“ALAM mo napakamartyr mo naman, Elyse!” naiinis na sigaw sa kaniya ni Philie. Ito lang nag nakakaalam ng lahat ng nararamdaman niya para kay Ezra.
Kababata rin nila ito pero hindi ito naging malapit sa binata at kahit bakla ito ay hindi ito naging malapit kay Ezra dahil alam nitong nasasaktan siya sa mga ginagawa ng binata. Lalo na nang magkaroon ng ibang kasintahan si Ezra.
“Eh, anong gusto mong sabihin ko? Ayaw ko, gano’n? Sa tingin mo makakatanggi ako sa kaniya superior ko siya,” usal naman niya saka kumuha ng sitsiryang nasa harapan nila. Nasa balkonahe kasi sila ng bahay nila, doon sila nakatambay habang nakatingin sa madilim na kalangitan at magulong kalsada.
“Superior? Nagpapatawa ka ba, Elyse? Alam mong hindi na ‘yan sakop ng duty ninyong dalawa! Ang sabihin mo kasi talagang tan
