الفصل الحادي عشر...

2045 Words

عدي يومين وانا بتحسن وزين مش بيسبني لحظه وفي يوم واحنا بنتف*ج علي التلفزيون شوفنا خبر موت مايا مقتولة زين اتصدم وقال: ازاي دا حصل وشقة مين دي مايا ملهاش حد هنا خالص ومين اللي ليه مصلحة يقتلها اكيد مفيش غيره سمير حاولت اهديه وقولت: اهدي يا زين دا نصيبها يا حبيبي والبوليس اكيد هيوصل للقاتل بلاش تعصب نفسك وبلاش تظلم حد رد وقالي: انتي متعرفيش حاجه يا دليله سمير دا مش سهل خالص وملهو عزيز اكيد حس بخطر من ناحيتها فقتلها انا بقيت عارفوا كويس قولتله: خير يا زين كله هيبان ان شاء الله متقلقش صحيح كنت عايزة اقولك حاجه انا حابه اروح لولدتك البيت يمكن اقدر اخليها تحبني او علي الاقل نكون صحاب انا وهي رد وقالي: ماشي يا حبييتي هكلمها وابلغها لان ماما خروجتها كتير اوي فلازم تبقي عارفه الاول وان شاء الله تقدري تاخدي قلبها زي ما عملتي في ابنها يا روح قلبي وفعلا فتح التلفون واتصل بيها كذا مره مكنتش بترد فاتصل بعمي وقاله: في اي يا بابا بتصل بماما كتير مش بترد عليا هي كويسه عايز اكلمها عمي مكنش عارف يقول لزين اي بس هو بقي لازم يعرف فقال: زين امك مش موجوده انا خلاص طلقتها بقالي كام يوم ومحبتش اقولك بسبب تعب دليله واللي حصل معاكم زين اتصدم واتعصب اوي وقال: انت بتقول اي طلقتها ازاي يعني هو انت بتكبر وبتخرف ولا اي انا امي فين انطق راحت فين وانت عارف ان ملهش حد غيرك متتكلم رد عليه وكان باين انه بيعيط وقال: امك خانتني يا زين اتقفشت في شقة د***ة كنت عايزني اعمل اي اخليها علي ذمتي بعد الفضيحة دي لا انا اسف انا استحملت منها كتير وجبت اخري خالص زين كان مصدوم من اللي سمعه وبسرعه رمي التلفون وخرج جري ركب عربيته ومشي وانا مكنتش قادرة الحقه وفضلت ادعيله يرجع بالسلامه ويعدي كل دا علي خير ندي دخلت علي عمي لما سمعت صوت زعيقه وقالت: في اي يا صابر صوتك عالي اوي اي اللي حصل اهدي بس عشان متتعبش تاني مصدقنا بقيت كويس شوية رد وقالها: زين يا ندي هو كان بيحبها اوي اكيد الموضوع صدمه بالنسباله مصدقنا خرج من الصدمه الاولي في حبيبته دلوقتي تيجي الصدمه التانية اكيد مش هيستحمل ندي عيطت وقالت: انا عارفه انها صعبة اوي بس زين قدها ان شاء الله هيرجع منها احسن من الاول بس انت خليك جانبه وكل حاجه هتبقي كويسه يا صابر متقلقش عمي فضل باصص ليها وراح قايم وقف جانبها وقالها: كفايه كدا يا ندي اظن زين من حقها يعرف كل حاجه هو مبقاش عيل صغير واكيد هيستوعب الموضوع بسهولة ندي عيطت اكتر وقالت: بلاش يا صابر ماظنش هيتقبل الموضوع دا وكمان دا الجرح لسه غي اوله ازاي هنحط عليه ملح مينفعش دلوقتي قالها: ملكيش دعوة انتي انا هتصرف المهم انتي تبقي جاهزة وعايزاك قوية مفهوم يلا امسحي دموعك دي وخلينا نكمل شغلنا شهد كانت نازلة تجيب طلبات من تحت وفجاه ظهرت عربية سودا ورشو عليها بنج وخ*فوها وصلت العربية مكان مهجور اوي واول ما وصات نزلوا شهد ودخلوها جوه وربطوها في كرسي بعد شوية فاقت شهد وفضلت تعيط وتزعق وتقول: انتوا يا ناس ياللي هنا انا مين جابني هنا عايزين مني اي حد يرد عليا يا بهايم ياللي بره والله انا لما اخرج