chapter 58
Kris POV
Nasa labas kami ng bahay ni Mr. Alcantara. Hindi ko alam kung paano siya napunta rito sa probinsya namin. Ang dami kong tanong sa araw na ito. Tulad na lang ng kung paano sila nagkita ni Evan. Akala ko pa naman si Mama ang masosorpresa sa pagdating namin ni Evan pero ako pala. Sinong mag-aakalang ang taong matagal na niyang hinahanap ay ang kinalakihan kong magulang. Imbis na maging masaya ako ay nalungkot ako bigla. Kung siya nga talaga ang tunay na ina ni Evan ibig ba sabihin nito ay magkapatid kami? Bumuntong hininga ako. Hindi ko alam ang gagawin ko kung napatunayang mag-nanay nga talaga sila. Baka mawalan na talaga ako ng pag-asang ipaglaban ang relasyon namin.
Hinintay namin ang paglabas nilang dalawa. Ilang oras din siguro kaming naroon.
"A-alam niyo po ba a
