Saving My Heart

Samantha Reyzorga's POV Naglalakad ako papasok sa mansyon nang makita ko si Mirko hihihi kinikilig ako ang guwapo niya talaga. Hinding - hindi ako magsasawang makita siya. "Hi pogi!" nakangiti at kumakaway na bati ko sa kanya pero hindi niya ako pinansin pero okay lang sanay naman na ako. Ganyan naman 'yan napakasungit. Nakita ko s'yang papunta sa opisina ng lola ko sa tuhod(nanay ng lola ko) kaya naman sinundan ko siya hihi! Pero hindi siya pumasok sa loob ng opisina ng lola ko kaya naman nagtaka ako kaya naglakad ako at akmang papasok sa loob ng marinig kong may kausap si lola. "Masyado nang pakialamero 'yang si Greg," sabi ni lola. Nanginginig ako tumago sa gilid para makinig. Ang Greg na tinutukoy ni lola ay ang daddy ko. "Ma, alam mo na ang dapat gawin dun hahaha." Nakilala ko ang boses ng lalaki at iyon ang isa sa anak ng lola ko sa tuhod si lolo Ralph. "Oo sige ipapaligpit ko si Greg," sabi ng lola ko. Nanginginig kong kinuha ang cellphone ko para irecord ang pag uusap nila nang may humawak sa kamay at dali-dali akong hinila papunta sa likod ng mansyon. "P-papatayin mo ba ako?" nauutal na tanong ko kay Mirko. Seryoso siyang nakatingin sa'kin at maya maya ay may kinuha siyang flash drive sa bulsa niya at iniabot iyon sa'kin. "Yan ang gamitin mong ebidensya nandyan na lahat ng kasamaang ginagawa nila wag mo na ulit susubukang irecord o ivideo sila kung ayaw mong mapahamak," tuloy tuloy na sabi niya bago ako iniwang nakatulala. Nang matauhan ako ay agad akong tumakbo papasok ng mansyon at nagtungo sa aking silid. "Ano kayang laman nito? " Agad kong sinaksak sa laptop ko ang flash drive at tinignan ang mga laman nito. Nanlaki ang mata ko habang tinitignan ang mga larawan ng lola ko sa tuhod na si lola Rita kasama si lolo Ralph na may mga pinatay at illegal na transaksyon. Bukod sa larawan ay may mga video din itong kasama. Halos hindi ako nakatulog dahil sa mga natuklasan ko kaya naman tinanghali ako ng gising kinabukasan pero kahit ganoon inabutan ko pa rin si lola Rita sa hapagkainan. "Good morning apo," nakangiting bati niya. Nakakainis ang plastik ng matandang ito. "Good morning po lola," sagot ko naman. Ngumiti pa rin ako kahit sobrang pilit lang. Halos hindi ako makahinga na kasamang kumain si lola Rita mabuti na lang at agad siyang umalis dahil may trabaho pa siya. Hindi ko alam kung bakit nakakagawa siya ng masasamang bagay. Mabuti na lamang hindi ako nagmana sa kan'ya. Ang matanda ng hukluban na 'yon, plastik akala mo mabait, maitim naman pala ang budhi. Nagulat naman ako ng may ipatong na relo sa lamesa si Mirko. Ano naman kayang nakain ng isang ito at may binibigay sa akin? Pero kahit na kinikilig pa rin ako basta lumapit siya sa akin. "Isuot mo yan wag na wag mong tatanggalin," utos niya. Napatingin lang ako sa kan'ya habang siya naman ay tumalikod na at naglakad kasunod ng aking lola Rita.