-taxi.
Habang nakasandal sa bintana ng taxi at inaaliw sana ang mga mata sa pagtitig sa nagtataasang puno sa magkabilang gilid ng daan, lihim niyang kinukwenta sa sa isip ang maaaring gagastusin nya sa pag-commute mula Batasan patungong DC at vice versa. Hindi rin naman pwedeng ihahatid-sundo siya ni Sir Leandro sa araw-araw. Magtataka
