"BAKIT naman ngayon pa, Kuya Moi?" malungkot na tanong ni Regine pagkatapos ng maikling paliwanag ni Kuya Moi na hindi na ito puwedeng maging service niya dahil mag-iiba na raw ito ng route. "Kung kailan naman kailangan ko ng trusted driver, saka mo pa ako aayawan."
Nag-text sa kanya si Kuya Moi para ipaalam ang masamang balitang iyon kaya tinawagan agad niya ang driver para malinawan siya.
"Paborito kitang pasahero, Rej. Hindi kita aayawan, alam mo 'yan. Pero kailangan lang talaga. Sorry, ha?"
"Hindi na magbabago ang isip mo, Kuya Moi?"
"Sorry," malungkot na sabi nito. "Hindi naman ako magpapalit ng number. Puwede mo pa rin akong tawagan kapag emergency. Sisikapin kong mapuntahan ka kahit nasa Batanes ako."
Natawa siya sa biro nito. "May magagawa pa ba ako? Hay, mami-miss kita, Kuya
