Title: Marry Me, Carlos Miguel
Genre: Romcom
Written by: Miss_Choi
Mabilis na dumaan ang araw. Kinabukasan ay maagang nagluto ng almusal si Manang upang makakain muna ang dalaga bago umalis.
Pagkagising ng dalaga ay nakita nito ang Ginang na nakahain na ng pagkain sa hapagkainan.
"Gising ka na pala, halikana at sabayan na kitang kumain. Alam ko aalis ka ng maaga ngayon. Sakto ang gising mo katatapos ko lang magluto," wika ni Manang nang makita nito ang dalaga.
"Nag-abala pa po kayo," nahihiyang wika ng dalaga at lumapit ito sa hapagkainan.
"Ano ka ba? Para na kitang, Anak. Saka ito lang ang maitutulong ko para sa 'yo," saad muli ng Ginang.
"Si Manang talaga," saad ng dalaga at napayakap ito sa Ginang.
"Marami pong salamat," pahabol na wika nito habang nakayakap.
"Walang anuman,
