“GOOD MORNING, ANDREI.” bati agad sa kanya ng secretary niya.
Nag-angat ng tingin si Andrei kay Mrs. Amy na kapapasok lang sa private room ng kaniyang ama.
“Mrs. Amy…” mahinang tawag ni Andrei sa ginang pero agad din naman siyang nagbaba ng tingin dahil parang gusto na niyang matulog pero hindi niya magawa. Walang papalit sa kaniya sa pagbabantay sa kaniyang ama. Ni hindi na rin siya nakapasok sa opisina kaya tinawagan na lang niya si Mrs. Amy.
“Magandang araw rin, Mr. Edwards,” rinig niyang bati sa kaniyang ama na hanggang ngayon ay walang senyales na magigising na. “Kumusta na ang kalagayan niya, hijo?” tanong ni Mrs. Amy sa kaniya.
Bahagya lang na tumango si Andrei bago sumandal sa inuupuan na sofa.
Sinulyapan niya ang ama. Sunod niyang tiningnan ang matandang babae na nakaupo sa t
