"Pambihira! Iisa na nga lang ang kalaban, natakasan pa kayo, mga ungas!" Hindi napigilang magalit ni Renato sa kaniyang mga tauhan. Pakiramdam niya'y nagkamali siya ng desisyong ipagkatiwala sa mga ito ang misyon kanina.
Samantala'y agad naman humupa ang galit niya nang malaman pa niya ang isang balita. "Boss, nakita na po namin sina Madam Tamara at Yvo, at magkasama silang dalawa kanina," pagbigay impormasyon ni Billy.
"Kung ganoon ay bakit sila magkasama at nasaan sila?"
"Nasa silid po si Yvo at nagpapahinga habang si Madam Tamara naman ay nagawa nang ihatid pauwi ni Madam Karadine," tanging sagot ni Billy gayong pinakiusapan ito ni Renzo na 'wag mababanggit sa amo ang kalokohang ginawa nina Tamara at Yvo dahil siguradong malalagot nito si Yvo.
"Ano bang nangyari?" tanong niyang m
