KAGAYA ng nakagawian, naghanda ng isang masaganang salu-salo ang mga kababaihan sa hacienda bilang pasasalamat sa masaganang ani ng mangga ngayong taon.
Masaya si Luke sa nakikitang saya sa mukha ng mga tagaroon.
Nang mga panahong pabagsak na ang hacienda ay marami rin sa mga nakatira doon ang umalis dahil sa pahirap nang pahirap ang ani. Ang iba ay natakot din na baka tuluyan nang bumagsak ang hacienda at mawalan ng makakain. Pero hindi hinayaan ng binata na mangyari iyon. Pinilit niyang itaguyod ang Hacienda Salvador.
Isa sa nagpalakas ng loob ni Luke ang mga taong nanatili sa tabi niya ng mga panahong tagilid na ang negosyo ng pamilya. And now they are happy and blessed. Hindi sila nagkamali na manatili sa kanya. Ang iba naman na tagaroon na umalis ay nagsibalikan na rin nang maki
