HATINGGABI, muling ginambala si Amanda ng isang masamang panaginip at hindi na iyon healthy para sa kanya.
Bumangon siya mula sa kama at pinahid ang nagbubutil na pawis mula sa kanyang noo. Nilingon niya ang tubig na nakahanda sa ibabaw ng kanyang night table at kumuha ng maiinom doon.
Ang panunuyot ng kanyang lalamunan na gabi-gabi namang nangyayari sa kanya ay bahagyang napawi nang matapos uminom ng malamig na tubig.
Alam naman niyang wala nang maaaring manakit sa kanya ngunit sa tuwing binabangungot siya ay parang totoong nangyari nga iyon. Na para bang palagi ay totoong nabaril nga siya. Kung minsan naman ay makikita niya sa panaginip na matindi ang pagdudugo at kalaunan ay mawawala rin ang bata sa kanyang sinapupunan. Ilang gabi na nga ba siyang ganoʼn?
Nagsimula iyon nang makal
