“I heard nag-aaral ka ngayon?”
Nasa gilid umupo sina Noah at Daniel sa loob ng fast food. Medyo malapit ito sa kitchen at hindi masyadong mapapansin ng mga customers. Niyaya niya dito ang ama ni Salem. Kabado pa rin si Noah, pero hindi tulad kanina na sobra ang kaba.
“Opo.”
“So, you love my daughter?”
Ito nga ang hinihintay ni Noah, ang pag-usapan sa kanila ni Salem.
“Yes, Sir. Sana mabigyan niyo po ako ng permiso para i-pursue ang anak ninyo. Malinis po ang intensyon ko sa kanya,” sagot niya. Ayaw n’yang bumitaw, ayaw niya dahil mahal niya ito. Nilalaban din siya ni Salem at ilalaban niya rin ito. Maswerte sila dahil pareho nilang nilalaban ang isa’t-isa.
Tumaas ang kilay ni Daniel at tinitigan si Noah. Desente naman itong tingnan at may itsura. Nakita niya na ang litrato nito a
