NAGING abala si Jin sa pag-aaral ng underground businesses ng Dark Eagle Organization. At aaminin niyang hindi madali pag-aralan ang negosyong pinasok na iyon ng kaniyang ama pero kung para doon siya pinalaki ay nakahanda naman siyang gawin ang lahat para matutunan iyon.
Kahit naman hindi siya lumaking malapit sa kaniyang ama ay hindi nawawala sa isip niya na ito pa rin ang taong nagbigay ng lahat ng pangangailangan niya at hindi naman nakalimutan ni David na ipaalala sa kaniya na mayroon siyang malaking misyon na haharapin. At kung ito nga iyon ay matagal na niyang inilinya ang utak niya roon.
“Young Master, may ipinapaabot po sa inyo ang Papa niyo,” pukaw ni David sa atensyon niya, binabasa kasi niya ang journal na binigay sa kaniya ng kaniyang ama at nandoon siya sa loob ng tagong lu