هبهدلكوا انا عملتلكم اي ما حد يجي يكلمني فجاه دخل واحد وهو مخبي وشه وقعد قدامها وقال: في اي يا شهد عامله دوشه ليه بس اهدي انتي محدش هيقدر يقربلك خالص انتي يعتبر ضيفة هنا وانا مش هسمح لحد يلمس شعرة منك ابدا يا حبيبتي شهد اتعصبت وقالت: حبك برص انت مين يا جدع انت وعايز مني اي اوع تكون هتعمل زي الروايات وتطلع حد بيحبني وخ*فني عشان تتجوزني عافية او ليك مشاكل مع منير حبيبي وعايز تغتصبني وت**ر عينه الراجل فضل يضحك عليها وقالها: اي يا بنتي انتي عايشه في عالم الخيال اوي كدا ليه لا يا ستي انا ليا هدف تاني خالص من خ*فك هتعرفيه بعدين بس عايزاك طول ما انتي هنا مسمعش حسك خالص مفهوم شهد اتحولت وبقيت تعيط وتقول: حرام عليك انا فرحي كمان كام يوم وغير كدا امي مش هقدر اسيبها لوحدها دي هتروح فيها والنبي سبني امي ملهش غيري ومتعرفش تنام وانا بره الراجل قام وقف وقالها: لازم تتعود بقي انتي هتتجوزي وتسبيها اي مفكرتيش في كدا غير دلوقتي ولا حبيب القلب نساكي امك انا ماشي واياك تعملي دوشه انتي فاهمه وهو ماشي شهد فضلت تصرخ وتقول: حرام عليك متسبنيش هنا انا بخاف من الاماكن الضلمة والنبي بالله عليك تعال انا مش عايزة افضل لوحدي طب انت مين رد عليا بس لا حياة لمن تنادي سابها ومشي وهي فضلت تعيط لحد نامت غصب عنها.... وصل زين القسم ونزل ودخل زي المجنون سال علي امه والظابط سمحله بخمس دقايق بس اول ما نادية شافته جريت وحضنته وفضلت تعيط وتقول: زين كدا تسبني لوحدي الفترة دي هونت عليك صدقني يا زين انا مظلومه انا معرفش الراجل دا ومعرفش اي جابه جانبي يومها صدقني انا مش بكدب عليك زين دموعه كانت بتنزل وقال بالعافيه: انتي كنتي بتعملي اي في الشقة دي لنفترض انك متعرفهوش اي اصلا يخليكي تروحي شقة زي دي ردي عليا يلا اتكلمي نادية مكنتش عارفه تقول اي بس قررت تتكلم وقالت كل اللي حصل معها وبعدين قالت: هي دي الحقيقه يا زين بس خيانه محصلتش والله يا ابني صدقني انا بحب ابوك زين اتصدم اوي وقال: انتي فاهمه الخيانه غلط يا نادية هانم عمتا انا هعمل اللي عليا وهجبلك محامي وبتمني يخفف عنك الحكم شوية وبجد شكرا جدا علي كل اللي عملتيه دا زين سابها وخرج وهو مش مصدق نفسه بقي امه تبقي طماعه بالشكل دا وسبحان الله ربنا يعقبها بالفضيحه دي عشان مفرقش معاها كمية الناس اللي هتموت وفكرت في نفسها وبس مشي زين وهو خلاص تكه وهينهار في الارض ومش عارف يروح فين كنت قاعده في الجنينه رايحه جايه مستني زين يرجع بي اي شكل فجاه لاقيت خالد قدامي ما هي كانت ناقصة قرب مني وقالي: عال دا احنا بقينا زي الفل اهو حمدالله علي سلمتك يا دليلة انا جيت عشان اطمن عليكي ابتسمت وقولتله: ربنا يخليك يا خالد تعال اتفضل اقعد البيت بيتك هتعمل فيها ضيف ولا اي ها تشرب قهوة مظبوط صح ضحك وقال: طب كويس لسه فاكره القهوة بتاعتي ماشي يا ستي اي حاجه تيجي منك زي الفل مش هنقول لا طلبت القهوة من رجاء وفضلت قاعده عيني علي الباب لاقيت خالد بيقولي: مالك يا دليلة شكلك متوترة اوي كدا ليه في حاجه معاكي احكيلي انا برضو صحبك لسه ولا هتخبي عليا قولتله: اكيد طبعا يا خالد انت غالي عليا اوي مفيش حاجه