“A-ANOʼNG ibig mong sabihin?” tanong ni Amanda sa tiyahin.
Dumukot muna ang babae sa hawak nitong pouch at naglabas ng isang stick ng sigarilyo na mabilis ding sinindihan.
Humithit ito sa sigarilyong hawak at marahang ibinuga sa ere ang usok. Hindi niya akalain na isa sa mga ugali rin ng tiyahin ang paninigarilyo. Talagang nabulag siya sa anyong ipinakita sa kanila ni Elaine sa mahabang panahon.
“Mga bata pa lamang kami ni Sebastian, alam ko nang hindi siya kagaya ng mga normal na lalaki. Noon pa man ay halata ko nang may kakaiba sa kanya at tumibay ang hinala ko sa paglipas ng mga panahong nakakasama ko siya. Kung ang mga magulang ni Sebastian ay naloko niya sa pamamagitan ng pagkakaroon ng pamilya kay Ysabelle, akoʼy hindi. I know, the skeleton that heʼs hiding inside his closet so
