NATALIA
Kinabukasan ay nagtungo ako sa bahay ng kapatid ko. Bago ako umalis ng bansa ay kasal na siya at si Ate Klaire, may anak na rin silang magdadalawang taon noon. Last night daw kasi ay sa bahay sila nag-dinner kaso ako naman ang wala dahil nga nasa mansion ako ng mga Haxell at nang makarating ako ng bahay ay kaalis lang nila.
May sasakyan naman na ako kaya hindi na ako mahihirapan pang pumunta kahit saan. Dumaan muna ako sa mall para bumili ng pasalubong kay Jaydon. Nang tanungin ko kanina si Noreen kung ano ang kinahihiligan ng pamangkin naming, sabi niya ay dinosaur daw. Mahilig daw ito sa mga dinosaur na laruan.
Pumasok ako sa Toy store para maghanap ng regalo na pwede kong ibigay kay Jaydon. Umikot-ikot ako sa lugar hanggang sa mapangiti ako nang makita ko ang isang malaking s