متقلقش انا بس مستنيه زين هو خرج ونسي تلفونه هنا المهم طمني عليك امت رد وقالي: اهو يا ستي ماشي الحال استلمت الشغل في المستشفي وهي لطيفة يعني وزمايلي هناك تمام الحمدالله وانتي مش ناوية تخشي كلية عرفت انك طلعتي الاولة علي الثانوية العامه حرام تحبسي نفسك كدا بصتله ورديت بحزن وقولت: اللي ربنا عايزوا هيكون يا خالد ان شاء الله انا واثقه اني لو قولت لزين مش هيرفض بس لما يجي الوقت المناسب هتكلم معه رد وقالي: ماشي بس اوعي تنسي نفسك والتنسيق يروح عليكي انتي لازم تحققي حلمك وحلم وامك يا دليلة فاهمه قولتله: ان شاء الله متقلقش يا خالد هقوم اشوفلك القهوة البت رجاء دي دلوعه اوي انا بجد تعبت منها ثواني وجايه قومت وقبل ما اتحرك لاقيت خالد قام وحضني اتصدمت وفضلت واقفه مكاني وهو قال: مش قادر يا دليلة انا بجد بحبك انتي ليه مش حاسه بيا زين احسن مني في اي انا عملت المستحيل عشان استاهلك وابقي من مستواكي اديني فرصة واحده ارجوكي كنت لسه هبعده عني واتكلم لاقيت زين بيشده وبينزل فيه ض*ب وبيقول: انت ازاي تلمس مراتي اي مش قالتلك اتجوزت وبحب جوزي اي مفيش اي دم خالص النهارده مش هسيبك تطلع من تحت ايدي عايش ابدا كنت مصدومه وخوفت يموت في ايده ويودي نفسه في داهيه فضلت اشد فيه واقوله: كفايه يا زين سيبه هيموت حرام عليك سيبه بقي زين بعد عنه وانا جريت علي خالد وحاولت اقومه لاقيت زين بيشدني وبيقولي: خايفه عليه اوي كدا ليه اي حنتي ليه كلكم واحد مفيش ست ليها الامان اطلعي بره يا دليلة انا مش عايز اشوف وشك تاني انتي فاهمه اتصدمت من كلام زين وقولت: انت بتقول اي يا زين بتطردني دا انا دليلة حبيبتك ليه بتعمل فيا كدا انا مش بحب حد غيرك والله بلاش تظلمني يا زين ابوس ايدك رد وقالي: انتوا كلكوا صنف واحد ملكوش امان كنتي في حضنه وبدافعي عنه كفايه مش قادر بجد امشي يا دليلة احسن والله هقتلك مكانك هنا من دلوقتي ملكيش مكان في حياتي بصتله وانا بعيط وقولت: زين اعقل انا لو خرجت من هنا مش هرجع مهما يحصل فكر كويس وصدقني كل اللي في دماغك دا غلط انا عمري ما فكرت اخونك او ابص لغيرك لف وشه الناحية التانية وقال: انا قولت اللي عندي هخرج وعايز ارجع تكوني اختفيتي من هنا مفهوم والزبالة دا يخرج من فيلتي حالا مشي وانا وقعت في الارض منهارة مش مصدقة ان زين يصدق اني ممكن اخونه بس هو معذور ازاي يلاقي مراته في حضن واحد تاني بس المفروض كان يسمعني ويصدقني بدام بيحبني خالد قام وقالي: يلا يا دليلة قومي جيبي هدومك وتعالي اوصلك مكان متحبي انتي مينفعش تقعدي هنا اكتر من كدا يلا يا حبيبتي قومت ومسحت دموعي وبصيت لخالد بعصبيه وقولت: امشي من هنا يا خالد ومتخلنيش اشوف وشك تاني انا هعرف اوصل نفسي كويس واسمي دليلة انا مش حبيبتك تمام اتفضل مع السلامه خالد محبش يتناقش معايا اكتر من كدا ومشي وهو حاسس بالانتصار وانا طلعت حضرت شنطتي وخدت داده فاطمه ومشينا مقدرتش اروح الفيلا وقررت اروح عند شهد زين خرج وراح علي البحر واتصل بمنير عشان يجيله وفضل قاعد سرحان واول ما منير وصا حضنه وفضل يعيط منير مكنش فاهم في اي بس سابه يطلع كل اللي جواه وبعدين قال: كفايه يا زين