Narinig ni Noraine ang pagtawa ng lalaking katabi niya.
“Hindi ko napansin ‘yong oras, okay-okay, uuwi na ako.” Tumayo na si Ron kaya tiningnan niya ang lalaki. Nakatingin din pala ito sa kaniya habang nakangiti. “Ang sarap mo palang kausap, babalik ulit ako rito, magk’wentuhan ulit tayo,” nakangiting wika nito sa kaniya at kusa na lang napangiti si Noraine sa sinabi ng lalaki.
“Sige,” maikling sagot ni Noraine. “Mag-iingat ka sa pag-uwi, ha?” Tumayo na rin ang dalaga upang ihatid sa pinto si Ron.
“Yes, hindi naman kami uminom ni Andrei.” Sinulyapan nito ang kaibigan na ngayon ay masama na ang tingin sa kanila kaya natatakang tiningnan ni Noraine ang lalaki.
May nagawa na naman ba siyang mali?
Nagulat siya nang bigla na lang siyang akbayan ni Ron.
“Napakabait naman pala ng step-mothe
