Imaculate's POV:
"Hoy, palabasin niyo ako rito! Anong nangyayari!?" sigaw ko at kabadong kinalampag ang salamin.
Naalerto naman sila kaya napatingin sa gawi ko si Cypher. Lumapit naman siya sa kinalalagyan ko. Nag-aalala ang mga tinging ipinupukol niya sa akin.
Hinawakan niya ang salamin at tumango. Hindi ko siya marinig pero naintindihan ko ang buka ng kaniyang bibig. Sinabi niyang, 'Magiging maayos lang ang lahat,' kaya nakampante na ako. Masyado lang siguro akong nabigla. Mabuti na lamang at nandito si Cypher.
Nakita ko rin si Croud na may isinusulat sa isang whiteboard. Isinulat niya roong 'kalma' kaya kumalma naman ako.
Unti-unting tumaas ang tubig kaya nagpigil ako ng hininga. Nang mapuno ng tubig ang kinalalagyan ko ay nanlabo na ang aking paningin. Paniguradong may koneksy