اهدي كدا وفهمني في اي واي جابك هنا دلوقتي حصل اي يا صحبي احكيلي انا معاك وفي ضهرك زين حكي كل حاجه لمنير فهو يعتبر اكتر من اخوه وبعدين قاله: وطردت دليلة من البيت بعد ما رجعت لاقيتها واقفه مع خالد في الجنينه وفي حضنه مقدرتش استحمل وض*بته وطردتها منير مكنش مصدق وقال: انت بتقول اي يا زين يعني طنط نادية تعمل كل دا ودليلة اكيد مظلومه يا زين انت كنت المفروض تسمعها رد وقال: كلهم واحد حته لو مظلومه هي اللي سمحتلوا يتماد معها ويحضنها ازاي تقبل اصلا تقعد معه وانا مش موجود يلا اديني طردتها وخلصت ونادية مش عايزاك تجيب سيرتها تاني منير كان عارف ان الكلام مش هيجيب نتيجة مع زين دلوقتي خالص فقال: ماشي يا صحبي اللي تشوفه يلا تعال بات معايا النهارده مصطفي هيفرح اوي يلا بينا زين حاول يرفض بس منير مدهوش فرصة وفعلا راح معه.... نسمة كانت في البيت وتلفونها رن وكانت رجاء رديت بسرعه وقالت: ها يا رجاء في اخبار جديده يلا بسرعه قولي وفرحي قلبي رجاء ضحكت وقالت: طردتها يا ست نسمة خلاص قالها مش عايز اشوفك تاني وانتي من دلوقتي بره حياتي اظن كدا الجوه خلي ليكي نسمة فرحت اوي وقالت: ايوة بقي هو دا الكلام شكرا يا رجاء ليكي عندي مكافاة كبيرة اوي انا هاجي الصبح عشان نبداء الخطة التانية قفلت نسمة وهي مبسوطه اوي بس فجاه جه في بالها هيثم متعرفش ليه فقررت تكلمها وضايقه وفعلا اتصلت بيه ولما رد قالت: اي يا هيثم ليك وحشه والله انا بس بتصل عشان اقولك اني قريب اوي هوصل لهدفي وهبقي مرات زين خلاص هيثم رغم انا مضايق بس قرر يبين لنسمة انها مش فارقه معه وقال: طب كويس الف مبروم مقدماً يا انسة نسمة في حاجه تاني اصلي مشغول ومستني مكالمة مهمه نسمة استغربت اوي ومن غير ما تحس قالت: مكالمة مهمه ازاي يعني انت من امتا بتتكلم في الفون متاخر ومين المهم دا بقي هيثم رد وقال: ماظنش ان دا يفرق معاكي او يخصك اصلا تصبحي علي خير يا انسة نسمة وبتمني ليكي احلام سعيده وقفل هيثم وهو سايبها مولعه في نفسها وهي متعرفش ليه مضايقة اصلا... وصلنا البيت عند شهد واول ما طلعنا وخبطنا سمعت صوت طنط وهي بتقول: اخيرا رجعتي يا شهد حرام عليكي يا شيخه وقعتي قلبي واول ما فتحت وشاف*ني قالت: هو انتي يا دليلة ادخلي يا بنتي اي دا ليه الشنطه دي مالك يا حبيبتي في اي مقدرتش وحضنتها وفضلت اعيط واصرخ وهي بطبطب عليا ولما هديت سالتها علي شهد وقالت: والله يا بنتي ما اعرف قالت نازلة اجيب طلبات ومن ساعتها مرجعتش وتلفونها مقفول مش عارفه اعمل اي قولتلها: اهدي يا طنط زمانها جايه يمكن قابلت حد من صحابها ووقفت معه ان شاء الله خير طب كلمتي منير سالتيه فجاه الباب اتفتح وحصلت الصدمة....... ياتري نادية هتعمل اي.... وندي وصابر اي السر اللي لازم زين يعرفوا يمكن هيتجوزوا.... وليه زين طرد دليلة معقول يكون صدق انها خنته.... وخالد ناوي علي اي.... ومين اللي خ*ف شهد.... واي هيكون رد فعل منير..... ودليلة هتعمل اي.... ومين اللي فتح الباب وصدم الكل.... هنعرف الحلقات الجاية... انتظرونا...

Free reading for new users

Scan code to download app

App Store Google Play

Facebookexpand_more